Kikuurēy :Yēēsu kiineetanichiich chēpō taay
5
1 Nēē mii pērēētuu aka, kumii :Yēēsu ku-āmchinii piich ng'ālyoontoo Iriin nkōō tapanpō araaray nyēpō Keeneesareet, kuururuuk keey :piich chaa chaang' kuti kuukiich keey. Kiimārēy :pichoochēē kuteer ng'alēēpō Iriin.a 2 Kuuro :Yēēsu mēēliin ārēēny choo kiikukany kuuryoonchō nkōō tapan pō araaray. Kiimii :piich chēpō mēēliinēchoochēē kuu-uunēy aku-irtooy neetiisyakwaak nkōō yoonēē. 3 Kuwō :Yēēsu kulaang' mēēliinoonēē aka nyoo kipō chiich nyoo /kiikikuurēē Siimnyōn. Kulaang' mēēliinoonēē akumwoochi Siimnyōn kutoorta takuunaayta kiitēēn kuwō pēr sikunyōōru pārooyin nyoo kā-āmchiinō piich ng'ālyoontoo Iriin. Kii nēē /kakeetoorta mēēlii kuwō araarayta, kutēpō :Yēēsu mēēlii akuuneet piich ng'ālyoontoo Iriin.4 Kii nēē waang' :Yēēsu kung'āloolchinii piich, kumwoochi Siimnyōn kilē, “Tiitēē mēēlii kuwō kamasiinō chaang' :pēr, ākoowiirchi neetiisyakwook pēr saanama *kaaraak.” 5 Kuwālchi :Siimnyōn Yēēsu kilē, “Kiptaayaantaani, kakuukiil keey lang'a kuyyeech amaakunam kir mpō ākoong'o. Akunyuun oo, āmu kēēmwoorwēēch, kanyeech keetyama.”
6 Nēē mii paani keetyam mpō :Siimnyōn, kunam kaaraak chaa chaang' kuti mārēy kung'ātyō :neetiisyakwaak. 7 Paani keero :pichoochēē kaaraakik, kukuur choorweeyiikwaak choo kiimii mēēlii aka kipa kusāru akwaaneek kukālāpchi kaaraakik. Kupa :pichoochēē nkōō mēēliing'waang', akupa kunam kaaraak chaa chaang' kuunyiriit mēēliināk tōkōl nyoo kiimārēy kuchuut :mēēliināk pēr. 8 Kii nēē ro :Siimnyōn Pēētērō kiyoo ka-ira, kukutung'ō taayuu Yēēsu akumwoochi kilē, “Kiptaayaan, mētoon āmu aneen kipng'ōōkiyoon nyoo mēērookēē ālēēkitēēniin.” 9 Kiikwōng' :Siimnyōn inyeentee kipootō piich choo kiimii tōkōl akipō kaaraak choo kiinam. 10 Kiikwōng'yō mpō wēēchiipō Sēpētaayo, Chēēmis ākōō Chowaana, choo kiināmootēy tōkōl kaaraak nkōō Siimnyōn. Kuwālchi :Yēēsu Siimnyōn kilē, “Mēēwāriisyō! Kung'eetee aniinee kitas taay, ināmwoon piich.” 11 Kii nēē kaaku-āpu mēēlinēkwaak kupka tapan nyēpō araaray, kumēti yoonēē tukun tōkōl choo kiiting'ēy akutuup Yēēsu.
Kuusoopēy :Yēēsu chiich nyoo kyaam :kōōnchōryoontō
Mataayo 8:1-4; Maarkō 1:40-45
12 Nēē mii pērēētuu ākoong'o, ku kiimii :Yēēsu māng'oot aka nyoo kiimii :chiich nyoo kyaam :kōōnchōryoontō.
Paani keero :chiichoonēē Yēēsu, kuwiirchi keey ng'wēny akumwoochi kilē, “Kiptaayaan, nēē ichāmēy, isoopoon akiitiliiloon.” 13 Kuukoortō :Yēēsu ēēruunyiin kutiing' chiichoonēē akilēēchi, “Āchāmēy, sopō!” Kusop :chiichoonēē kilē weel. 14 Paani kāsop, kumwoochi :Yēēsu chiichoonēē kilē, “Āmēēmwoochi chiich aka tōkōl ng'aleechu. Wiyō akiiwēēng'uuti keey tisiin siitookuu kilē kaa-itililiitu akii-āp tukun choo /ki-irēē kōrōs kilēē paani kiimwoorēy *:Muusa nkōō ng'ātuut.”
15 /Kiikumwaarta nyuun kiyoonēē ki-ir Yēēsu kuyāmu kāmōōswook tōkōl chēpō kōōroonoonēē. Kii nēē teer :piich ng'aleechoochēē, kupa wōli kiimii :Yēēsu nkōō choong'in kipa kuyāpchi iit kiyoo kiimwoorēy :Yēēsu /ākēēsoopō kōrōōytiin. 16 Aku kiicham nyuun :Yēēsu kuwēētii wōloo mālēēkitēē :chiich kuwō kusooyēy.
Ting'ēy :Yēēsu kaamuuka kunyōōchi piich kaat
Mataayo 9:1-8; Maarkō 2:1-12
17 Nēē mii pērēētuu aka, kimii :Yēēsu kuunēētiisyēy, ku kiimii *:Parisaayiik walak ākōō koonēēt chēpō ng'ātuut yoonēē choo kiipkoonēē Chēērusālēēm, kōōroo Kalilaaya mu Chuuteeya. Kiiting'ēy :Yēēsu kaamuuka nyoo kiichōōnēē wōloo mii :Iriin kuusoop piich.
18 Ku-itu :piich choo kiikālāpuunēē kiptaraancha chiich aka nyoo kiimeerta pōōr. Kuutyam :pichoochēē kilē kuumut chiichoonēē kuwō taayuu Yēēsu. 19 Āmu kiichaang' :piich, ku maanyōōru oor aka tōkōl nyoo kāpuntoorō. Kulaang' nyuun koot kēsyēp akupilpil ākōy kutooku koong', kunam chiichoonēē akuurēēytēērēē koong'oonēē. Kuurēēytēērēē :pichoochēē chiichoonēē kiptaraancha ākōy kwēēnuu piich yi kiimii :Yēēsu.b
20 Paani keero :Yēēsu kilē kiitiirō keey :pichoochēē inyeentee, kilēēchi chiichi kiimeerta pōōr, “Choorweenyuun, /kākēēnyōōwuun kaat ng'ōōkiikuuk.” 21 Kii nēē teer *:Parisaayik nkōō :koonēētiichoochēē pō ng'ātuut kiyoo kamwa :Yēēsu, kutoowu kukit kilē, “Pkootēy :chiichi kilē ng'oo inyeentee? Kā-āp keey im kilēē yoo Iriin inyeentee sōō? Ng'oo nyoo muukēy kunyōōchi piich kaat ng'ōōkikwaak nēē mā Iriin kipaat?” 22 Kiinkēt :Yēēsu kiyoo mii kuupkootēy :pichoochēē, kuteep kilē, “Āmu nee saapkaata kilēē nyoonēē? 23 Kuskus /keemwa kilē, ‘/Kaakēēnyōōwuun kaat ng'ōōkikuuk’ ntā /keemwa kilē, ‘Ng'eeta akiiwō’? 24 Āng'uutwook nyuun kilē ting'ēy *:Wēēroo Chiich, kaamuuka mu ng'wēny kunyōōchi piich kaat ng'ōōkikwaak.” Kumwoochi nyuun :Yēēsu chiichoonēē kiimeerta pōōr kilē, “Ng'eeta, āpō kiptaraancheeng'uung', akiiwēēchi keey kaaw.” 25 Kuung'eet :chiichoonēē kilē weel kuurōōtēy :piich tōkōl, ku-āp kiptaraancheenyiin akuwēēchi keey kaaw kuuloosuuy Iriin. 26 Kiikwōng'yō :piich tōkōl akuuloosu Iriin nkōō koowāriisyō kumwoorēy kilē, “Kaakeeroo aniinee tukun chēpō kwōng'uut.”
Kiicham :Yēēsu piich choo /kiikusāsēy
Mataayo 9:9-13; Maarkō 2:13-17
27 Kimii kumānootēy :Yēēsu, kuuro chiich nyoo /kiikikuurēē Laawi nyoo kii kwāriintoo *kōōti.c Kiimii :chiichoonēē kutēpēē koot aka nyoo kii kukwārēē *kōōti. Kumwoochi :Yēēsu chiichoonēē kilē, “Tuupaan.” 28 Kung'eet :Laawi kumētō kir aka tōkōl akutuup Yēēsu. 29 Kuchēpchi :Laawi Yēēsu tuum nyoo ōōw mu koonyiin. Kiimii mpō yoonēē :piich walak chaa chaang' choo kiikwārēy *kōōti kilēē Laawi. Kwoomiisyō :pichoochēē tōkōl ākōō Yēēsu kipootō piich walak.
30 Kukwiintoochi *:Parisaayiik ākōō koonēēt chēpō ng'ātuut kiineetanichiich kilē, “Āmu nee too-āmiisyēē ākoorēēsyō ākōō kwāriipō *kōōti kipootō kipng'ōōkiis?” 31 Kuwālchi :Yēēsu kilē, “Wāsootēy :piich choo mnyoonchootēēn cheepsaakityaan. Māwāsootēy :choo kāroomō pōōrwēy. 32 Kyoochōōn akuur kipng'ōōkiis kuwāliisyō nkōō ng'ōōkiikwaak, amēēlē piich choo kāroomēēn.”
Koonēētiisyō nyoo rēēl nyēpō Yēēsu
Mataayo 9:14-17; Maarkō 2:18-22
33 Nēē mii lētuun, kuuteepa :piich walak Yēēsu kilē, “Nku cham kuurukuutēy keey :kiineetanipō Chowaana Koopootiisāniin ākōō chēpō *Parisaayiik akusooyēy, āmu nee siku-āmiisyēy akurēēsyēy :kiineetanikuuk?” 34 Kuwālchi :Yēēsu kilē, “Muukēy kuurukuut keey :toontiinēpō saantaa laakwa nkōō kaaptuum kumii nkōō saantaa laakwa? 35 Itēy nyuun :pērēētuus choo wēērēē :saantee wōloo mii :toontiinēchiich, kurukuutyō nyuun :toontiinēk pērēētuusyēchoochēē.”
36 Kitas taay :Yēēsu kumwoochi pichoochēē kārkēyin kilē, “Moomii :chiich nyoo rārēy sira nyoo rēēl akiraakee siree nyoo kiikuroosiit. Nee ir kilēē nyoonēē, kupoolēē siree nyi rēēl akumānāmēy keey nyi rēēl ākōō nyi kiikuroosiit. 37 Āmoomii :chiich nyoo roonchinii *tiipaay choo /kātākēēryākēy tokol nyoo kiikuroosiit, āmu nēē kuutu *:tiipaayiik, kuryēchinii tokoltō akupa. 38 /Kuroonchinii nyuun *tiipaayiik choo /kātākēēryākēy tokol nyoo rēēl. 39 Moomii :chiich nyoo chāmēy kutuup ātēp nyoo rēēl, āmu pkootēy kilē karaam :ātēpēē nyēpō taay.”