«Ukpil di tí ŋmàn̄ kugbɔŋu nee (b. 1, kpèè 2 Yoow 1) ki tīī Gaayusi. Tin ti pée nyí Gaayusi puee di sá u yú deedee nì ibaamɔn. U-bimbim nyáń mi-ba nì Diyootreefi yam. Úǹ nìn bí dikitil diba poon ki cáá mpɔn. U nìn kúŋfì «Ukpil» boon ní kaa fòol̄ binicambi.

Yoowaneesi pàkā Gaayusi u nín yú deedee puee nì u nín tútúǹ fookiidambi puee (-1-8). U yáliŋkì Diyootreefi bimbim pu (-9-10). Míǹ boonee u sòon̄ Deemeetriyusi pu. U nìn sá Kriisitoo yɔu ní ki nìn nyáń diyindi. U sòon̄ míǹ ki dóòyee ní ki lī yii u làá dāá màntì bi-pu ní bi-bɔɔbi jáaḿ-bi (b. 13-15).

Kugbɔŋu nee poonee, ti kāntí yii dinicaŋfool nì ti nín fòol̄ nnabiyaamu puee dàkà yii ti cáá dineendi ní ki yú deedee nì ibaamɔn.