Yiesu *sundu Pɔl n bo diɛn kadaaɔg ne yaa youg g tie Korɛnt Kristo-yab nyan, l bo sua g Korɛnt tie dogbenŋl i. Ŋadnciɛnd n yaan bo se l doug kunŋ nyan, niib bo nya dingbana bonciɛnn g taand lieb l buol g kpend kpinkpeonŋ. Gbanbanda buoli-buoli mɔ bo taand lieb l doug n g kuand niib yanfuom yen banm kalaatu. Niŋmiŋmada n bo yabd l doug n nyan po n bo te g cunconm yen biidbuolu kul bo be l doug n. L binbebiiug bo mabnd Kristo-yab bonciɛnn.

Pɔl bo kaan Kristo-yab *tintaanu l doug n g yaad yo, g tan gbad g Kristo-yab siign mɔno b ji suun yal nba kua. Banm Korɛnt yab mɔno bo diɛn kadaaɔg g bual’o buali bonciɛnn. Kadaaɔg ne ninŋ, Pɔl fuond’b g gbenn g maad’b k ban bil b binbebiiug : lann n tie cunconm yen kunkɔna, g daa gbiɛ k b ŋua gbanbanda kul kaa.

L puol po i k u yuand g jiin b buali nba k b daan bual’o b kadaaɔg n, yal nba nyuan puokuanu yen jakund po, padnand ŋmanu po, Yonmdaan jedinu po, *Foŋanm paab po yen kpienm yiedu po.

Pɔl juod u kadaaɔg yen fuondi i, g ŋɔn Korɛnt yab n bu tien nand g tod Kristo-yab lieb nba tie tali g be Serusalɛm.

Cegli bonciɛnn be kadaaɔg ne ninŋ g bu fid g tod Kristo-yua daal kul binbem n ninŋ.