6 Ku chiich aka tōkōl nyoo irēy kupēt chiich nyoo takukuskus kaaraneenyiin, ku kaykay /kēērāti korpō par nyoo nyikiis kaat /ākēēwiirchi araaray kuukeet :pēr. 7 Oro :piich choo irēy walak kupētyō. Iriisōōt :ng'aleechu, aku nyuun, muutyō akipō ng'woonin nyoo nyōōruuy piich choo irēy piikō walak kupētyō.

8 Nēē irin :ēēruung'uung' ntā ku kēēltāng'uung' ipēt, itilta akiiwiirta! Kaykay inyōōru *sopoon nyēpō ākōy iting'ēy ēēr ākoong'o ntā ku keel ākoong'o kusiir iting'ēy ēēruunēk tōkōl ntā ku kēēlyēēk tōkōl akeepa /kēēwiirchiin ma nyēpō ākōy. 9 Nēē irin koontong'uung' ipēt, ipālu akiiwiirta! Kaykay iting'ēy koong' ākoong'o akiinyōōru *sopoon nyēpō ākōy kusiir iting'ēy koonyiik tōkōl /ākēēwiirchiin ma nyēpō ākōy.”

10 Kitas taay :Yēēsu kumwoochi kiineetanichiich kilē, “Āriip keey maareeng' piichuuch choo kuskusō kaaraneeng'waang'. Āmwoorwook man kilē mii :malaykeenikwaak taayuu Paapeenyuun nkōō kipsēnkwēt.^a

12 Akanya kee ateepaak kiyi. Irēy nee :chiich nyoo ting'ēy kēēchiirēchiich choo lēē pokol nēē pēt :akoong'o? Māmētooy chu lēē tāmānwook sokool nkōō sokool kwookēētēy akuwō kuwasaata nyi kāpēt? 13 Āmwoorwook man kilē nēē wō kunyōōru nyiinō ākoong'o kāpētoot, kupāypāychinii nyoonēē ākoong'o kusiir chu moopētyō lēē tāmānwook sokool nkōō sokool. 14 Kilēē nyoonēē nyuun mpō Paapēēng'woong' nyoo mii kipsēnkwēt, mā makeenyiin kupēt :piichiich mpō ākoong'o.”

15 Kitas taay :Yēēsu kumwa kilē, “Nēē iruun :tuupchēēng'uung' ng'ālyoon nyaa ra iwēēmwoochi kilē kaakulēēluun. Imwoochi nyuun nkōō yoo imii :inyēēntēē ākōō inyeentee ākityōōn. Nēē tēēruun, ku kaa-isāru inyeentee. 16 Ki nēē tay kutēēruun, iwō nkōō chiich ākoong'o ntā ku piich ārēēny. Mwoorēy :siruut kilē, ‘Mārēy kumii :sōwi ārēēny ntā ku :sōmōk choo mwooruuy kilē man :ng'ālyoontoonoonēē.’^† 17 Ki nēē mateer pichoochēē, āmwoochi kaaniisa ng'aleechoochēē. Ki nēē mateer pichoochēē, ā-āp kukarkeeyiit nkōō chiich nyoo mēēnkēt Iriin ntā ku chiich nyoo kwārootēy *kōōti.”

18 Kitas taay :Yēēsu kumwa kilē, “Kir aka tōkōl nyoo kaakar mu ng'wēny, /kēēkārēy mu kipsēnkwēt. Ku nyoo kaayaat mu ng'wēny, /kēēyootēy mu kipsēnkwēt.

19 Āmwoorwook kuureer kilē, nēē tēērchiinō :piich ārēēny mu ng'wēny akisoom kir aka tōkōl, ku-irchinii :Paapeenyuun nyoo mii kipsēnkwēt kilēē wōli mārtooy piichoochēē. 20 Āmu nēē tuuyō :piich ārēēny ntā ku sōmōk nkōō kaarineenyuun, ku āmii nkōō akwaaneek.”

21 Kuteep nyuun :Pēētērō Yēēsu kilē, “Kiptaayaan, nēē lēēlwōōn tuupcheenyuun kumārēy ānyōōchi kaat āsip ata? Āsip tisap?” 22 Kuwālchi :Yēēsu kilē, “Ma āsip tisap kipaat, mārēy inyōōchi kaat āsip tāmānwook tisap nkōō tisap.”^b

23 Paani keewaang' :Yēēsu kumwa kilēē nyoonēē, kuureer kumwa kilē, “Karkeey kārkēēyini nkōō :Pāyuunātoo Kaa Iriin. Kiimii :mōkōryoon nyoo kiikuur kipāyitiinēchiich akuteep kumwooru chiich aka tōkōl pēsēn nyoo kiirookēy :mōkōryoontoonoonēē. 24 Paani kātoowu ku-ir kilēē nyoonēē, /kēēmuti kipāyityoonteenyiin aka nyoo kiiting'ēy pēsēntanyiin nyoo ōōw.^c 25 Āmu kimēēmuukēy :chiichoonēē kuraayta pēsēnoonēē, kumwaarta :mōkōryoontoonoonēē kilē kee-alta chiichoonēē kipootō cheepyooseenyiin ākōō laakōōchiich nkōō kir aka tōkōl nyoo kiiting'ēy chiichoonēē sikuraaytaara pēsēnoonēē. 26 Kukutung' :chiichoonēē nkōō taayuu mōkōryoontoonoonēē akusoom kilē, ‘Kiptaayaantaani! Riireenaan. Kōōnoon pērēētuus choo ng'ērin soorookuun tukuukuuk tōkōl.’ 27 Kuriira :mōkōryoontoonoonēē chiichoonēē. Kunyōōchi kaat amaatakuraak.

28 Paani kāwēēchi keey :kipāyityoontoonoonēē kutuuyēērō kipāyityoontēē aka nyoo kiiting'ēy pēsēntanyiin nyoo manang'.^d Kunam mōrōōk kipāyityoontoonoonēē kiiting'ēy pēsēntanyiin akumwoochi kilē, ‘Rookwoon pēsēntanyuun!’ 29 Kukutung'ō :chiichoonēē taayuunyiin akusaarsaar kilē, ‘Kaykay kōōnoon pērēētuus choo ng'ērin soorookuun pēsēntāng'uung'.’ 30 Kitay :chiichoonēē akuumut /pākēērwoochi /akeerat ākōy kurooku pēsēntanyiin. 31 Paani keero :kipāyitiinēk chuuchō walak kiyoo ka-ira, kunārēēkyō akupa kumwoochi mōkōryoonteeng'waang' kir aka tōkōl nyoo ka-ira.

32 Kukuur :mōkōryoontoonoonēē kipāyityoontēē akumwoochi kilē, ‘Inyēēn :kipng'ōōkiyoon! Koonyōōwuun kaat āmu kēēsoomoon. Ātēēruun amaataaraakiin pēsēn tōkōl nyoo kēēting'ēy. 33 Kwaamin :nee simeeriiree :kipāyityoontēē nyiinō aka kilēē paani kaariireeniin?’ 34 Kinareek :mōkōryoontoonoonēē akimwaarta /keerat chiichoonēē ākōy kurooku pēsēntō tōkōl.

35 Irwook nyuun :Paapeenyuun nyoo mii kipsēnkwēt kilēē nyoonēē nēē moonyōōchinii keey kaat.”