T baa jaand b lɛ po i ?
2
1 Min daa bu cind g bual’a yal tie g niib ń gii miɛd Yendu,
gii pug’o gii balm’o g tiend’o balg niib kul po.
2 Ban gii jaand dougdanm yen yikodanm po,
k tin fid gii be t yam n yen laafiɛ,
gii ŋua Yendu yen t pal kul,
gii be binbem nba ŋan.
3 Yal nba ŋan g dagd t *Fietua Yendu po n nyan.
4 Wano nba bua g niib kul ń la *fielu,
g bann mamɔni.
5 G dugn Yenduyend kua n be.
Sandindanyend kua n be Yendu yen niib siign.
U tie nifosaal i,
lan tie Yiesu Kristo.
6 Wano mɔno n tug u miɛl g tie k wan fiel niib kul.
U tien lann n nyan,
g niib la Yendu n bo sen k l tan bu tien yaa youg.
7 L po n te k u tug’n g tien u *sundu,
k n biɛ muand u maam.
N maad mɔni i,
n g fa faaɔg kaa.
U lugd min i,
k n gii ŋɔnŋ yab g tie *Suif-nba yal tie *dindann yen mamɔni po.
8 To,
l po n te k n bua g jab ń gii jaand kaannaa kul.
B jaandi n ninŋ,
ban tu don nui polu po g miɛl yen papienn,
g pabienn yen mɔniɛɔg ń daa be l n.
Pɔl n maad yal puob po
9 N biɛ bua g puob mɔ,
b tiɛlanu n ninŋ,
ban tu ŋanm g liɛ tiɛd,
g ŋaa yuounŋ,
g jie fai.
Ban ŋaa yuounŋ yupiɛnu yen liglaani lanu lann i kaa laani nba k b tag yen wula,
g ŋaa ligciɛnŋ tiɛd liɛnu,
10 ama gii suun tuona nba ŋan,
nyan puob nba tug b kua g cab Yendu n suun nand nyan.
11 B gii tund niib yaa youg,
puob ń jiin b kua gii tie suoo,
g daa maad siɛl.
12 N g cab g puo ń gii tund niib lann i kaa wan gii mɔg yikod jua po.
N bua wan gii ŋmin i.
13 G dugn Yendu bo kpiɛ g tag *Adam i,
g tan guan g tag *Ɛf.
14 Adam kaa biɛ ŋaa k b bɔnd’o.
Puo n ŋaa k b bɔnd’o k u kpiɛd Yendu sɔnu.
15 Ama puo madug po Yendu bu fiel’o,
l gii sua k u juun g mɔg *dindann,
g ŋua Yendu yen u pal kul,
g bua niib,
g g mɔg yuounŋ.