PĀYIISYŌŌN CHĒPŌ KĀĀYOOYTOOYIIK
Ng'aleek chēpō taay
1
1 Poontooni lēē Tēyōpiilō, nkōō kiitapuunyuun nyēpō taay ku kyaasiruun āmwooruun ng'al tōkōl choo kitoowu :Yēēsu ku-ir akuuneet 2 ākōy pērēētuuni /kiku-āpēy kuwō kipsēnkwēt. Kitoomō /kēē-āp ku kiitē piich choo kiilēwēn kilēku kooyooytooyiichiich ng'ātuut choo kiipkoonēē Toomirmiir nyoo Tiliil. 3 Paani kāwō kung'eetee meerat, kuchō kung'uuti keey kooyooytooyiichiich āsip chaa chaang' nkōō pērēētuus artam. Kung'uuti tukun chaa chaang' siku-ir akwaaneek kuuran kilē kiisopoot :inyeentee. Kiing'alaala :Yēēsu kuureer akipō pāyuunāt nyēpō Kaa Iriin./Kooyoomiisō nyēpō Toomirmiir nyoo Tiliil
4 Kimii :Yēēsu ku-āmiisyēy ākōō kooyooytooyiichiich pērēētuu aka kilēēchi, “Maapeeree Chēērusālēēm, wōloo nyuun akanya ākōy /kēēkōōnook Toomirmiir nyoo Tiliil nyoo kiiyoomiisook :Paapeenyuun kilēē paani kyoomwoorwook. 5 Kiipootiisāniisyēērō :Chowaana pēr, aku nkōō pērēētuus choo ng'ērin choo pkoonēy, /kēēpootiisānēēnook Toomirmiir nyoo Tiliil.” 6 Paani kiitākumii :Yēēsu nkōō kooyooytooyiichiich, kuteep *:kāāyooytooyiik kilē, “Kiptaayaan, ara iwēē-ōōchinii piipō *Israayeel pāyuunātēē?” 7 Kuwālchi :Yēēsu kilē, “Paapa ākityōōn nyoo nkēt pērēētuu nyoo iriisōōt ng'aleechu nkōō kaamuukeenyiin. Māpootook āsōwu kilē iriisōōt āyu. 8 Aku nyuun, paani kāchōōnchook :Toomirmiir nyoo Tiliil ānyōōruuy kaamuuka. Apa nyuun āmwoochi piich akipō aneen mu Chēērusālēēm, Chuuteeya, *Samariya ākōy kuyāmu ng'wēny tōkōl.”
/Kēē-āpēy Yēēsu kuwō kipsēnkwēt
9 Kii nēē kaakumwa :Yēēsu ng'aleechu, /kēē-āp kuwō kipsēnkwēt kuurōōtootēy *:kāāyooytooyiik, akukarta :pooltō Yēēsu nyoo maamuuk kitakuurō. 10 Kutākumii *:kāāyooytooyiik kutēyēnchinii im kuurōōtootēy Yēēsu, kuuro piich walak choo lēē ārēēny choo mii kuuryoonchēērēē akwaaneek kamas. Kiikiilaak :pichoochēē sirooy chaa reelacheen. 11 Kuteep :pichoochēē *kooyooytooyiik kilē, “Pichu pō Kalilaaya, āmu nee sooryoonchēērēē yēē ākoorōōtēy im? Wārākēē :Yēēsu nyēēnyi /kākēē-āpēēnook kuwō im nkōō oor nyoo lēē nyēēnyi.”
Chiich nyoo kiikeer Chuuta
12 Kuwārākiisyēērēē *:kāāyooytooyiik Tulwoo *Musēytuun akupa kuureer wōli pō Chēērusālēēm. Kiitēēnō :paanoonēē nyoo kiichamaat /keepa nkōō pērēētuu *Sapaato.a 13 Paani ka-it :kāāyooytooyiichoochēē Chēērusālēēm, kupa koot nyēpō parak wōloo kiitēpiisōōt. Pichoochēē ku chu: Pēētērō, Chowaana, Chēēmis, Antereeya, Pilip, Toomaas, Partolomeeya, Mataayo, Chēēmis wēēroo Alpaayō, Siimnyōn (chiich nyēpō pooryoot) nkōō Chuuta wēēroo Chēēmis. 14 Kitas taay kituuyō tōkōl nkōō wōloonēē akusa tōkōl kilēē kir ākoong'o. Kiimiitō tōkōl nkōō Maaryaa eeyaa Yēēsu ākōō chēēpyōōsōōk walak ākōō mpō wēēchiikwaak Yēēsu.
15 Nēē mii pērēētuu aka, kimii tuuyoot kutāsēy taay, kung'eet :Pēētērō nkōō kwēēnuu choo tuupchō choo kii lēē pokol ākoong'o nkōō tiptēm, 16 akimwoochi kilē, “Pichu pō *Kiriistō, kiirookēē kuusilta siruut chēpō Iriin kilēē wōloo kiimwooruuntō :Toomirmiir nyoo Tiliil kēny kupunuunō Tāwuti akipō Chuutaas. Kiimut piich :Chuutaas kupa kunam Yēēsu 17 āmu kii ākoong'o :inyeentee nkōō achaan nyoo kiikupāyiisyēy tōkōl. 18-20 /Kiikusir nkōō kiitapu nyēpō Tuumwēy chēpō Kāāloosunō kilē, ‘Kaykay kilēku katanyiin kiraatyaan, amamang' chiich wōloonēē.’† ” (Poontooni lēē Tēyōpiilō, kyaal :Chuuta par nkōō rōōpiyēēchu pō ng'ōōki kiinyōōru. Kuuput nkōō wōloonēē pō paree kuwēērō mēt, akurya :moo kuruuyō akutaan saang'. Kuteer :chiich aka tōkōl nkōō Chēērusālēēm ng'aleechu. /Kēēkuurō nyuun paraanoonēē ‘Akeeltaama’ nyoo ng'uutuuy kilē, ‘Paraa kērēti.’) Kitas taay :Pēētērō kilē, “/Kiikusir mpō nkōō siruut kilē, ‘Kuukeer chiichoonēē :chiich aka.’† 21-22 Kunyuun, mārēy /keekwar chiich nyoo /kiikēērēē inyeentee sikumwoochi piich kilē kiikung'eet :Yēēsu. Aku nyoonēē, ku nyoo kiikumii tōkōl paani kiikupēētootēy nkōō Kiptaayaan Yēēsu kung'eetee paani kiipootiisānēy :Chowaana Yēēsu ākōy /kēē-āpēēnēēch kuwō parak.” 23 Kukwar nyuun piich ārēēny. Choochēē kiikukwar ku Chōōsēp nyoo /kiikikuurēē kaarinee aka Parsaapa (ākēēkuurēē mpō Yuustō nkōō kaarinee aka) ākōō Matyaas. 24 Paani kaakukwar pichoochēē, kusa kilē, “Iriin, inkēt :inyēēn kaapkootuut chēpō chiitōkōl. Ng'uutwēēch nyuun nkōō pichu lēē ārēēny nyoo keekwar 25 sikuukeer Chuutaas kilēku *kooyooytooyiin siku-ir pāyiisyōōni kii-irēy :Chuutaas nyi kiiwō wōloo kiiyam kuwō.” 26 Paani kapa kupir kwēēr, kuupiti Matyaas. Kulēku nyuun :Matyaas ākoong'o nkōō *kooyooytooyiik choo kii lēē taman nkōō ārēēny.