2 Kaariipō kiineetanik taman nkōō ārēēny ku chu: Siimnyōn (nyoo /kikukuurēē Pēētērō) ākōō wēēriing'waang' Antereeya, Chēēmis wēēroo Sēpētaayo ākōō wēēriing'waang' Chowaana. 3 Walak ku Pilip ākōō Partolomeeya, Toomaas ākōō Mataayo nyoo kii kwāriintoo *kōōti, Chēēmis wēēroo Alpaayō ākōō Tataayo, 4 Siimnyōn Kananaayo^a ākōō Chuutaas Iskaryoot nyoo kiichō ku-alta Yēēsu.

5 Kumwoochi nyuun :Yēēsu kiineetanichoochēē taman nkōō ārēēny kilē, “Maapa wōloo mii :piich choo mā Yāwuutik amaachuut kēēstoon chēpō piich chēpō *Samariya. 6 Apee kipaat wōloo mii piich chēpō *Israayeel choo kiikupētyō kilēē kēēchiir. 7 Apee ākoopoomwoochi kilē, ‘Kaakuriiku :Pāyuunātoo Iriin.’ 8 Āsoop piich choo mnyoonchootēēn, akaang'eetee meerat choo kiikumēērō. Āsoop piich choo kiinam :kōōnchōryoontō, akaa-oon *toomirmiirēy chaa raacheen. /Kaakēēkōōnook kilēēn, ātētēē nyuun kilēēn. 9 Amaanamaata rōōpiyoon aka tōkōl. 10 Amaanamaata saapaa kātōōn ntā ku sira aka tōkōl, ntā ku kwēēr ntā ku kaarya, āmu yāmēy kipāyityoon /kēētē kiyoo āmēy.

11 Nēē a-it kōōr aka tōkōl, awas chiich nyoo koonyitoot ākootēpi katanyiin ākōy āpēēchi keey. 12 Paani kaapa kaa chiich, āpēēruur kaayoonēē. 13 Nēē kārāmiituuy piich chēpō kaayoonēē, kuupēēruuriisyō akunyōōru kaalya. Ku nēē makārāmiituuy, kumānyōōruuy pēēruur. 14 Ku nēē mataakaak :chiich ntā kimateer ng'alēēkwook, apeeree kōōroonoonēē ntā ku kēēstoonichoochēē akaaparta tēērit nkōō kēēlyēēkwook sikung'uutu kilē tākuting'ēy pichoochēē ng'ōōkikwaak. 15 Āmwoorwook man kilē ng'woonchinii pichoochēē pō kōōroonoonēē kusiir ng'woonin nyoo kiinyōōru :piich chēpō Sotom ākōō Komoora pērēētuunoonēē tilchinii :Iriin piich kiirwook.”

16 Kitas taay :Yēēsu kumwa kilē, “Āyooytooyook kilēē kēēchiir choo mii kwēēnuu suuy. Āng'ōrōmiituu nyuun kilēē kipaang'ōōy ākootālāyiitu kilēē chēēptuukēēn. 17 Āriip keey nyuun āmu mii piich choo nāmook akuumutaak /pākēērwookwook akuunōōrook mu sinakōōkiin. 18 /Kunāmook /ākēē-āpook taayuu kāāntōōy ākōō pāytooy akipō aneen. Pārooyin :nyoonēē nyoo āmwoochiinēē pichoochēē ākōō piich choo mā Yāwuutik lōkōōy choo kāroomēēn. 19 Nēē /kunamaak, ku maa-iim keey kilē āmwoortooy nee, āmu /kung'oong'wook kiyoo āmwoorēy pērēētuunoonēē. 20 Mēēlē chookwook ng'aleechu āng'āloolēy, pō Toomirmiiryoo Apoong'woong' Iriin :nyoo ng'āloolēy kupunuunēēnook.

21 Āltooy :piich wēēchiikwaak /keekeet. Ku-alta :āpoo laakweenyiin, pooryēērēē :laakook sikiikwaak /keekeet. 22 Sāsook :piich tōkōl akipō aneen. Aku nyuun chiich nyoo kamurta ākōy pērēētuu nyēpō lēt, /kēēsāruuy. 23 Nēē usook piich mu kōōrēē aka, apa aka. Āmwoorwook man kilē moowoong'uuy kōōrootin tōkōl chēpō *Israayeel, kutoomō ku-itu *:Wēēroo Chiich.”

24 Kitas taay :Yēēsu kumwa kilē, “Moomii :kiineetana nyoo ōōw kusiir kōōnēētiinteenyiin, āmoomii :ōōtwookiin nyoo ōōw kusiir mōkōryoontēēnyiin. 25 Kir nyoo /ku-irchinii kiineetan, /kēē-irchinii koonēētiintēēnyiin, /ākēē-irchi ōōtwookiin kiyoo /ku-irchinii mōkōryoontēēnyiin. Ku nēē /kikuurēē chiitaa kata *Pēēlsēpuul oo, kutēp nee nyuun piich chēpō kaayoonēē?

26 Amaawar nyuun akwaaneek. Kir nyoo tukoot, /kēēng'oong'uuy, ku kir nyoo ung'aat ku ākōy kutooku. 27 Kir aka tōkōl nyoo āmwoorwook nkōō kamas, amwaarta kuteer :piich kukaraam. Kir nyoo koochoomwook, a-amtaata nkōō wōloo tōrōōr kuteer :piich tōkōl. 28 Amaawar :piich choo pārēy pōōr amēēmuukēy kupar toomirmiir. Kaykay awar nyoo muukēy kung'am pōōr ākōō toomirmiir nkōō ma nyēpō ākōy.

29 /Mākyooltēērēē tāriit ārēēny rōōpiyō choo ng'ērin? Mpō tālēē nyoonēē, ku māchinchinii ng'wēny mpō ākoong'o kumēēnkēt :Āpoong'woong' Iriin. 30 Nkēt mpō :Iriin puut choo mii mētpō chiich kilē tyaan. 31 Āmoowāriisyō nyuun, āmu chāmook :Iriin kusiir tāriit chaa chaang'.

32 Kunyuun chiich aka tōkōl nyoo mwoortoorēēnoon keey mu taayuu piich, āmwoortēērēē keey mpō chiichoonēē mu taayuu Apoonyuun nyoo mii kipsēnkwēt. 33 Ku aka tōkōl nyoo tāyoon nkōō taayuu piich, ātāyēy mpō nkōō taayuu Apoonyuun nyoo mii kipsēnkwēt.” 34 Kitas taay :Yēēsu kumwoochi kiineetanichiich kilē, “Maapkaat kilē koo-āpu kaalya ng'wēny. Maachōōn ā-āpu kaalya wōloo nyuun koo-āpu pēēsyoot kilēē paani /kiikusir kilē,

37 Chiich nyoo chāmēy apoonyiin ntā ku eeyeenyiin kusiir aneen ku māyāmēy kilēku kiineetaneenyuun. Ku chiich nyoo chāmēy wēēriinyiin ntā ku chēētanyiin kusiir aneen ku māyāmēy kilēku kiineetaneenyuun. 38 Ku chiich nyoo maacham kuutētō sopoontanyiin akipō aneen kumāyāmēy kilēku kiineetaneenyuun. 39 Nyoo kwoorēy sopoon nyēpō kōōrooni, kuupootēy *sopoon nyēpō ākōy. Ku nyoo kēētētō sopoontanyiin nkōō kōōrooni akipō aneen, kunyōōruuy *sopoon nyēpō ākōy.

40 Chiich nyoo kataakaak ku kataakan. Ku nyoo kataakan ku kataak Iriin nyoo kiiyookwoon. 41 Chiich nyoo tookēy *ōōrkooyoontoo Iriin āmu *ōōrkooyoontoo Iriin, kunyōōruuy kiyoo nyōōruuy ōōrkooyoontoonoonēē. Ku chiich nyoo tookēy chiich nyaa karaam āmu karaam, kunyōōruuy kir nyoo nyōōruuy :chiichoonēē karaam. 42 Chiich nyoo /kēētē pēr choo kārtitēēn ākoong'o nyēpō tuupiichu mēēnkēēchēēn, /kēētēnii mālāk man.”