3 Kutuuyēēchi nyuun *tisiik choo ēēchēēn ākōō kāāntōōyiipō Yāwuutik kaa *Tisiin nyoo Ōōw nyoo /kiikikuurēē *Kayaapa. 4 Kuwas wōloo nāmtooy Yēēsu nkōō oor nyoo māsōwuuy :piich sikuukeet. 5 Kumwoochi keey kilē, “Kimakunam chiichi nkōō pērēētuusyēchu pō tuum āmu muukēy kung'eet :piich pooryoot.”

6 Paani kiimii :Yēēsu Peetannya, kaa Siimnyōn, chiich nyoo kiikyaam :kōōnchōryoontō, 7 kuchō :cheepyoosee aka nyoo kiiting'oonuuy mwaar nyoo ng'uutooy nyaa anyiny nyoo /kiiku-āltoorēē rōōpiyō chaa chaang'. Kunam :cheepyoosoonoonēē mwaarta akuroonchi mēt pō Yēēsu kumii ku-āmiisyēy. 8 Paani keero :kiineetanipō Yēēsu, kunyāliisyō akumwoochi cheepyoosoonoonēē kilē, “Āmu nee siiluluuka mwaarta kilēē nyi? 9 /Kātāku-āltēērēē mwaari rōōpiyō chaa chaang' /ākēētē rōōpiyēēk mēēy.”

10 Paani kāsōwu :Yēēsu ng'aleechu kiimwoorēy kiineetanik, kilēēchi, “Koo-iimchi nee cheepyoosooni? Nku ka-irwaan kir nyaa karaam. 11 Āmii :akwaan nkōō mēēy pērēētuu aka tōkōl, aku mēēlē nyuun āmii nkōō aneen ākōy. 12 Kir nyoo ka-ir :cheepyoosooni ku kāroonchi mwaar poortanyuun kuchēp /sipākēētupēn. 13 Āmwoorwook man kilē, /mākuruutyēērēē cheepyoosooni nkōō kir nyoo ka-ir mu ārii aka tōkōl yoo /ku-āmtoorēē lōkōōyichu kāroomēēn mu ng'wēny tōkōl.”

14 King'eet nyuun :akoong'o nyēpō kiineetanik chu kii taman nkōō ārēēny nyoo /kikukuurēē Chuutaas Iskaryooti akuwō wōloo kiimii *:tisiik choo ēēchēēn 15 akuteep kilē, “Kir nee nyoo ākōōnoon nēē āchēpkook oor anam Yēēsu?” /Kēētē *peeteen sosom.^a 16 Kung'eetee pērēētuunoonēē, kutoowu :Chuutaas kuwas porooyin nyoo āltoorēē Yēēsu.

17 Nēē mii pērēētuu nyēpō taay nyēpō tuum nyoo /kiikyoomēy makatyaan nyoo maakuutu, kupēēchi :kiineetanichiich Yēēsu akuteepa kilē, “Imārey pākēēchēpēē ānō āmiisyoonipō *Pasaka takee-ama?” 18 Kuwālchi :Yēēsu kilē, “Apaanyōōruu chiich nyoo mii :Chēērusālēēm ākoomwoochi kilē, ‘Kālē :koonēētiintēē: Kaaku-itu :pērēētuusyēchuuch. Āmārēy a-am *Tuumpō Pasaka ākōō kiineetanichuuch mu koong'uung'.’ ” 19 Ku-ir :kiineetanichoochēē kilēē wōloo kāmwoochintō :Yēēsu, akichēp āmiisyō nyēpō *Pasaka.

20 Paani kāwō kutuuriit :kōōrēē, kutēpō ng'wēny :Yēēsu ākōō kiineetanichiich taman nkōō ārēēny ku-āmiisyō. 21 Kumii ku-āmiisyēy, kumwoochi :Yēēsu kilē, “Āmwoorwook man kilē, mii :akoong'o nkōō akwaan nyoo wēētii ku-āltooyoon.” 22 Kuu-iim keey :kiineetanichoochēē akutoowu kuteepa :aka tōkōl kilē, “Ara aneen aa Kiptaayaan?” 23 Kuwālchi :Yēēsu kilē, “Nyoo kumii kēēnōnōōkēē :tōkōl makatyaan mōōnkwēē ākoong'o nyoo wēētii ku-āltooyoon. 24 Mēērēy *:Wēēroo Chiich kilēē paani /kiikeesir. Aku muutyō nyuun nkōō chiich nyoo āltooy inyeentee. Kiitakaykay ntā /kiimakunam chiichoonēē.”

25 Kilē :Chuutaas Iskaryooti nyoo kiimārēy siku-alta Yēēsu, “Ara aneen aa Koonēētiin?” Kuwālchi :Yēēsu kilē, “Lēē nyoonēē keemwaa.”

26 Paani mii ku-āmiisyēy, kunam :Yēēsu makatyaan akumwoochi Iriin kōōnkēy, kupuutil akuutē kiineetanichiich akilē, “Pōōrtanyuun :nyi, anama akaa-am.”

27 Kunam kikoompee nyoo kiimii *:tiipaay, kumwoochi Iriin kōōnkēy, kuutē kiineetanichiich kimii kumwoorēy kilē, “Aree tōkōl. 28 Kērētiichuuch :chu chēpō miis nyoo rēēl^b choo /kitārtooy akipō piich chaa chaang' /sikēēnyōōchi kaat ng'ōōkiikwaak. 29 Āmwoorwook kilē moorēēy kuureer tiipaayiichu ākōy pērēētuuni āwoorēēy ākōō akwaan chaa reelacheen mu kaa Apoonyuun.”

30 Kii nēē waang' kutuumēy tuum kupa kuutang' kamas pō Tulwoo *Musēytuun.

31 Kumii kupēētii, kumwoochi :Yēēsu kiineetanichiich kilē, “Āryētooy :tōkōl lang'atuuni āmētoon, kilēē paani /kiikusir kilē, ‘Āpārēy māsowoontēē akusarat :kēēchiirēk.’^† 32 Aku nyuun paani /kaakeeng'eeteenaan meerat, āntōrōōrtoorēēnook āwō Kalilaaya.” 33 Kuwālchi :Pēētērō Yēēsu kilē, “Māting' āmētēēn mpō tāmwēr :pichu tōkōl.”

34 Kilēēchi :Yēēsu Pēētērō, “Āmwooruun man kilē kutoomō kuchār :kipsōōywō lang'atuuni, itayēy kinyil sōmōk kilē mēēnkētoon.” 35 Kilēēchi :Pēētērō Yēēsu, “Mpō ntā meerat ku mootāyēy kilē moonkētiin.” Akimwa :kiineetanik tōkōl kilēē nyoonēē.

36 Kuwō :Yēēsu ākōō kiineetanichiich ākōy yoo /kikuurēē Keetseemaani. Paani ka-it kilēēchi :Yēēsu akwaaneek, “Ātēpii yi āwō iinō asa.” 37 Kuwō :inyeentee ākōō Pēētērō ākōō wēēchiipō Sēpētaayo ārēēny. Kutoowu kiteer ng'woonin :Yēēsu akuu-iim keey. 38 Kilēēchi :Yēēsu kiineetanichoochēē, “Ng'waanaa moo nyoo paanta āmēērēy, āng'ētuunēē yi, ākēēchikānchō tōkōl.” 39 Kuwō :Yēēsu taay nyoo matyaan kukutung' akuung'uruukō kusa kilē, “Apoonyuun, nēē muukēē, inaayteereenaan nyarili, wōloo nyuun amee-ir kilēē wōloo āmārtooy, i-ir kilēē wōloo imārtooy.”

40 Kii nēē waraka wōloo mii :kiineetanichiich choo lēē sōmōk, kunyōōru mii rwoon. Kumwoochi Pēētērō kilē, “Kāmoomuukēy āchikānchō nkōō aneen mpō saayit ākoong'o? 41 Āchikānchēē akaasaa simooputyō nēē /kuutyamaak. Chāmēy :mēē, wōloo nyuun moomii :kaamuukee.” 42 Kuureer kuwō nyēpō ārēēny kusa kilē, “Apoonyuun, nēē mēēmuukēē kumoopuntēērō nyarili, ikany ku-ira kilēē wōloo imārtooy.”

43 Paani kawaraka :Yēēsu, kuwō kunyōōru kiineetanichoochēē kiiruuyō rwoonpō chē, āmu kiiting'ēy rwoon nyoo nyikiis. 44 Kuureer :Yēēsu kumētō akwaaneek akuu-ooyta keey kusa nyēpō sōmōk kumwoorēy ng'aleechu kaakumwa taay. 45 Kuureer kuwaraka yi mii :kiineetanik akilēēchi, “Toomii āruusōōt ākoomuung'ēy? Aroo kee, kaaku-it :saayit nyoo /ku-altooy *Wēēroo Chiich kuwō ēēruunēpō kipng'ōōkiin. 46 Āng'ēētyēē keepee. Aroo kee anyi kaaku-itu :chiichi āltooyoon.”

47 Kitākumii :Yēēsu kung'āloolēy, ku-itu :Chuutaas nyoo kii ākoong'o nyēpō kiineetanichiich taman nkōō ārēēny. Kiitāsoonuuy piich chaa chaang' choo kiiting'ēy chōōkoon ākōō ruunkuun. Kiiyooku pichoochēē *:tisiik choo ēēchēēn ākōō kāāntōōy. 48 Kiikiikumwoochi :Chuutaas pichoochēē kilē, “Chiich nyoo ātookwēēsēy kilē aasak ku nyoonēē, anam.” 49 Kuwō :Chuutaas kilē weel yoo kiimii Yēēsu akuutaakwees kilē, “Aasak, koonēētiin.” 50 Kuwālchi :Yēēsu kilē, “Choorweenyuun, ng'aleechu choo kēēchōōnēy i-irēy?”^c

Kupka :pichoochēē akunam Yēēsu. 51 Nkōō yoonēē, kuukoortō ēēruunyiin :akoong'o nyēpō pichu kiimii ākōō Yēēsu, kung'usu chōōkeenyiin akichwan iitpō kipāyityoontoo *Tisiintēē nyi Ōōw kuchinta. 52 Kumwoochi :Yēēsu kiineetanaanoonēē kilē, “Ōōchi chōōkēēng'uung' yi kēēmii, āmu chiich aka tōkōl nyoo pāriisyēērēē chōōk, /kēēpārēē chōōk. 53 Mēēnkēt sōō kilē āmuukēy ākuur Apoonyuun kusārwoon kilē weel akuumuukēy kuuyookwoon *malaykeen chaa chaang' kitya? 54 Nēē a-ir kilēē nyoonēē kuusilta kilē nee nyuun siruut choo mwoorēy kilē iriisōōt :ng'aleechu?”

55 Kumwoochi :Yēēsu pichoochēē kilē, “Āmu nee soo-āpuu chōōkoon ākōō ruunkuus apaanamaan kilēē aneen pāriin? Nku kii cham ānēētiisyēy pērēētuu aka tōkōl nkōō piriiruu *Kōpō Iriin amaanamaan? 56 Wōloo nyuun kā-iriisyō :ng'aleechu tōkōl takuusilta kiyoo kiisir *ōōrkooy chēpō Iriin.” Kimētō nyuun Yēēsu :kiineetanichiich akuryata kupēēchi keey.

57 Paani /kaakeenam Yēēsu, /keemut kuwō kaa *Kayaapa *Tisiin nyoo Ōōw. Kiikēērumchi keey wōloonēē :koonēēt chēpō ng'ātuut ākōō kāāntōōy. 58 Kutuup :Pēētērō Yēēsu nkōō ripaarip ākōy ku-it piriiruu kaa *Tisiintoonoonēē Ōōw. Paani kaakuchuut kuwō kutēpō ng'wēny nkōō riip chēpō kaayoonēē sikuurō kiyoo irēē. 59 Kiiwas *:tisiik choo ēēchēēn ākōō *kōōkwoo Yāwuutik tōkōl ng'al chēpō ng'uurnan choo toomchinii Yēēsu /sikeemuuk keekeet. 60 Kumaakunyōōru nyuun ng'ālyoon aka tōkōl mpō ntā kiimwa :piich chaa chaang' ng'al chēpō ng'urnan akipō Yēēsu. Nēē mii lētuun, kupka :piich choo lēē ārēēny 61 akimwa kilē, “Kiimwoorēy :chiichi kilē ‘Āmuukēy amil *Kōpō Iriin akaateek nkōō pērēētuus sōmōk.’ ”

62 Kuuryoong' *Tisiintēē nyi Ōōw akuteepa Yēēsu kilē, “Mēēting'ēy ng'ālyoon nyoo imwoorēy akipō ng'aleechu kamwaartaareeniin pichu?” 63 Kusiisi keey :Yēēsu. Kilēēchi *:Tisiintoonoonēē Ōōw Yēēsu, “Āsoomiin nkōō kaarinaa Iriin nyoo sopēy kilē imwoorwēēch nēē inyēēn *Meesaaya, Wēēroo Iriin?” 64 Kuwālchi :Yēēsu kilē, “Lēē nyoonēē keemwaa. Aku nyuun, āmwoorwook kilē ārōōtēy *Wēēroo Chiich kutēpēē ēēruu taay nyēpō Iriin nyēpō kaamuuka tōkōl, ākoorōōtēy kuchōōnēē pool chēpō parak.”

65 Paani kateer *:Tisiintoonoonēē Ōōw kiyi kamwa Yēēsu, kupaal sirōōchiich akimwa kilē, “Kaateer, kaakumuul :chiichi Iriin! Tākēēmārēy sōwi^d chēpō nee? Kaateer :akwaan wōloo muultooy :chiichi Iriin. 66 Ātilēy nee nyuun?”

Kuwālu :piich kilē, “Rookēē kima.”

67 Kung'uti nyuun :pichoochēē Yēēsu koonyin akulap. Kuurapaak :walak 68 akuteep kilē, “Inyēēn nyi ichō *Meesaaya, mwoorwēēch kee, ng'oo :nyi kalapin?”

69 Paani mii :Pēētērō kutēpēē piriir, kuchō :chēēto aka akumwoochi kilē, “Kiimii :inyēēn mpō nkōō Yēēsu nyēpō Kalilaaya.” 70 Kitay :Pēētērō nkōō taayuu piich tōkōl choo kiimii yoonēē kilē, “Moonkētaa kiyoo imii imwoorēy.” 71 Kuwō :Pēētērō kuutang' koopoor nyēpō kaayoonēē. Kuuro :chēēto aka, kumwoochi piich choo kiimii yoonēē kilē, “Kiimii :chiichi nkōō Yēēsu nyēpō Naasareet.” 72 Kuureer kitay :Pēētērō akusirpēn kilē, “Moonkēt :aneen chiichoonēē!” 73 Nyoo matyaan kupka :piich choo kiiryoonchēērēē yoonēē akumwoochi Pēētērō kilē, “Man, inyēēn :akoong'o nyēpō pichoochēē, āmu ng'uutuuy wōloo ing'ālooltooy.”

74 Kusirpēn :Pēētērō aku-am muuma kilē, “Moonkēt chiichoonēē!”

Paanoonēē kuchār :kipsōōywō. 75 Kuupkaat nyuun :Pēētērō ng'aleechu kiimwoochinii :Yēēsu kilē, “Kutoomō kuchār :kipsōōywō, itayēy kinyil sōmōk kilē mēēnkētoon.” Kuwō :Pēētērō saang' akuwō kuriir nkōō ng'woonin.