Bin bi kpēē ki sīŋkiǹee mákal
123
1 Bi yaa cá Jeerusaleem kí jāam̀ Unimbɔtee ní bi gà-ŋu.M wáaǹ ki kpēē sii un kā a-beejal pu
yilpuee watil pú.
2 Kii iyumbu nimbikpeeŋu nín cɔ́ bi-kpiliu ŋal pu pueea,
kii utɔntɔnli unimpu nimbikpeeŋu nín cɔ́ u-kpiliu pu puee,
míǹ ní ti-mun nimbikpeeŋu cɔ́ ti-Dindaan ti-Nimbɔtiu pu,
ki cí ú sɔ̄ ti-saai.
3 Sɔ̄ isaa, ti-Dindaan, sɔ̄ isaa!
di sá yii bi gíti kpēē-ti fám an jítì mara pu.
4 Bilambidambi sīī-ti an gíti lákatì,
bin yòontí bi-ba yilpuee kpēē-ti fám an nyāŋkì.