Tuum nyoo kiimii Kaana
2
1 Nēē mii pērēētuu nyēpō sōmōk kung'eetee /kēēkuur Pilip nkōō Naatanyēēl, ku kiimii :tuum nyoo kiimii Kaana nkōō Kalilaaya. Kimii :eeyaa Yēēsu tuumoonēē. 2 /Kiikukuur Yēēsu ākōō kiineetanichiich kupa tuumoonēē. 3 Paani kararta *:tiipaayik, kumwoochi :eeyeenyiin Yēēsu kilē, “Maakuting'ēy naas :pichu *tiipaay.” 4 Kumwoochi :Yēēsu kilē, “Cheepyoosooni, āmu nee siimwoorwoon ng'aleechoochēē? Toomō ku-itu saayitiinyuun.” 5 Kumwoochi :Maaryaa kipāyitiin kilē, “A-ira kir aka tōkōl nyoo kāmwoorwook.” 6 Ting'ēy :Yāwuutik ng'ātuut chēpō wōloo /kiikuutiliiltooy keey. Ku kiimii nyuun yoonēē :tērēēnik chēpō pēr choo lēē lo. Kiimuukēy kunyir aka tōkōl pērēēpō tēēpēēn ang'wan ntā ku lo. 7 Kumwoochi :Yēēsu kipāyitiinēchoochēē kilē, “Anyiriita pēr tērēēnichoochēē.” Kuunyiriit :kipāyitiinēchoochēē pēr kilē ‘pak.’ 8 Kumwoochi :Yēēsu kilē, “Ārāmuu pērēēchoochēē walak ākoo-āpchi pooyoon nyoo ryoonchinii tuumtō.” Kwooptō :pichoochēē pērēēk kilēē paani kāmwoochi :Yēēsu. 9 /Kēē-āpchi piich pērēēchoochēē kiikiikuwāliisyō kilēku *tiipaay. Paani kachamcham :poontoonoonēē tiipaayichoochēē, kukwōng' nyēpō kwōng'uut. Kiimēēnkēt :poontoonoonēē wōloo kiipkoonēē :tiipaayiichoochēē. Kii :kipāyitiin choo kiirāmuuy pērēēk chu kiinkēt. Kikuur :poontoonoonēē saanteetaa laakwa kuwō kamas 10 akumwoochi kilē, “/Kitārchinii piich akan *tiipaay choo kāroomēēn kēētoowuuy :tuum, tēēnō yoo kāpiryoonchō, /kēētō choo tārtārēēn. Nku kēēsiintēēnyēēn *tiipaay choo ānyinyēēn ākōy paannyēēnyi.”11 Ng'ālyoontooni kii-ira nkōō Kaana nyēpō Kalilaaya ku kii ng'ālyoon nyēpō kwōng'uut nyēpō taay kii-ir :Yēēsu. Kiing'uutuunō :Yēēsu tōrōōrintanyiin ng'aleechoochēē, kuuran :kiineetanichiich.
12 Kii nēē rook tuumoonēē, kuwō :Yēēsu Kaaparnaam ākōō eeyeenyiin, wēēchiikwaak ākōō kiineetanichiich. Kipērēnō wōloonēē pērēētuus choo ng'ērin.
Ku-oonēē :Yēēsu piich piriiruu Kōpō Iriin nyēpō taay
13 Kii nēē kaakuriiku *Pasaka nyēpō Yāwuutik, kuwō :Yēēsu Chēērusālēēm. 14 Kii nēē it, kunyōōru piich nkōō piriiruu *Kōpō Iriin ku-āltooy tich, kēēchiir ākōō chēēptuukēēn. Kiimii :piich choo kitēpiisōōt yoo mii meeseenikwaak kuwāltooy rōōpiyō. 15 Kunam :Yēēsu pērkēyiit akuuleet siitēt aku-oon kēēchiir ākōō tich tōkōl choo kiimii Kōyoonēē. Kuusareet rōōpiyō chēpō pichoochēē kiiwāltooy rōōpiyō akumilta meeseenikwaak. 16 Kimwoochi :Yēēsu piich choo kyooltooy chēēptuukēēn kilē, “Āsutō tukuuchu kupa saang'. Āmu nee saa-ira Kōpō Paapeenyuun kilēku siirō?” 17 Kii nēē teer :kiineetanichiich ng'aleechoochēē, kuupkaat siruut chēpō Iriin choo mwoorēy kilē, “Chamat nyoo āting'ēē *Kōpō Iriin ku karkeey nkōō ma nyoo lārēē moonyuun.”†
18 Kuteep :kāāntōōy chēpō Yāwuutik kilē, “Nee koopoorunō nyēpō kwōng'uut nyoo iimuukēy ii-ir sikēēsōwu kilē iting'ēy kaamuuka ii-ir ng'aleechu kee-ir?” 19 Kuwālchi :Yēēsu pichoochēē kilē, “Amila kee kōyi pō Iriin, saateek :aneen nkōō pērēētuus sōmōk.” 20 Kuwālchi :pichoochēē Yēēsu kilē, “Kyoop :Kōyi pō Iriin kēnyiis artam nkōō lo /kēētēēkēy akiimwoorēy kilē imuukēy iteek nkōō pērēētuus sōmōk?” 21 Kōyi nyuun kiing'āloolēē :Yēēsu ku pōōrtanyiin mā *Kōpō Iriin. 22 Kii nēē /kuung'eeta Yēēsu meerat lētuun, kuupkaat :kāāyooytooyiichiich kilē kiikiikumwa :Yēēsu ng'aleechoochēē. Kuuran :kiineetanichoochēē siruut chēpō Iriin nkōō kiyoo kiimwoorēy :Yēēsu.
23 Kumii :Yēēsu Chēērusālēēm ku-āmēy tuum nyēpō *Pasaka, kuuran :piich chaa chaang' ng'aleechiich āmu kii-ir :Yēēsu ng'al chaa chaang' chēpō kwōng'uut. 24 Kiimaaran nyuun :Yēēsu pichoochēē āmu kiinkēt wōloo lēē :pichoochēē tōkōl 25 akiimāmārēy kumwoochi :chiich wōloo lēē :chiich āmu kiinkēt :inyeentee kiyoo pkootēy :chiich.