6 Nēē mii oro kwēēn, kukuursyō :chiich kilē, ‘Ānyi :saanteetaa laakwa! Apkaana atorooka!’ 7 Kung'ēētyō :tiipiik tōkōl akusiisir taayitiisyakwaak sikulāryō kukaraam. 8 Kumwoochi :chu kii lēē sālwēy chu kii ng'oroomō kilē, ‘Āchārwēēch mwaar, mii kumēērsōōt :taayitiisyēchooch.’ 9 Kuwālchi :choo kii ng'oroomo kilē, ‘Acha. Moomii nyoo yāmēēch tōkōl. Apee a-ala nyoong'woong'.’

10 Paani kapa :tiipiichoochēē kii lēē sālwēy ku-al mwaar, ku-itu :saanteetaa laakwa. Kupa :tiipiik chu lēē muut kiichēpootēēn nkōō saanteetaa laakwa kōpō tuum, /akeekar kurkat.

11 Nēē mii lētuun, kuwārākiisyō tiipiik chu kapa ku-al mwaar akukuursyō kilē, ‘Kiptaayaan, Kiptaayaan! Yootwēēch kurkee!’ 12 Kiwālchi :saantee kilē, ‘Āmwoorwook man kilē moonkētook.’ ”

13 Kuuwaang' :Yēēsu kilē, “Āriipō keey nyuun, āmu moonkēt pērēētuu ntā ku saayit nyoo iriisōōt tukuuchu.”

14 Kitas taay :Yēēsu kumwa kilē, “Lēē nyi Pāyuunātoo Kaa Iriin. Kiimii :chiich nyoo kiimārēy kuwō ruutoor. Kukuur kipāyitiinēchiich akuutē aka tōkōl kuriipchi tukuuchiich. 15 Kiitē nyēpō taay taleenteen^a choo lēē muut, kuutē aka choo lēē ārēēny, kuutē aka ākoong'o. Kiinyōōru :aka tōkōl kutuup keey nkōō kaamuukeenyiin. Nēē ityō, kuwēēchi keey. 16 Kuwō :chiichi /kiikuutē taleenteen choo lēē muut kupāyiisyēērō rōōpiyēēchoochēē kilē weel ākōy kunyōōru taleenteen walak choo lēē muut. 17 Kung'eet nyi pō ārēēny nyoo /kiikuutē taleenteen ārēēny, kupāyiisyēērō ākōy kunyōōru walak choo lēē ārēēny. 18 Kung'eet nyi /kiikuutē taleenta ākoong'o, kuwō kupal kēpēn akuwung' taleentayaantaa mōkōryoonteenyiin.

19 Paani kaakusiirtō pērēētuus chaa chaang', kuwaraka :mōkōryoontoonoonēē. Kuchō kukuur kipāyitiinēk kurāru ng'alēēpō rōōpiyēēchu kiitē akwaaneek. 20 Kuchō :kipāyityoontēē nyi /kiikuutē taleenteen muut akimwa kilē, ‘Mōkōryoontooni, kiikōōnoon taleenteen choo lēē muut. Roo kee, kyoonyōōru taleenteenik walak choo lēē muut.’ 21 Kilēēchi :mōkōryoonteenyiin, ‘Inyēēn kipāyityoon nyaa karaam /akēērānēy! Āmu kiipāyiisyēērēē tukun choo ng'ērin kukaraam, ākōōniin nyuun ipāyu tukun chaa chaang'. Chōōnō kēēpāypāyituu :tōkōl!’ 22 Nyoo matyaan, ku-itu :nyi /kiikuutē taleenteen ārēēny akimwa kilē, ‘Mōkōryoontooni, kiikōōnoon taleenteen ārēēny. Roo kee, kyoonyōōru walak ārēēny.’ 23 Kuwālchi :mōkōryoonteenyiin kilē, ‘Inyēēn kipāyityoon nyaa karaam /akēērānēy! Āmu kiipāyiisyēērēē tukun choo ng'ērin kukaraam, ākōōniin nyuun ipāyu tukun chaa chaang'. Chōōnō kēēpāypāyiituu :tōkōl!’

24 Nēē mii lētuun, kuchō :kipāyityoontēē nyi /kiikuutē taleenta ākoong'o akimwa kilē, ‘Mōkōryoontooni, ānkēt :aneen kilē inyēēn chiich nyoo kōrōōm akiicham inyēēn ikāsēy par choo meepal akiirumēē wōloo maa-is kōsur. 25 Kyaawar :aneen nka nyi kyoowō apal ng'wēny ākoo-unchi rōōpiyoontēē. Roo kee, anyi rōōpiyoontēēng'uung'.’ 26 Kuwālchi :mōkōryoonteenyiin kilē, ‘Inyēēn kipāyityoon nyaa ra akiisaratan! Kookiinkēt :inyēēn kilē ākāsēē wōloo maapal, ākoorumēē wōloo moo-isi kōsur? 27 Karaam, aku nyuun oo, kiitēēnāmēy rōōpiyoontēē akiiwēētē wōloo /kuusiintoochinii rōōpiyō sikupas keey kuchaang'iit. Ntā kii-ir :inyēēn kilēē nyoonēē, ntā koochōōnēy ānyōōruuy rōōpiyēēchuuch kiikutāsiisyō.’ 28 Kumwoochi :mōkōryoontoonoonēē kipāyitiinēchiich walak kilē, ‘Asaree taleentyaantee ākootō chiichi ting'ēy choo lēē taman. 29 Chiich nyoo pāyiisyēērēē kiyoo /kiikēētō, /kēētāsinii walak kuchaang'iit. Ku nyoo māpāyiisyēērēē /kēēsārēē mpō nyoo ting'ēy. 30 Akipō kipāyityoontooni lēē saratan, anama akaatoorta kuwō saang' wōloo tuur, wō kuriirēy akunyar keelat.’ ”

31 Kitas taay :Yēēsu kumwa kilē, “Paani kāchō *:Wēēroo Chiich nkōō tōrōōrintanyiin ākōō *malaykeen tōkōl, kutēpēē ng'achareenyiin nyēpō pāyuunāt. 32 /Kiirumchinii piich tōkōl choo mii ng'wēny taayuunyiin sikutar piich kilēē paani tārēy :māsōwoon kēēchiir nkōō nō. 33 Tēnii kēēchiir kutēpuunō ēēruu taay, kuutē nō kutēpuunō ēēruu lēt. 34 Nēē waang', kumwoochi :Pāytooyiin piich choo mii kamastanyiin pō taay kilē, ‘Apkaana, :akwaan choo kiikuupēēruurook :Paapeenyuun. Anama pāyuunāt nyoo /kiikēēsip /kēēchēpkook kung'eetee /kee-irta ng'wēny. 35 Kii nēē aman :piri, apayaan; kii nēē aman :maral, ākōōnoon pēr ara. Kii nēē āchō toon, ataakaan. 36 Kii nēē mooting'ēy sira, ākōōnoon sirooy alaak; kyaamnyaanaat, āriipoon. Kii paani /kikuratan, apaarootoon.’

37 Tēēpēy inyeentee :piich choo kāroomēēn kilē, ‘Kiptaayaan, āyu paani kyaamin piri kēēkōōniin āmiisyō, ntā āyu paani kyaamin maral, kēēkōōniin pēr ree? 38 Kii āyu paani kiinyēēn toon keetaakiin, ntā āyu yoo kiimēēting'ēy sira keelaakiin? 39 Āyu yoo kiimnyoonēy keepkaan kēēriipiin, ntā ku āyu yoo kiirataat keepkaan keerootiin?’ 40 Wālchinii :Pāytooyiin pichoochēē kilē ‘Āmwoorwook man kilē, kir aka tōkōl nyoo kii-irchi :chiich tuupchēēnichu mātookuunoot, ku kii-irwaan.’

41 Mwoochinii :Pāytooyiin chu mii kamastanyiin pō lēt kilē, ‘Apeeree yēēnyi! Āpānoot :akwaan nkōō wōloo mii :Iriin. Apee ma nyēpō ākōy nyoo /kikēēchēpchi *Syeetaani ākōō toomirmiirēyiichiich chaa raacheen. 42 Ki nēē aman :piri, kimaapayaan; ntā kii nēē aman :maral, kimookōōnoon pēr ara. 43 Kyoochō toon, kimaataakaan nkōō kooriikwook. Paani kimooting'ēy sira, kimookōōnoon sira alaak. Paani kyoomnyoonēy, kimaapkaan arootoon.’ 44 Mwoochinii :pichoochēē Pāytooyiintēē kilē, ‘Kiptaayaan, āyu paani kiikuurootin ku-āmiin :piri ntā ku maral, ntā iruutooy, ntā kumēēting'ēy sira, ntā imnyoonēy, ntā irataat, simākuutoorētiin?’ 45 Wālchinii :Pāytooyiin pichoochēē kilē, ‘Āmwoorwook man kilē, nēē kiitay :chiich i-irchi piich choo mātookuunoot kir aka tōkōl, ku kiitay itoorētoon.’ 46 Kwoopēy nyuun pichu raacheen wōli pō ma nyēpō ākōy, /kēē-āp chu kāroomēēn kupa wōloo mii *sopoon nyēpō ākōy.”