3 Paani mii :Yēēsu kutēpēē ng'wēny nkōō Tulwoo *Musēytuun, kuteep :kiineetanichiich kimii akwaaneek kilē, “Mwoorwēēch, iriisōōt :ng'aleechu āyu, aku kir nee :nyoo ng'uutuuy paani iwārākēē ākōō lēt nyēpō ng'wēny?”

4 Kuwālchi :Yēēsu kilē, “Āriip keey! Maakany kuumēlmēēlook :chiich. 5 Āmu chaang' choo pkoonēy nkōō kaarineenyuun, akumwoorēy kilē ‘Aneen *Meesaaya’ akuupootēy piich chaa chaang'. 6 Ātēērēy akipō pooryoot nyoo lēēkit nkōō nyoo lōōw. Moowāriisyō āmu ākōy ku-iriisyō :tukuuchoochēē, wōloo nyuun toomō ku-itēy lēt nyēpō ng'wēny. 7 Poorsōōt :pōrōr nkōō pōrōryēē aka, kupooryō :kōōrēē aka nkōō aka. Chōōnēy :kēmēy nkōō kiprang'rang' kāmoostiin chaa chaang' chēpō ng'wēny. 8 Ng'woonin nyēpō taay :nyoonēē.

9 /Kurātook, /takeenyariilaak /akeekeetaak. Sāsook :piich tōkōl nkōō kōōrooni akipō aneen. 10 Chaang' :piich choo mētooy kaaraneeng'waang'; āltooy keey, akusas keey. 11 Aku chaang' *:ōōrkooy chēpō ng'uurnan choo pkoonēy akuumēlmēēl piich chaa chaang'. 12 Āmu choong'in nyēpō ng'ōōki ku-usēy :choomnyoot nyēpō piich chaa chaang'. 13 Aku nyuun chiich nyoo murtooy ākōy pērēētuu nyēpō lēt /kēēsāruuy. 14 Paani /kaakee-amta lōkōōy choo kāroomēēn chēpō Pāyuunātoo Kaa Iriin kuyāmu ng'wēny tōkōl akuteer :piich chēpō kōōrootin tōkōl, kilēku nyuun nyoonēē lēt nyēpō ng'wēny.”

15 Kitas taay :Yēēsu kimwa kilē, “Nēē aroo ‘kir nyēpō ng'amat’^† kilēē paani king'āloolēē *:ōōrkooyoon Tānnyēēl kēēryoong'o wōloo tiliil (iyāp iit :chiich nyoo isōōmānēy ng'aleechu), 16 ku kaykay kumwēr :piich choo mii Chuuteeya tulōōnōōy. 17 Nēē nyōōrchi :ng'aleechu chiich kimii koonyiin parak, kimachuut kō kilē āwō amar kir aka tōkōl nyoo mii kō.^a 18 Ku chiich nyoo mii pareenyiin kimawaraka kaaw kuwō kimar sireenyiin. 19 Kōrōmituuy pērēētuusyēchoochēē nkōō chēēpyōōsōōy choo ting'ēy tuum ākōō choo rēērinii laakōōy! 20 Asaa Iriin kilē tāmā peerng'at ntā ku pērēētuu *Sapaato :pērēētuusyēchoochēē āmwērēē. 21 Ōōw :nyaril nyēpō pērēētuusyēchoochēē kusiir nyaril aka tōkōl nyoo kiikuchō ng'wēny kung'eetee ku-irta :Iriin ng'wēny amoomii :nyaril aka nyoo tēēnō nyoonēē nyoo tākuchōōnēy pērēētuu aka. 22 Ntā /mākiinwaakiit pērēētuusyēchoochēē, ntā moomii :chiich nyoo kusāruuy. Wōloo nyuun āmu mii :piich choo kiikulēwēn :Iriin, /kēēnwookiitēy.

23 Ku nēē mwoorwook :chiich aka tōkōl kilē, ‘Roo kee, ānyi *Meesaaya!’ ntā kilē, ‘Ānyiinō!’ ku moorānchi. 24 Āmu pkoonēy :piich choo lēē ng'uur choo irtooy keey *Meesaaya ntā ku *ōōrkooy chēpō Iriin. Irēy :pichu ng'al chēpō kwōng'uut sikuuchuunnyō nēē muukēē piich chēpō *Kiriistō choo lēwēnootēēn. 25 Ateertee nyuun, koosip āmwoorwook ng'aleechu kitoomō ku-itu pērēētuu!

26 Ku nēē mwoorwook :chiich aka nyuun kilē, ‘Roo kee, ānyiinō *Meesaaya mii suur kwēēn,’ ku maapa, ntā ku nēē mwoorwook kilē, ‘Ānyi kawung' keey nkōō kō,’ ku maaran. 27 Kilēē paani ryēluunēē koong'asiis akuupkang' ākōy cheeronko kulēkuu nyoonēē pērēētuuni wārākēē *:Wēēroo Chiich. 28 Yoo mii :muusyoon, kuururuuchinii keey :motoony.”

29 Kitas taay :Yēēsu kumwa kilē, “Nēē woonyō :nyāriluut chēpō pērēētuusyēchoochēē, kuumiisēē :asiis amaakulārēy araawa. Chunuuy :kookeel nkōō parak, /ākēētimtiimēy tukun tōkōl choo mii im.^†

30 Kung'uutu keey nyuun :kaapooruunō nyēpō *:Wēēroo Chiich. Riirsōōt :piich chēpō ng'wēny tōkōl paani keero *Wēēroo Chiich kuchōōnēy ākōō pool chēpō parak ākōō kaamuuka ākōō tōrōōrin nyoo ōōw. 31 /Kukuutēy koonti kuchār, akuuyooytō :Iriin malaykeenichiich kuurumaata piich choo kiikulēwēn :inyeentee kung'eetee kamas aka tōkōl nyēpō ng'wēny.”

32 Kitas taay :Yēēsu kumwochi kilē, “Akanya kuuneetaak *mookāng'wō ng'ālyoon. Nēē aroo tāmoorichiich kānyāriliituuy akutoowu kupiityō :sāk, āsōwu kilē kaakuriiku kuwasees :kōōrēē. 33 Ku lēē nyoonēē mpō, yoo kaaroo nyuun ku-iriisōōt :tukuuchoochēē tōkōl, āsōwu kilē kiikuriiku :pērēētuu nyoo wārākēē *Wēēroo Chiich.

34 Āmwoorwook man kilē mārookēy :piichuuch mpō ntā iriisyō ng'aleechu tōkōl. 35 Rookēy :parak ākōō ng'wēny, aku mēēlē nyuun rookēy :ng'ālyoontēēnyuun. 36 Moomii :chiich nyoo nkēt pērēētuu ntā ku saayit nyoo chōōnēy *:Wēēroo Chiich. Mēēnkēt *:malaykeen, āmēēnkēt mpō :Wēērii. Iriin ākityōōn nyoo nkēt.

37 Kārkēēyiituuy paani wārākēē *:Wēēroo Chiich nkōō pērēētuusyēchu kiipō Noowa. 38 Kitoomō kuuluum :pēr kōōrēē, ku kyoomiisyēy :piich akurēēsyēy, aku-āpēy keey, ākōy pērēētuuni kiichuutēy :Noowa nkōō piichiich mēēli. 39 Amaasōwu :pichoochēē kir nyoo kiimii ku-irēē ākōy paani kiiluum :pēr kōōrēē akuukeet pichoochēē tōkōl. Lēkuuy nyuun nyoonēē :pērēētuuni chōōnēy *:Wēēroo Chiich. 40 Nkōō pērēētuusyēchoochēē, nēē mii :murēn ārēēny choo mii par, /kēē-āpēy aka /kēēmētō aka. 41 Ntā nēē mii :chēēpyōōsōōy ārēēny choo ng'oorēy par, /kēē-āpēy aka /kēēmētō aka. 42 Āriipō keey nyuun āmu moonkēt pērēētuu nyoo chōōnēy :Kiptaayaantēēng'woong'. 43 Aku mārēy āsōwu kilē ntēēnkēt :chiich saayit nyoo chōōnēy :chōōriin kuchōōrēy koonyiin, tātoopēntooy kuyyeech simachoor :chōōriin katanyiin. 44 Āchēpō keey nyuun āmu chōōnēy *:Wēēroo Chiich saayit nyoo moopkootinii.

45 Kipāyityoon nyaa neen nyoo lēwēnēy :mōkōryoon kupayta katanyiin? Lēwēnēy nyaa ng'oroom /akeerānēy akuutē kuuryoontoochi kipāyitiin walak, si kuutē āmiisyō kilēē wōloo /kimārtooy. 46 Pēēruuroot :kipāyityoontoonoonēē nēē itu :mokoryoonteenyiin akinyōōru kii-irēy kilēē wōloo /kimārtooy. 47 Āmwoorwook man kilē tēnii :mōkōryoontoonoonēē kipāyityoontoonoonēē kuuryoonchi tukuuchiich tōkōl.

48 Nēē ra kipāyityoon, kuumuukēy kumwa kilē, ‘Kasiista :mōkōryoonteenyuun’ 49 akutoowu kulap kipāyitiināk chuuchō walak, aku-āmiisyō, akurēēsyō nkōō kipōōkitiin, 50 chōōnēy nyuun :mōkōryoonteenyiin nkōō pērēētuu ākōō saayit nyoo mēēpkootinii. 51 Tēnii nyuun :mōkōryoontēē kipāyityoontoonoonēē siitēt nyaa ng'waan akuwiirchi wōloo mii :piich choo lēē ng'uur. Pēētii kuriirsōōt :tōkōl akunyar keelat.”