Ilan 124

Ti-Dindaan u-ba di sá ti-jòońliu

124

1 Daafiidi di ŋmàn̄ nlan nee. Bi yaa cá Jeerusaleem kí jāam̀ Unimbɔtee ní bi gà-ŋu.

Ti-Dindaan yaa kaa bàà nìn bí ti-ceeyee...

- Isirayeel ń bùsì kí lì yii:

2 «Ti-Dindaan yaa kaa bàà nìn bí ti-ceeyee» -

binib nín nìn yíkì ki bíi jáà nì tee,

3 bi-ŋuul nín nìn fòol̄ ti-pu lìblib kii ŋŋmee,

bi bàà nìn dū-ti ki náĺ nì ti-nimbiliŋ.

4 Nnyim bàà nìn yōoǹ-ti,

mbunni nyim bàà nìn bīiǹ ti-pu.

5 Mbuŋkpaan nyim

bàà nìn bīiǹ ti-pu ti múĺ.

6 Ti jáaḿ ti-Dindaan u nín kaa yāntì

ti-nannanliibi tɔ̄ntì-tee!

7 Ti sáǹ ki nyáń kii unoon nín sáń kí nyā ukpan laaŋkun puee ní,

kulaaŋŋu cúu tīl̀ ní ti sáǹ ki ŋmátì.

8 Ti-Dindaan u-ba di sá ti-jòońliu,

úǹ di náań yilpu nì taapu.