2 Kimwoochi kiineetanichoochēē kilē, “Kiimii :kiirwookiin nyoo kiimāng'ēy māng'oot aka nyoo kiimēēwārēy Iriin amēēkoonyitēy piich, 3 kimii :cheepyoosee aka mpō nyoo kii lēē mōsōk nyoo kiimāng'ēy kōōroonoonēē. Kiicham kuwēētii :cheepyoosoonoonēē wōloo mii :kiirwookiintoonoonēē kilē /sikēēchuulchi ng'al choo kiiting'ēy nkōō chiitō aka.

4 Kikar mēt :kiirwookiintoonēē pērēētuus chaa chaang' kumāmārēy kichuulchi cheepyoosoonoonēē ng'aleechu kiiting'ēy. Nēē mii lēt, kuupkaat kilē, ‘Mpō tāmoowāraa Iriin ntā ku chiich aka tōkōl, 5 āmārēy ā-irchi cheepyoosooni kir nyēpō man, āmu kiikuutyaaran pērēētuus tōkōl kuu-iimoon mēt.’ ”

6 Kitas taay :Yēēsu kumwoochi kiineetanichiich kilē, “Ateera kee kiyoo mwoorēy kiirwookiintoonoonēē ra! 7 Ki-ir kiirwookiintoonoonēē kir nyēpō man lētuun, ara moopkootēēkwaan kilē sāruuy :Iriin piichiich choo riirchinii inyeentee pērēēt ākōō lang'a? Ara siistooy :Iriin kuti māsāru pichoochēē? 8 Āmwoorwook man kilē irchinii :Iriin pichoochēē kilē weel kir nyēpō man. Akanya kee ateepeenaak kilē, ata :piich choo chōōnēy kunyōōruuy *:Wēēroo Chiich kutākutiirēē keey inyeentee nkōō pērēētuuni wārākēē ng'wēny?”

9 Kumwoochi mpō :Yēēsu piikō walak choo ki-irtooy keey kilē kukāroomō akurēēng'ēy piich walak kārkēēyin kilē, 10 “Kiimii :piich choo lēē ārēēny choo kiipa kusa mu *Kōpō Iriin. Kii *Pārisooyiin :aka ku kwāriintoo *kōōti aka. 11 King'eet :Pārisooyiintēē akusa kilē, ‘Iriin, āmwooruun kōōnkēy, āmu moo-irēy ng'ōōki kilēē :piich walak, kilēē mpō kwāriintooni pō *kōōti. Āmwoorēy kilēē nyoonēē, āmu moomēlmēēlootēy piich āmoosiirēy karwa. 12 Ārukuutēy keey āmiisyō pērēētuus ārēēny nkōō wiiki ākootētooy kapeepar ākoong'o nyēpō taman nyēpō kir aka tōkōl nyoo ānyōōruuy.’

13 Kuuryoong'ēē :kwāriintoo *kōōti yoo lōōw aku maacham kuuro im. Paani kasa kwāriintoonoonēē pō *kōōti, kinam keey mataany akuriira keey nkōō wōloo mii :Iriin kumwoochinii kilē, ‘Paapa Iriin, riireenaan āmu aneen kipng'ōōkiyoon.’ ” 14 Kumwoochi :Yēēsu kiineetanichiich kilē, “Chiich nyoo kiwaraka kaaw ku /kaakēēnyōōchi kaat ku chiichi kyoop keey ng'wēny akimwa kilē kiiku-ir ng'ōōki, ma *Pārisooyiin. Kunyuun, chiich nyoo āpēy keey im /kēēmining'iitēy, ku nyoo āpēy keey ng'wēny, /kēētōrōōrēy.”

15 Nēē mii lētuun, kuumuti :piich Yēēsu laakōōy choo mēnkēēchēēn kilē kutiing'ēē ēēruunēchiich kuupēēruur. Paani keero :kiineetanik, kukar koong' pichoochēē. 16 Kikuur :Yēēsu laakōōk kupa wōli mii inyeentee akimwa kilē, “Akanya kupka laakōōk wōli āmii, amaakarta āmu piich choo lēē chu :choo pēētii Pāyuunātoo Kaa Iriin. 17 Āmwoorwook man kilē, chiich nyoo mātookēy pāyuunātoo Iriin kilēē wōloo lēē laakwa, ku māchuutēy Kaa Iriin.”

18 Kichōōnchi :kāāntōōyiintēē aka nyēpō Yāwuutik Yēēsu akuteep kilē, “Koonēētiintooni karaam, a-ir nee soonyōōru *sopoon nyēpō ākōy?” 19 Kuwālchi :Yēēsu kilē, “Āmu nee sēēkuurēēnoon chiich nyaa karaam? Moomii nyaa karaam, kung'ētu Iriin. 20 Inkēt :inyēēn ng'ātuut chēpō Iriin choo mwoorēy kilē, ‘Āmēēsiir karwa, āmēērumiisyō, āmēēchōōrsyō, āmēētoomchi chiich ng'al, ikoonyit apoong'uung' ākōō eeyēēng'uung'.’^† ” 21 Kumwa :chiichoonēē kilē, “Kyaatuup :aneen ng'ātuutēchoochēē tōkōl kung'eetee āmining'.” 22 Paani kateer :Yēēsu kilēē nyoonēē, kumwoochi chiichoonēē kilē, “Mii :kir ākoong'o nyoo takurartaaraat. Altee kir aka tōkōl nyoo iting'ēy, ākiichārchi mēēy, akiichōōn ituupaan. Inyōōru nyuun mōkōrnoonti nyēpō man nkōō kipsēnkwēt.” 23 Paani kateer :chiichoonēē ng'aleechoochēē kiimwoochinii :Yēēsu, kung'woonchi, āmu kii mōkōryoon :chiichoonēē kwōng'uut.

24 Kuuro :Yēēsu chiichoonēē akumwa kilē, “Kōrōōm kitya nkōō piich choo lēē mōkōrō kupa Pāyuunātoo Kaa Iriin. 25 Nyumnyum nkōō :tamas kuchuut koong'pō siintaanu kusiir kuchuut :mōkōryoon Pāyuunātoo Kaa Iriin.”

26 Kilē :piich choo kiiteer ng'aleechoochēē, “Ara ng'oo, nyuun, :nyoo muukēy /kēēsāru?” 27 Kuwālchi :Yēēsu pichoochēē kilē, “Kir nyoo mēēmuukēē nkōō wōloo mii :piich, kuumuukēē nkōō wōloo mii :Iriin.”

28 Kumwa :Pēētērō kilē, “Kiikēēmētō tukuuchooch tōkōl akeetuupiin.” 29 Kumwoochi :Yēēsu akwaaneek kilē, “Āmwoorwook man kilē moomii :chiich nyoo mētooy koonyiin, cheepyooseenyiin, wēēchiikwaak, sikiichiich ntā ku laakōōchiich akipō Pāyuunātoo Iriin, 30 nyoo /mākuu-ōōchinii chaa chaang' pērēētuusyēchu, akunyōōru *sopoon nyēpō ākōy nkōō pērēētuus choo pkōōnēy.”

31 Kwoop :Yēēsu kamas kiineetanichiich taman nkōō ārēēny akumwoochi kilē, “Ateertee kee! Kumii kēēpēētii Chēērusālēēm, wōloo wēētii kuusiltēērēē kir aka tōkōl nyoo kiing'oor *:ōōrkooy akipō *Wēēroo Chiich. 32 Kunāmēy /ākēēmuti piich chēpō Rooma choo muulēy aku-irchi ng'al tōkōl chaa raacheen akung'uti, 33 kupir akuukeet. Aku nēē mii pērēētuu nyēpō sōmōk, kung'eetee meerat.”

34 Kiimaamuuk kusōwu :kiineetanik kiyoo kiimii :Yēēsu kung'āloolēē. Kiwung'aat ng'aleechoochēē nkōō wōloo mii :akwaaneek nyoo moosōwu :akwaaneek kiyi kiimii kumwoorēy :Yēēsu.

35 Kii nēē lēēkit ku-it :Yēēsu Chēērikō, ku kiimii kipkoroot nyoo kiitēpēē aree kamas kusoomsēy. 36 Kii nēē teer :chiichoonēē piich chaa chaang' kusiirtooy, kuteep kiyoo kiimii kutāsēy taay. 37 /Kēēmwoochi kilē, “Yēēsu nyēpō Naasareet :nyoo mii kusiirtooy.” 38 Kii nēē /kumwoochi kilēē nyoonēē, kukuur nkōō kuut nyoo ōōw kilē, “Yēēsu, *Wēēroo Tāwuti, riireenaan!” 39 Kukar koong' :piich choo kiintōrōōruuy chiichoonēē kusiis. Kitas taay :chiichoonēē kukuursyō nkōō kuut nyoo ōōw kilē, “*Wēēroo Tāwuti, riireenaan!” 40 Kuuryoong' :Yēēsu akumwoochi piich kuurēētō chiichoonēē kuwō yi kiimii. Paani ka-it, kuteepee :Yēēsu kilē, 41 “Imārēy a-iruun nee?” Kilē :chiichoonēē, “Kiptaayaan, āmārēy amararta.” 42 Kilēēchi :Yēēsu, “Marartee nyuun! Kaakuusoopin kaaraneeng'uung'.” 43 Paani kamwa :Yēēsu kilēē nyoonēē, kimararta :chiichoonēē kilē weel akutuup Yēēsu kumwoochinii Iriin kōōnkēy. Kii nēē ro :piichoochēē tōkōl kiyoo kii-ira, kuuloosu Iriin.