Bin máká ti-Dindaan puee
125
1 Bi yaa cá Jeerusaleem kí jāam̀ Unimbɔtee ní bi gà nlan nee.Bin máká ti-Dindaan puee
bí kii Siiyɔn joolee ní,
dàa cìŋkī,
di bí ní ki cá talku.
2 Kii ajoon nín māntìi tú Jeerusaleem tiŋki puee,
míǹ ní ti-Dindaan māntìi tú u-nibul,
kí yòon̄ kɔŋkɔnnee kí nīn cáa cá jaanjaan.
3 Ubɔti un sá unikpitee
kaa làá ŋmā kí kpòotī deedeedambi tiŋki,
an yaa sá fám, bi mun làá dāá kíĺ kí nīn bíi ŋáań tikpitil.
4 Ti-Dindaan, bin ŋáań tiŋanee,
bin pɔbil bí diba nì see,
dàkà-bi a-laŋŋaŋfitiiku.
5 Ama bin dī isaŋkpitee,
ti-Dindaan, ŋàtī-bi kí fá,
kí kpáaǹ bikpitiŋaliibi!
M mèé yii ŋgbansɔŋfi ń nīn bí Isirayeel pu!