Cetáma 49

Sàkɔ́pù kṵ́mú

²⁹ Ò wɛi-má mɛma é yɔ̀a, è há̰ pà caka è yɔ̀: N kó kpíí-ma, kà n há̰ kpíi, kà nɛ́ n dáná pà de dánà-sa n báàpa, tá̰a̰-kpɛ̰́ɛ̰̀ku fɔ̰̀ɔ̰kú mɛ̀ǹkù péé-ku nìdo pà toò-ko Èfùnɔ́ɔ̀, o yɛ̀ɛ̀di mɛhɛká k'ò yòǹ Hítítìpa bookú. ³⁰ Ye tá̰a̰-kpɛ̰́ɛ̰̀ku fɔ̰̀ɔ̰kú péé yɛ̀ɛ̀di pà toò-di-dà "Màkpèdáà", kà nì hɛ́dí-nà Màmùdéè yɔtí, Kànàáà teǹka mɛhɛká. Àbààhám̀-dà de nì dontà Èfùnɔ́ɔ̀ pesá, nìdo k'ò yòǹ Hítítìpa bookú, é nì kpáhìna o hɔ̰́ɔ̰̀ta pòdi. ³¹ Ye pesá-dà pà de ò dánà-ma n'ɔ̀ɔ poòo Sàdáà. É yíí dánà ye pesá, Ìsáákì n'ɔ̀ɔ poòo Hèdèbèkáà. Mií-dà n mɛ̀ɛ té de dánà-ma Dèyáà. ³² Ye yɛ̀ɛ̀dì, n'ɛ̀ɛ tá̰a̰-kpɛ̰́ɛ̰́kù fɔ̰̀ɔ̰kù mɛ̀ǹk'ùè péé-kù-ní, Àbààhám̀-dà de yè dontà Hítítìpa pesá. ³³ Sàkɔ́pù yɔ̀a-má mɛma cakàpu o bííhí, ye wɔ̀ni é tón é kɔ́á o tààka o dɔɔdí hḭ́ǹka, é dɔɔ́ é tɔ̰ɔ̰̀ta é hɔ̰́tá o báàpa kpííku mɛhɛká.