Lōkōōy choo kāroomēēn kilēē wōloo kiisirta
:LUUKA
Taayuu
Siriintēē ākōō paani /kiikusirēy: Lōkōōyichu kāroomēēn ku kiisirēy :Luuka nyoo kii mā Yāwuutyoon. Kii cheepsaakityaan inyeentee aku kii toorētiintoo Paawulō nyoo /kiirānēy nyoo kiiruutō ākōō Paawulō pērēētuus walak. Mēēnkētoot kilē /kiikusirēy kiitapuuni āyu aku nyuun mii king'eetee kēnyii nyēpō 50 ākōy 63 king'eetee /keenam Yēēsu. /Kiikusirēy mu Rooma, Ēēpēēsō ntā ku Kayisareeya.
Kiyoo mii kiitapuuni: Kiisyaak kikaraam Luuka ng'al tōkōl choo /kiikusir nkōō choo /kiikurāruuy akipō sopoo Yēēsu, meereenyiin ākōō wōloo kiing'eeta meerat kitoomō kisir lōkōōyichu kāroomēēn. Āmu kii mā Yāwuutyoon ku kiipō koomānuut kurāru ng'aleechiich kutuup keey kilēē paani kii-iriisōōt. Mālēē Yāwuutik choo māpō koomānuut kurāru ng'āl kutuup keey kilēē paani kii-iriisōōt. Āpēy :Luuka Yēēsu kilēē *Wēēroo Chiich nyoo kii-āpchi piich tōkōl chēpō ng'wēny lōkōōy choo kāroomēēn. Kiitē mpō ng'al choo mēnkēēchēēn choo maasir :walak choo kiisir lōkōōy choo kāroomēēn.
Lōkōōyichiich: Kung'uutuuy :Mataayo Yēēsu kilēē sāruuniintēē nyēpō Yāwuutik, akung'uutu :Maarkō kilēē kipāyityoontoo Iriin, kumārēy :Luuka kung'uutu kilē Yēēsu ku kii Iriin akii chiich nyoo kii kaapooriintoo *Aatam (3:23-38). Kilēē nyoonēē nyuun kuutē :Luuka inyeentee kilēku pāytooyiintoo piich tōkōl.
Tatwee
Taayuu (1:1-4)
Wōloo /kiikunamta Chowaana Koopootiisāniin ākōō Yēēsu (1:5—2:52)
Chēpēt nyēpō pāyiisyoo Yēēsu (3:1—4:13)
Pāyiisyoo Yēēsu mu kōōroo Kalilaaya (4:14—9:50)
Kiwēētii :Yēēsu ākōō kiineetanichiich Chēērusālēēm (9:51—19:27)
Kiinēētiisyēērēē :Yēēsu Chēērusālēēm ākōō kāmōōswook choo kilēēkitēē yoonēē (19:28—21:37)
Wōloo /kiikuunyariilta :Yēēsu, wōloo /kiikuparta ākōō wōloo /kiikutuptō (22:1—23:56)
Kiing'eeta :Yēēsu meerat, kung'uuti keey kiineetanichiich /ākēē-āp kuwō kipsēnkwēt (24:1-53)