15
Mooyiizi nɛ Izirɛɛlɩ ñɩma pawabʋ nɛ peteɣ hendu yɔ
1 Mooyiizi nɛ Izirɛɛlɩ pɛɖɛzɩ teŋgu ḿbʋ́ lɛ, pèté KƖPAƔLƲ hendu se,
Mba saŋ KƖPAƔLƲ
eyeba nɛ mba wa
etuzi kpaŋnaŋ nɛ ɛ-yɔɔ caɣyaa nɛ ɛlɔ teŋgu taa.
2 KƖPAƔLƲ lɛ mon-ɖoŋ
ɛkɔm ɛsɩnɩ-m a.
ɛkɛ mɛ-Ɛsɔ, masaŋɩ-ɩ
ɛkɛ man-caa Ɛsɔ, makpazɩɣ ɛ-hɩɖɛ ɛsɔdaa.
3 KƖPAƔLƲ lɛ sɔdɩŋ taa sɔdʋʋ
payaʋ-ɩ se KƖPAƔLƲ yɔ, pʋmʋnɩ-ɩ.
4 Etuzi Farawɔɔ you lɔɔɖa nɛ e-you laɖaa
nɛ Ejipiti you laɖaa sɔsaa kɩpama
nɛ ɛɖʋzɩ-wɛ teŋgu taa,
kañɩŋgbayɩsɩ teŋgu kpàɣ-wɛ.
5 Pacaŋ lɩm tɛɛ ezɩ pɛ yɔ
nɛ lɩm hola walɩ pɔ-yɔɔ.
6 KƖPAƔLƲ! Ñe-nesi kipanzɩ wɛ ɖoŋ,
nzɩ cɩyɩɣnɩ ño-koyindina nanʋ nanʋ
7 Ño-ɖoŋ paɣlɩ pɩtɩɩfɛyɩ
Ɛpɩsɩɣ ño-koyindiaa kpɛndɛlɛ kpɛndɛlɛ.
Ye ŋkɔnɩ-wɛ pana yɔ,
pañakɩ, ɛzɩ ñɩtʋ huuye ñakʋʋ miŋ yɔ.
8 Ŋyeba nɛ heelim sɔsɔm nabʋyʋ ma
nɛ lɩm kpeɣli.
Paa hɔɔlʋʋ ŋgʋ lɛ,
lɩm hola kʋyaa pɩsɩɣ ɛzɩ koloŋa yɔ
teŋgu tɛɛ lɩm kpa ɖoŋ ɛzɩ pɩyɛ yɔ.
9 Ɖo-koyindina kɔtɔm se,
"Ɖɩɖɔɔnʋʋ-wɛ nɛ ɖɩkpa-wɛ,
Ɖɩkpaɣkɩɣ pa-ñɩm nɛ ɖɩtayɩ
nɛ pɩtɔyɩnɩ-ɖʋ.
Ɖɩwakɩ-wɛ nɛ ɖo-you sɩsɩ."
10 Piyele, ñɛ KƖPAƔLƲ, ŋyeyeba nɛ heelim ma
nɛ lɩm hola walɩ pɔ-yɔɔ.
Pacaŋ lɩm tɛɛ ɛzɩ,
ñɩɣyʋʋ ŋgʋ payaɣ se pɩlɔɔ yɔ.
11 KƖPAƔLƲ! Agɔlɩma taa lɛ, nɖɩ ɖɩwɛ ɛzɩ ñɛ yɔ?
Nɖɩ ɖɩwɛ cɩɖɩ cɩɖɩ ɛzɩ ñɛ yɔ?
Nɖɩ ɖɩ-wayɩ fɛyɩ ɛzɩ ñɛ yɔ?
Nɖɩ lakɩ hama lakasɩ ɛzɩ ŋlakʋʋ yɔ?
12 Ŋposi ña-nɩwaŋ nesi
et tɛtʋ li ɖo-koyindinaa.
13 Ŋlɩzɩ ña samaɣ!
Ŋɖiyi-kɛ nɛ ɖoŋ nɛ sɔɔlɩm,
ewokini-kɛ ñɛ-ɛjaɖɛ taa.
14 Pɔ-cɔlɔ ajɛyɛɛ taa ñɩma nɩ tɔm ndʋ lɛ, sɔɔndʋ kpa-wɛ.
Pitima Filisitii ñɩma toma taa yɔɔɔ.
15 Sɔɔndʋ kpa Edom awiya.
Mowaabɩ awiŋbiya nandʋ seliɣ,
Pɩsɩbɩ Kanaanɩ ñɩma yɔɔ yem.
16 Toovenim lɛ, sɔɔndʋ kpa-wɛ siŋŋ!
ÑO-Ɖoŋ lakɩ tʋmɩyɛ.
Pʋ-yɔɔ ɛyaa ḿba pɛwɛ ɛzɩ pɛ yɔ.
Alɩwaatʋ ndʋ ña-samaɣ,
samaɣ ŋga ŋtɩyɩ-kɛ yɔ, kɛɖɛɣ lɛ,
paapɩzɩɣ nɛ pɔyɔɔdɩ natʋyʋ.
17 Lɛɛlɛɛyɔ, ŋwokini-wɛ nɛ ŋcaɣzɩ-wɛ
pʋʋ ŋgʋ kɩkɛ ña-ñɩŋgʋ kʋ-yɔɔ.
Peeye, ŋkaɣ-wɛ caɣzʋʋ KƖPAƔLƲ.
Peeye, kɛnɩ lone nɖɩ ŋñɔzaa se pacaɣ ɖɩ-taa yɔ,
Lone kiɖeɖee nɖɩ ŋñɔzɩ-ɖɩ ña-maɣmaɣ yɔɔ.
18 KƖPAƔLƲ, ŋkɛ wiyaʋ tam.
19 Alɩwaatʋ ndʋ Ejipiti wiyaʋ kpaŋnaŋ nɛ e-you lɔɔɖa nɛ ɛ-kpaŋnaŋ caɣyaa pasʋʋ teŋgu taa lɛ, KƖPAƔLƲ yele nɛ teŋgu taa pɩsɩ pɩwalɩ pɔ-yɔɔ. Ŋgʋ, Izirɛɛlɩ ñɩma kɔɖɔm nʋmɔʋ kɩ-taa wɛ waɣ waɣ yɔ, teŋgu hɛkʋ taa.
20 Ɖɩnɛɛ, halaa lɛlaa lɩwa nɛ patɩŋ Ɛsɔ lɔyaɣ tʋ Aarɔɔnɩnɩnɩ neu Miriyaama wayɩ nɛ payɛ nɛ soo. 21 Miriyaama kalaɣ-wɛ hendu nɛ ɛtɔŋ se,
Etee KƖPAƔLƲ hendu,
ɛ-wabɩtʋ paɣlaa pɩtɩɩfɛyɩ,
Etuzi kpaŋnaŋ nɛ kpaŋnaŋ yɔɔ caɣyaa nɛ ɛlɔ teŋgu taa.
IZƖRƐƐLƖ ÑƖMA ƉƆM LAKƲ TAA YƆ, PƲ-TƆM 15-18
Maara lɩm tɔm
22 Mooyiizi ɖiyaɣ Izirɛɛlɩ ñɩma lɛ, eyele nɛ pakʋyɩ kañɩŋgbayɩsɩ teŋgu nɔɔ nɛ pakpaɣ nʋmɔʋ nɛ pɛɖɛɣna Suuri lakʋ hɔɔlʋʋ taa. Pɔɖɔm lakʋ ŋgʋ kɩ-taa kɩyakɩŋ naadozo pilim nɛ petehiɣ lɩm. 23 Powobi patalɩ Maaraa tɛtʋ taa lɛ, patapɩzɩ nɛ pɔñɔɔ peeɖe lɩm, ḿbʋ pʋyɔɔ yɔ pʋwɛ ñaŋ. Maaraa tɔbʋʋ lɛ se, mbʋ pʋwɛ ñaŋ yɔ. 24 Ɖɩnɛɛ, samaɣ midini Mooyiizi se, ɛbɛ ŋga ñɔ́ʋ́? 25 Peeye, Mooyiizi tendi KƖPAƔLƲ nɛ ɛ́lɛ wɩlɩ-ɩ tɩʋ nakʋyʋ ɖaʋ. Mooyiizi pɛɖɩ ɖaʋ ŋgʋ lɩm taa lɛ, lɩm mbʋ pɩpɩsɩ lɩm leleŋ ñɩmbʋ.
Peeye, KƖPAƔLƲ ɖʋ Izirɛɛlɩ ñɩma paɣtʋ nɛ tɩpɩsɩ-wɛ sɔnzɩ. Peeye ɖɔdɔ, ɛtakɩ-wɛ nɛ ɛna pa-wayɩ. 26 Eheyi-wɛ se, ye toovenim pañaŋ ɛ́nʋʋ pa-KƖPAƔLƲ Ɛsɔ nɛ palakɩ mbʋ pʋwɛ ɖeu ɛnʋ ɛsɩndaa yɔ, ye pewelesiɣ ɛnʋ paɣtʋ nɛ pɔɖɔŋ ndʋ ɛnʋ ɖʋwa yɔ tɩ-yɔɔ yɔ, ɖɩnɛɛ lɛ, ɛnʋ eeyeki nɛ kʋdɔmɩŋ weyi ɛnʋ yebi nɛ ɛkpa Ejipiti ñɩma yɔ, ɩ-taa nakʋyʋ kpa-wɛ. Se, toovenim lɛ, ɛ́nʋʋ lɛ KƖPAƔLƲ, weyi ɛwazɩ kʋdɔmɩŋ yɔ.
27 Pʋwayɩ lɛ, Izirɛɛlɩ ñɩma wolo patalɩ tɛtʋ ndʋ payaɣ se Elim b yɔ, tɩ-taa nɛ pacaɣ peeye lɩm cɔlɔ. Lɩm hila hiu nɛ naalɛ (12) nɛ paŋ nɩɩnʋwa nɛ nɩɩlɛ (70) kɛwɛ tɩ-taa.