3 Kii nēē mwa :Yēēsu kilēē nyoonēē, kuupkaat :koonēēt chēpō ng'ātuut kilē, “Kā-āp keey im :chiichi kilēē yoo Iriin.” 4 Āmu kiinkēt :Yēēsu kiyoo kiimii kuupkootēy :pichoochēē kumwa kilē, “Āmu nee saapkaata ng'al chaa raacheen? 5 Kuskus /keemwa kilē, ‘/Kaakēēnyōōwuun kaat ng'ōōkiikuuk’ ntā /keemwa kilē, ‘Ng'eeta akiiwō’? 6 Āng'uutwook nyuun kilē ting'ēy *:Wēēroo Chiich kaamuuka mu ng'wēny kunyōōchi piich kaat ng'ōōkikwaak.” Kumwoochi nyuun :Yēēsu chiichoonēē kiimeertaaraat pōōr kilē, “Ng'eeta, āpō kiptaraancheeng'uung', akiiwēēchi keey kaaw.” 7 Kung'eet :chiichoonēē akuwēēchi keey kaaw. 8 Paani keero :piich choo kiimii yoonēē ng'aleechoochēē, kuuwāriisyō akuuloosu Iriin nyoo tēnii piich kaamuuka nyoo lēē nyoonēē.

9 Kimii kumānootēy :Yēēsu, kuuro chiich aka nyoo /kiikikuurēē Mataayo. Kiimii :chiichoonēē kutēpēē koot aka nyoo kii kukwārēē *kōōti. Kumwoochi :Yēēsu chiichoonēē kilē, “Tuupaan.” Kung'eet :Mataayo akutuup Yēēsu.

10 Kii nēē mii :Yēēsu ku-āmiisyēy ākōō kiineetanichiich mu kaa Mataayo, kupka :piich chaa chaang' choo kiikwārēy *kōōti ākōō kipng'ōōkiis akupa kutēpi tōkōl ākōō Yēēsu kipootō kiineetanichiich aku-āmiisyō. 11 Paani keero *:Parisaay kutēpēē Yēēsu ākōō pichoochēē, kuteepa kiineetanichiich kilē, “Āmu nee siku-āmiisyēy :koonēētiintēēng'woong' ākōō kwāriipō *kōōti kipootō kipng'ōōkiis?” 12 Paani kateer :Yēēsu kilēē nyoonēē, kuwālchi kilē, “Wāsootēy :piich choo mnyoonchootēēn cheepsaakityaan, māwāsootēy :choo kāroomō pōōrwēy. 13 Apee akaapaaneet keey kiyoo ng'uutuuy :ng'aleechu /kiikusir kilē, ‘Āchāmēy /keeriira piich kisiir /kee-ir kōrōs.’ Kyoochōōn akuur kipng'ōōkiis, amēēlē chēpō man.” ^†

14 Nēē mii pērēētuu ākoong'o, kupka :kiineetanipō Chowaana Koopootiisāniin akuteep Yēēsu kilē, “Āmu nee sikēērukuutēy keey, akuurukuutēy keey mpō *Parisaay, ku mēērukuutēy keey :kiineetanikuuk?” 15 Kuwālchi :Yēēsu kilē, “Mēērukuutēy keey :choorwaayiipō saantaa laakwa kitākumii ākōō saanteetaa laakwa. Itēy :pērēētuu nyoo /ku-āpēy santeetaa laakwa, kurukuutyō nyuun :choorwayiichiich.”

16 Kitas taay :Yēēsu kumwa kilē, “Moomii :chiich nyoo rārēy sira nyoo rēēl akuraakee siree nyoo kiikuyoosiit. Nēē ir kilēē nyoonēē kupoolēy rookēywoontēē siree kirayiit kitya. 17 /Mākuroonchinii *tiipaay choo /kātākēēryākēy tokol nyoo kiikuyoosiit. Nee /ku-ir kilēē nyoonēē, kuryēēy :tokoltō akuraanta keey *:tiipaayiik. /Kuroonchinii *tiipaay choo /kātākēēryākēy tokol nyoo rēēl, si nēē ng'at kuriipiisyō tukuuchoochēē :tōkōl.”

18 Kii nēē tākung'āloolēy :Yēēsu, kuchō :kāāntōōyiintēē aka nyēpō Yāwuutik, kukutung'ō taayuu Yēēsu akimwa kilē, “Kātākumēērēy :chēētanyuun paannyēēnyi. Kaykay chōōnō keepee wiyō tiing'ēē ēēruung'uung' sikusop.” 19 Kung'eet :Yēēsu ākōō kiineetanichiich akupa tōkōl nkōō chiichoonēē.

20 Kiimii :cheepyoosee aka nyoo kikiikuu-iim pōōr kupēērēē :kērēti kēnyiis taman ākōō ārēēny. Kichōōnō :cheepyoosoonoonēē Yēēsu lēt akutiing' tapanuu sireenyiin. 21 Kiikiikuupkooti keey :cheepyoosoonoonēē kilē, “Nēē ātiing' aneen mpō sireenyiin kipaat, āsop.” 22 Kuwarak keey :Yēēsu kuuro lēt. Kii nēē ro cheepyoosoonoonēē kilēēchi, “Amēēwāriisyō! Kēēsop āmu kaaraneeng'uung'.” Paani kamwa :Yēēsu kilēē nyoonēē, kusop :cheepyoosoonoonēē kilē weel.

23 Kii nēē it :Yēēsu kaa kāāntōōyiintoonoonēē, akuuro piich chaa chaang' choo kiimii kuriirsōōt akuunchōōsōōt ākōō piich choo kiikuutēy kuurēēruun, 24 kumwa kilē, “Apee saang' tōkōl. Maama :chēēto, mii rwoon.” Kii nēē mwa :Yēēsu kilēē nyoonēē, kuroorēchi :pichoochēē. 25 Paani /kaakēēmwoochi pichoochēē kupa saang', kuwō :Yēēsu kōyi kiirwēēy :chēēpoonēē akunam ēēr, kung'eet :chēēpoonēē. 26 Kiyāmu :ng'aleechoochēē kōōroonoonēē tōkōl.

27 Kii nēē wēērō :Yēēsu kaayoonēē, kutuup lēt :kipkōrootiin ārēēny, akukuurēy kilē, “Wēēroo Tāwuti, riireeneech.” 28 Paani kachuut :Yēēsu kō, kutuup :piichoochēē ārēēny kōryootēēn. Kuteep :Yēēsu pichoochēē kilē, “Ārānēy kilē āmuukēy āsoopook?” Kuwalta :pichoochēē kilē, “Kiptaayaan, kuurānēy kilē imuukēy isoopēēch.” 29 Kutiing' :Yēēsu koonyiikwaak akumwoochi kilē, “Kilēē paani kaaran, kanya ku-ira kilēē wōli āmārtooy.” 30 Kumararta :pichoochēē. Kumwoochi :Yēēsu pichoochēē kukir keey kumāmwoochi :chiich aka tōkōl ng'aleechoochēē. 31 Paani kapa :pichoochēē, kipa kumwaartaata ng'aleechoochēē kuyāmu kōōroonoonēē tōkōl.

32 Kii nēē mii :Yēēsu ākōō kiineetanichiich kupēēchinii keey, kuumuti :piich Yēēsu chiitō aka nyoo kimēēmuukēy kung'alaal āmu kiiting'ēy *toomirmiir nyaa ra. 33 Kii nēē kaaku-oon :Yēēsu toomirmiiryoonoonēē ra, kutoowu :chiichoonēē kung'alaal. Kukwōng'yō :piich chaa chaang' choo kiimii yoonēē paani kateer kung'alaal chiichoonēē, akimwa kilē, “Toomō keeroo pērēētuu aka ng'al choo lēē chu nkōō *Israayeel.” 34 Kimwa *:Parisaay kilē, “Pāytooyiintoo *toomirmiirēy chaa raacheen nyi tēnii chiichi kaamuuka kuu-oon *toomirmiirēy chaa raacheen.”

35 Kiimana :Yēēsu kōōrootin ākōō sotootin tōkōl. Kiinēētiisyootō aku-amtaata lōkōōy choo kāroomēēn mu sinakōōkiin. Kiisoop piich choo kiiting'ēy kōrōōytiin akuusoop mnyoon aka tōkōl. 36 Paani kiiro :Yēēsu piich chaa chaang', kuriira āmu /kiikiinyariil. Kii karkeey ākōō kēēchiir choo māting'ēy māsowoon. 37 Kumwoochi :Yēēsu kiineetanichiich kilē, “Chaang' :pareek, ku ng'ērin :kāsiik. 38 Kunyuun, āsoomō kutāsu :Chiipō paree kāsiik walak.”