Un ŋmàn̄ kugbɔŋu nee yíiń u-ba yii «Ukpil» ní. Ama u nín sòoǹ puee dàkà yii bin u nìn ŋmà ki tììyee nìn tìì-u disíndi tikpil. U ŋmàn̄ ki tīī «ti-na un Unimbɔti lútèe nì a-biyaamu», an dàkà yii Kriisitoo nikitil nì di-nib (b. 1).

U bíi tìì bin làá kàaǹ u-gbɔŋku nee kunyannyaau bí nīn bí ibaamɔn nì dineendin (b. 1-6). U kpáafí-bi bí nīn nyíǹ bi-ba nì bin yìiǹ ki sòoǹ tinyimɔmbɔti tin u jáń nì kugbɔmpeepeekaau poonee (b. 7-11). U kúntì u-bɔti ki tùkū-bi yii u làá dāá màntì bi-pu ní ki kpáàa dū Kriisitoo nikitil diba jaamii ki tīī-bi (b. 12-13).

Kii Yoowaneesi nín sòon̄ pu u-gbɔmpeepeekaaku poonee, míǹ mbaantiim ní u tí sòon̄ ki kpáafì bin kɔkɔ làá kàaǹ kugbɔŋu nee bí nīn wálifì ní kí nīn pɔ̄ɔntí bi-ba fookiibaamɔn poon.