Yēēsu ākōō Nikōtēēmō
3
1 Kiimii :kāāntōōyiin aka nyoo kii *Pārisooyiin nyoo kiipō kōōkwoo Yāwuutik nyoo /kiikikuurēē Nikōtēēmō. 2 Nēē mii lang'atuu ākoong'o, kuwō :chiichoonēē wōloo mii :Yēēsu akumwoochi kilē, “Rapii, kiinkēt kilē inyēēn koonēētiin nyoo kiiyookuun :Iriin. Āmwoorēy kilēē nyoonēē, āmu moomii :chiich nyoo muukēy ku-ir ng'al chēpō kwōng'uut kilēē paani i-irēy. Tōkōl kuting'ēy :chiichoonēē kaamuuka nyēpō :Iriin.” 3 Kuwālchi :Yēēsu kilē, “Āmwooruun man kilē, moomii :chiich nyoo rōōtēy Pāyuunātoo Iriin nēē toomō /kēētuum nyēpō ārēēny.” 4 Kuteep :Nikōtēēmō kilē, “Ara muuktooy ānō /kēētuum chiich nyēpō ārēēny? Man, mēēmuukēē kuureer kuchuut :chiich moo nyēpō eeyeenyiin /akeereer /keetuum.” 5 Kuwālchi :Yēēsu kilē, “Āmwooruun man kilē, moomii :chiich nyoo wēētii Pāyuunātoo Iriin nēē toomō /kēētuum nkōō pēra ākōō Toomirmiir nyoo Tiliil. 6 Nāmēy chiich :sikiichiich, aku sikupoyiit nyuun :chiichoonēē Iriin, ku mārēy /kēētuum chiichoonēē nkōō Toomirmiir nyoo Tiliil. 7 Amēēkwōng' paani koomwooruun kilē ‘Mārēy /kēētuumook nyēpō ārēēny.’ 8 Tāng'ēy :yoomēt wōloo mārēy kuutang'. /Kutēērēy kuchērēy āmēēnkēt :chiich wōli chōōnēē ntā ku wōloo wēētii. Lēē nyoonēē nyuun wōloo nāmtooy :Toomirmiir nyoo Tiliil chiich.” 9 Kuteep :Nikōtēēmō kilē, “Irēē :nyēēnyi kilē nee?” 10 Kuwālchi :Yēēsu kilē, “Inyēēn koonēētiin nkōō *Israayeel amēēsōwu ng'aleechu? 11 Āmwooruun man kilē, kung'āloolēē kir nyoo kuunkēt akiikeeroo. Aku moorānēēkwaan ng'aleechooch. 12 Nēē moorānēy ng'al choo āmwoorwook akipō ng'wēny, ku ārāntooy ānō aniin ng'al chēpō kipsēnkwēt choo āmwoorwook? 13 Moomii :chiich nyoo kiikunyōōru pārooyin kuurō kiyoo mii kipsēnkwēt king'ētu *Wēēroo Chiich ākityōōn nyoo kiichōōnēē wōliinēē. 14 Kulēē paani kiikarkaat *Muusa kipaang'wa nyēpō karin nkōō suur kwēēn, /kēēkārkootēy nyuun mpō *Wēēroo Chiichb 15 sikunyōōru :chiich nyoo kātiirō keey inyeentee *sopoon nyēpō ākōy.”Sāpoon nyēpō ākōy
16 Kiicham :Iriin ng'wēny kitya ākōy kukōōnu Wēēriinyiin nyoo kii lēē ākoong'o kipaat, simāpēt :chiich aka tōkōl nyoo rānēy inyeentee aku tākunyōōru *sopoon nyēpō ākōy. 17 Kiimooyooku :Iriin Wēēriinyiin kuchō kutilchi piich chēpō ng'wēny kiirwook, wōloo nyuun kiiyooku si nēē ng'at kusāru ng'wēny kipunuunō inyeentee. 18 Piich choo rānēy Wēēroonēē, /kumaakēērwoochinii. Ku :choo mēērānēy ku /kiikēētilchi kiirwook āmu maaran ng'alēēpō Wēēroo Iriin. 19 Lēē nyi :wōloo lēē kiirwookoonoonēē: Kiichōōnō :lēpooyin kipsēnkwēt kuchō ng'wēny. Kucham nyuun :piich tuurin kusiir lēpooyin āmu tukun tōkōl choo irēy ku tukun chēpō ng'ōōki. 20 Chiich aka tōkōl nyoo irēy ng'ōōki kusāsēy lēpooyin āmu māmārēy kupka wōloo mii :lēpooyin āmu muukēy kutooku :ng'ōōkikwaak. 21 Ku chiich nyuun aka tōkōl nyoo irēy tukun chēpō man, kuchōōnēy wōloo mii :lēpooyin sikung'uutu :lēpooyinoonēē kilē kir nyoo irēy :chiichoonēē ku kir nyoo koonyitoot nkōō taayuu Iriin.
Kir nyoo kiing'alaala :Koopootiisāniin Chowaana akipō Yēēsu
22 Nēē ityō, kuwēērō :Yēēsu ākōō kiineetanichiich Chēērusālēēm akupērēnō kōōroo Chuuteeya pērēētuus choo ng'ērin kuupootiisāniisyēy. 23 Kiimii mpō :Chowaana paanoonēē kuupootiisāniisyēy nkōō yoo /kiikikuurēē Aynoon yoo kiilēēkitēē yoo /kiikikuurēē Saalim. Kiipāātiisāniisyēērēē yoonēē āmu kii chaang' :pēr. Kiipēētii :piich wōloo kiimii :Chowaana /keepa keepaatiisan. 24 Kiitoomō /keerat Chowaana paanoonēē.
25 Kikwiintoochi keey :kiineetanik walak chēpō Chowaana ākōō Yāwuutyoontēē aka akipō ng'ātuut nyoo ng'āloolēē wōloo /kiitiliiltooy keey. 26 Kupa nyuun :kiineetanichoochēē wōloo mii :Chowaana akuteep kilē, “Koonēētiin, tēēpkootēy :inyēēn chiichi kyoomii tōkōl kamaspō ēēmpō Choortan nyoo kiing'āloolēē? Mii :chiichoonēē kuupootiisāniisyēy paannyēēnyi akiiku-āp piikō tōkōl.” 27 Kuwālchi :Chowaana kilē, “Moomii :chiich nyoo nyōōruuy kir nēē mootō :Iriin. 28 Man kyaateer :akwaan āmwoorwook kilē ‘Mā aneen *Meesaaya, /kiikiisipkēēyookwoon āntōrōōruunō *Meesaaya.’ 29 Paani pō tuum, ku saantaa laakwa nyi āpēy cheeroos. Kānyiisyēy :choorweeyiipō saanteetaa laakwa kaapiikooy ku nēē teer kung'ālooloonuuy :saanteetaa laakwa kupāypāyiituuy. Nkanyi apaypay aneen. 30 Maraat kutōrōriit *:Meesaaya amining'iitwaa.”
Inyeentee nyoo chōōnēē kipsēnkwēt
31 Chiichoonēē kiichōōnēē kipsēnkwēt kuting'ēy kaamuuka kusiir chiich aka tōkōl. Chiich nyēpō ng'wēny kupō :nyoonēē ng'wēny, akung'āloolēy ng'al chēpō ng'wēny. Tōrōōr :chiich nyoo kiichōōnēē kipsēnkwēt kusiir chiich aka tōkōl. 32 Mwooruuy :chiichoonēē kir nyoo kiikuurootō :koonyiichiich akuteer, aku chaang' nyuun piich choo mātēērchinii ng'aleechoochēē. 33 Ku chiich aka tōkōl nyoo chāmēy ng'aleechoochēē, ku keeran kilē pō man :Iriin. 34 Mwooruuy :chiichoonēē kiiyookuuy :Iriin ng'alēēpō Iriin, āmu kiikuutē :Iriin kaamuuka nyēpō Toomirmiiryeenyiin kuyam. 35 Chāmēy :Iriin Wēēriinyiin ākiikuutē kir aka tōkōl ēēruunēchiich. 36 Chiich aka tōkōl nyoo keeran Wēēroonēē kunyōōruuy *sopoon nyēpō ākōy. Ku :chiich aka tōkōl nyoo katay kir nyoo mwoorēy :Wēēroonēē kumānyōōruuy sopoonoonēē. Nyōōruuy :chiichoonēē siitēt nyēpō :Iriin.