Ilan 127

Ti-Dindaan di tìì tikɔkɔ

127

1 Saloomɔn di ŋmàn̄ nlan nee. Bi yaa cá Jeerusaleem kí jāam̀ Unimbɔtee ní bi gà-ŋu.

Ti-Dindaan yaa kaa máń kudiiyee,

bidimaliibi bíi pɔ̄ɔntí fám ní.

Ti-Dindaan yaa kaa cí kitiŋee,

bin cí-kèe cí fám ní.

2 An sá fám ní ni yíkí kutaafaau pɔ̀lpɔl

kí dāá dòon̄ kunyataasiiu,

ki tūǹ ditundi ki gì ki pée nyàab̀ kun ni làá jēe.

Ti-Dindaan tìì bin u néeńee min jítì mimmee,

ŋyunti ŋun ní bíǹ dɔ̄ ki gèeǹee.

3 Mbiyaamu sá tigaajati tin ti-Dindaan tììyee ní,

ní mmaal sá dibiindi.

4 Mbininjabiyaamu mun uninja màal̀ u-naacimpɔntinee

sá kii ipiin in kā ujanjal ŋaanee ní.

5 Un gbéeǹ u-baatandi ipiinee bí mmɔneeee!

U nì u-nannanliibi yaa bíi sòoǹ tibɔti kubɔtinaakoounee,

icoo kaa làá cúú-u.