Mākuut chēpō Iriin ākōō ng'ātuut chēpō piich
7
1 Nēē mii pērēētuu aka, kupka *Parisaay walak nkōō koonēēt chēpō ng'ātuut kuururuuchi keey taayuu Yēēsu. Kiipkoonēē :pichu Chēērusālēēm kipa kuurōōtēy kiyoo kii-irēy :Yēēsu. 2 Kuuro :pichoochēē kiineetanik walak chēpō Yēēsu ku-āmiisyēērēē ēēruunēkwaak choo kiimātiliilō kilēē wōloo kiimārtooy :ng'ātuutēkwaak. 3 Āmu nkōō *Parisaay ākōō Yāwuutik tōkōl, ku kiimā-āmiisyēy :chiich aka tōkōl kimaatiliil ēēruunēchiich, kilēē paani kiimwoorēy :ng'ātuut chēpō piich chēpō kēny. 4 Kiimā-āmēy mpō kir aka tōkōl nēē pkoonēē siirō ākōy kuu-uun keey. Kiituupēy ng'ātuut walak chaa chaang' chēpō kēny choo ng'uutuuy wōloo /kuutiliiltooy tukun choo /kēēpāyiisyēērēē nkōō kēēstoon.5 Kuteepa :Parisaayichoochēē ākōō koonēētichoochēē pō ng'ātuut Yēēsu kilē, “Āmu nee simātuupēy :kiineetanikuuk koonēētuut chēpō mpō kuukō? Nku āmiisyēērēē ēēruun choo mātiliilō.” 6 Kumwoochi :Yēēsu kilē, “Kiipō man :ng'alēēpō *ōōrkooyoon *Isaaya paani kimwoorēy akipō akwaan ng'uurichu kilē,
‘Koonyitēēnoon :pichu ng'ālyēēpikwaak,
aku ng'ātuut choo koonyitēy ku ng'ātuut choo nēētēy :piich kipaat.’† 8 Āmētooy ng'ātuut chēpō Iriin akaanam ātēpuut chēpō piich.”
9 Kitas taay :Yēēsu kumwoochi kilē, “Āting'ēy ng'oroomnyēē aka nyoo ātēnii ng'ātuut chēpō Iriin kamas saatuupa ng'ātuutēkwook. 10 Kiimwooru *:Muusa kilē, ‘Ikoonyit āpoong'uung' ākōō āyēēng'uung'.’† Akimwa kilē, ‘Nyoo muulēy apoonyiin ntā eeyeenyiin, /kēēkēētēy.’† 11 Aku āmwoorēy :akwaan kilē, nēē mwoochi :chiich apoonyiin ntā eeyeenyiin kilē, ‘Kir nyoo kookōōniin, ku kaakēētō Iriin,’ 12 ku kaacham :akwaan chiichoonēē kumātoorēt apoonyiin ntā ku eeyeenyiin. 13 Aree aka :nyi nyoo ārēēng'ēy ng'ālyoontoo Iriin akaakeeree ng'ātuutēkwook, ākootāsēy taay ā-irēy ng'aleek walak chaa chaang' choo lēē choochēē.”
Tukun choo irēy chiich kumātililiit
14 Kukuur :Yēēsu piich chaa chaang' akumwoochi kilē, “Āyāpchi iit :akwaan tōkōl ng'aleechu āmwoorēy, ākoosōwu. 15 Mā :kir nyoo wēētii kuut nyoo irēy chiich ku mātililiit, aku ng'al choo pkoonēē kuut. [ 16 Chiich nyoo ting'ēy iit, kuteer.]”a
17 Kimētō :Yēēsu pichoochēē akuwēēchi keey nkōō kiineetanichiich kaaw nyoo kiitēpuunēē. Paani ka-it, kuteepee :kiineetanichiich kumwoochi kiyoo ng'uutuuy kārkēēyini. 18 Kuwālchi :Yēēsu kilē, “Ara kōō moosōwu ng'alēēchu koong'āloolēē mpō? Moosōwu kilē kir aka tōkōl nyoo wēētii kuutii chiich kima-irēy chiich kumātililiit? 19 Kiyoo chuutēy kuutii chiich kumāwēētii mukulēruunyiin, aku wēētiiy moo /akeelayta kupa saang'.” (Kiimwoorēy :Yēēsu kilēē nyoonēē, king'uutu kilē tiliilō :tukun tōkōl choo /ku-āmēy.)
20 Kitas taay :Yēēsu kumwa kilē, “Tukun choo pkoonēē or nyēpō chiich choo irēy inyeentee kumātililiit. 21 Āmu pkoonēē kaapkootuut chaa raacheen mukulēr nyēpō chiich. Irēy kaapkootuutēchoochēē piich ku-ir takal kutoomō ku-āp keey, kuchōōrsyō, kurumiisyō, kusiir karwa, 22 kunyōōru ng'at koong', ku-ir ng'al chaa raacheen, kumwa seemseem, kutakalaan, kunyōōru tuurin pō :moo, kung'uurnaan, kulas keey, akumāng'iisyō nkōō sālwoonti. 23 Kunyuun tukuuchu raacheen tōkōl kupkoonēē mukulēr nyēpō chiich aku-irēy chiich kumātililiit.”
Kaarana nyēpō cheepyooso nyoo kiima Yāwuutyoon
24 Kung'eeta :Yēēsu yoonēē akuwō ākōō kiineetanichiich ākōy kōōroo Tiirō ākōō Siitōn akichuut koot aka. Kiimārēy kilē māsōwu :chiich aka tōkōl kilē kaakuchō :inyeentee. Ku maakuumuuk kuwung'a keey piich. 25 Kuteer :cheepyooso akipō Yēēsu nyoo kiiting'ēy chēētanyiin nyoo kii-iimēy *:toomirmiir nyaa ra. Kuchō :cheepyoosooni wōli mii :Yēēsu akukutung'ēē taayuunyiin. 26 Kiipō cheepyoosoonoonēē kōōroo Pōyinikē akiimā chēpō Yāwuutyoon. Kusoom Yēēsu kilē ku-oon *toomirmiir nyaa ra nyoo kiikuu-iim chēētanyiin. 27 Kuwālchi :Yēēsu kilē, “Kikānyēy ku-āmiisyō :laakōōk kupōk. Makaraam /keenam āmiisyō nyēpō laakōōy /ākēētē sukōyēy.” 28 Kuwālchi :cheepyoosoonoonēē kilē, “Lēē nyoonēē, Kiptaayaan, aku nyuun oo, kwārēy mpō :sukōyēy rārākēy choo chintooy nēē mii ku-āmiisyēy :laakōōk.” 29 Kumwoochi :Yēēsu kilē, “Āmu kēēwālwoon kilēē nyoonēē, wiyō kaaw. Iwēēnyōōruuy chēētong'uung' kaakuwēērō :toomirmiiryoonoonēē ra.”
30 Paani kāmwooru :Yēēsu kilēē nyoonēē, kuwō :cheepyoosoonoonēē kaaw akuwō kunyōōru laakweenyiin kaakusop akimii rwoon kitōōk.
Kuusoopēy :Yēēsu chiich nyoo miinyaat amāng'āloolēy
31 Kii nēē ng'eetee :Yēēsu Tiirō, kuwō Siitōn, akuuweer araaray pō Kalilaaya kuwō kōōroo Teekapooli. 32 Kii nēē it wōloonēē, kuumuti :piich walak chiitō aka nyoo kii miinyaat amāng'āloolēy kukaraam. Kisoom :piich Yēēsu kilē kutiing'ēē ēēruunēchiich chiichoonēē kii miinyaat sikusop. 33 Kunam :Yēēsu chiichoonēē kii miinyaat aku-āp tapan nkōō wōloo kiimii :piich. Kuuchuut mooriichiich iitiipō chiichoonēē, akung'uti moorineenyiin akutiing'ēē ng'alyaptii chiichoonēē. 34 Kuuro im akilēēchi chiichoonēē, “Yaatee.” 35 Paani kamwa kilēē nyoonēē, kuyootiisyō :iitiik, akutoowu kung'alaal nyoo rootoot.
36 Kukir :Yēēsu piich kumāmwoochi chiich aka tōkōl ng'aleechoochēē. Paani kāmwoochi piich :Yēēsu kilē mamwaartaata, kuunkēt piich kumwaartaata kitya. 37 Kukwōng' :piich tōkōl choo kiiteer ng'aleechoochēē akimwa kilē, “Kaku-ir :Yēēsu tukun tōkōl kukārāmiituuy. Irēy mpō piich choo miinyootēēn kuteerta ākōō choo māng'āloolēy kung'alaal.”