Ilan 126

Nsiim kpántì tilaal

126

1 Bi yaa cá Jeerusaleem kí jāam̀ Unimbɔtee ní bi gà nlan nee.

Ti-Dindaan nín nìn fātìi gíiǹní ti-sarkadambi Siiyɔn tiŋkinee,

an nìn bí-ti kii kudamintiiuee ní.

2 Ti nìn pée bí ní ki lāā

ní ki gà dipɔɔpindi laŋyi.

Atimbun ŋin kíǹee nìn bí ki lì yii:

«Ti-Dindaan túń atuŋkpaan ki tīī-bi.»

3 Tiŋman, ti-Dindaan nìn lafun túń atuŋkpaan ki tīī-ti,

ní ti nìn bí dipɔɔpindin.

4 Ti-Dindaan, fàtīí gíiǹní ti-sarkadambi,

kii a nín yàntī nnyim fàtīi gbéè

Neegeeb teekun bùmbiyaamu puee.

5 Un yaa būul̀ nsiim poonee

dāa cēē dipɔɔpindi poon ní.

6 Un yaa tú iwambool ki cá kí bɔ̄l̀ ki sūǹee

làá fàtīí gítiń ki tú tijin tin u cáńee nì dipɔɔpindi ní^a.