Ilan 128

Deedeedambi naam

128

1 Bi yaa cá Jeerusaleem kí jāam̀ Unimbɔtee ní bi gà nlan nee.

Bin kɔkɔ fàŋkí ti-Dindaan,

ki nóó u-saŋŋuee bí mmɔnneeee!

2 A nín túń ditundi ki ká kuŋyee ní a làá jī.

A làá nīn bí mmɔnni, ní án bútí-si!

3 A-dumpuee, a-nimpuu làá nīn bí kii

bufiinyisubu bun lòoǹ tikpilee,

ní a-jipɔmbi ń nīn bí kii ɔliifi supɔmbiliŋee

ki māntìi tú a-teebiliu.

4 Ti-Dindaan nín làá bìin̄

un fàŋkí-uee pu puee dee.

5 Ti-Dindaan ń bìin̄ a-boon doooo Siiyɔn jool pu,

ní á ká án nín làá bútí Jeerusaleem pu

a-maŋfal wiiŋyi kɔkɔ poonee,

6 ní kí ká a-biyaamu biyaamu.

Isirayeel ń nīn bí ŋgbansɔŋfin!