3 Kupkoonchi *:Parisaayik walak Yēēsu kumārēy kuutyam, akuteep kilē, “Chāmēy :ng'ātuutēchooch kuutyaak :chiich cheepyooseenyiin akipō ng'ālyoon aka tōkōl?” 4 Kuwālchi :Yēēsu kilē, “Toomō asooman :akwaan nkōō siruut yoo mwoorēy kilē, paani kii-ir :Iriin ng'wēny, ku kii-ir murēn nkōō cheepyooso?^† 5 Akimwa kilē, ‘Āmu nyoonēē ku mētooy :murēnō apoonyiin nkōō eeyeenyiin, akunam keey nkōō cheepyooseenyiin akilēku ākoong'o.’^† 6 Mēēlē tāku piich ārēēny, aku kiikulēku ākoong'o. Kiyoo kaakuutuuyō :Iriin nyuun ku mēēpēēsyō :chiich.”

7 Kuteep kuureer :Parisaayiichoochēē kilē, “Āmu nee takung'at *:Muusa saan kisir kartaasi nyoo tyookēē keey siku-oon cheepyooseenyiin?” 8 Kuwālchi :Yēēsu kilē, “Kiichāmwook *:Muusa atyaaka keey āmu kiiwururiituuy :mētēwēyiikwook. Kiimālēē nyoonēē wōloo kiimārtooy :Iriin nkōō taay. 9 Āmwoorwook kilē chiich nyoo keetyaak cheepyooseenyiin nyoo maasiir karwa, aku-āp cheepyoosee aka, ku kasiir :chiichoonēē karwa.”

10 Kumwoochi Yēēsu :kineetanichiich kilē, “Nēē koo lēē chu :ng'ala nkōō wōloo miitō :murēnō nkōō cheepyooseenyiin ku kaykay kumoopiisyō :chiich.” 11 Kuwālchi :Yēēsu kiineetanichiich kilē, “Mēēmuukēy :chiich aka tōkōl kuuran koonēētiisyooni, kung'ētu :choo kiikuutō :Iriin. 12 Chaang' :ng'ala choo irēy piich kumoopiisyō. Mii :walak choo kiikunam kumāsikiisyēy, ku mii :walak choo māsikiisyēy āmu ki-ir :piich walak kilēku choochēē. Kumii :walak choo moopiisyēy akipō Pāyuunātoo Kaa Iriin. Chiich aka tōkōl nyoo muukēy kucham, kucham.”

13 Kuumuti :piich walak Yēēsu laakōōy kilē sikuutiing'ō ēēruunēchiich akuupēēruur. Kukar koong' :kiineetanichiich pichoochēē. 14 Kumwoochi :Yēēsu kilē, “Akanya kupka laakōōk wōli āmii, amaakarta āmu piich choo lēē chu :choo pāyituuy Pāyuunātoo Kaa Iriin.” 15 Kuupēēruur :Yēēsu laakōōchoochēē akuwēēchi keey.

16 Kichōōnchi :chiich Yēēsu pērēētuu aka akuteep kilē, “Koonēētiin, a-ir nee nyaa karaam soonyōōru *sopoon nyēpō ākōy?” 17 Kuwālchi :Yēēsu kilē, “Āmu nee siteepeenaan kilē kir nee nyaa karaam? Chiich ākoong'o ākityōōn :nyaa karaam. Nēē mārēy sēēnyōōruu sopoon nyaa karaam, iriip ng'ātuut chēpō Iriin.” 18 Kuteep :chiichoonēē Yēēsu kilē, “Ng'ātuutēk chōō?” Kuwālchi :Yēēsu kilē, “Āmēērumiisyō, āmēēsiir karwa, āmēēchōōrsyō, āmēētoomchi chiich ng'al, 19 ikoonyit apoong'uung' ākōō eeyēēng'uung' akiicham piich walak kilēē wōloo ichāmtooy keey.”^† 20 Kuwālchi :chiichoonēē Yēēsu kilē, “Kyaatuup :aneen ng'ātuutēchoochēē tōkōl. Kir nee aka nyoo kāng'ētu?” 21 Kuwālchi :Yēēsu kilē, “Nēē mārēy nyōōruu *sopoon nyēpō ākōy, iwēē-alta kir aka tōkōl nyoo iting'ēy, akiitō mēēy rōōpiyēēk chu kēēnyōōru, akiichōōn ituupaan. Inyōōru nyuun mōkōrnoonti nyēpō man nkōō kipsēnkwēt.” 22 Paani kateer :chiichoonēē ng'aleechoochēē, kung'woonchi. Kunareek akuwēēchi keey āmu kiiting'ēy mōkōrnoonti nyoo māting' /keemwa.

23 Kumwoochi :Yēēsu kiineetanichiich kilē, “Āmwoorwook man kilē kōrōōm kuchuut :chiich nyoo lēē mōkōryoon Pāyuunātoo Kaa Iriin. 24 Āmwoorwook kuureer kilē, nyumnyum nkōō :tamas kuchuut koong'pō siintaanu kusiir kuchuut :mōkōryoon Pāyuunātoo Kaa Iriin.” 25 Paani kateer :kiineetanik ng'aleechoochēē, kikwōng'yō akilē, “Ara ng'oo, nyuun :nyoo muukēy /kēēsāru?” 26 Kuuro :Yēēsu kiineetanichoochēē akilēēchi, “Mēēmuukēē ng'aleechu nkōō wōloo mii :piich, aku nyuun muukēē :kir aka tōkōl nkōō wōloo mii :Iriin.”

27 Kuteepa :Pēētērō Yēēsu kilē, “Kiikēēmētēēchaan tukun tōkōl akeetuupiin. Ara kunyōōruu nee?” 28 Kuwālchi :Yēēsu kilē, “Āmwoorwook man kilē nēē chō kutēpō *:Wēēroo Chiich ng'achareenyiin pō tōrōōrin nkōō kōōrēē nyoo chōōnēy, ātēpiisōōt :akwaan mpō ng'achareen taman nkōō ārēēny chēpō pāyuunāt, ārwoochi koorin taman nkōō ārēēny chēpō *Israayeel. 29 Chiich aka tōkōl nyoo kāmētō koonyiin, wēēriing'waang', chēētang'waang', apoonyiin, eeyeenyiin, laakōōchiich ntā ku pareenyiin akipō aneen, /kēē-ōōchinii kunyil pokol aku nyōōru *sopoon nyēpō ākōy. 30 Wōloo nyuun lēkuuy chēpō taay chēpō lēt, kilēku chēpō lēt chēpō taay.”