¹ Naa, yaˈa ki mbataˈ, tinulung naita nu Megbebayaˈ pibian di kesalabuuk ta dini Kristu Isus. Kaas pekpepagen mu diniin su kekpetuud mu mukaˈ su kesalig mu. ² Pesalig mu tu nga meseligan getaw sug launan pituˈun ku diniˈa di gedapan nu melaun getaw, adun su piseligan mu dademai mekekpetuˈun dun tu ngag duma.

³ Pektigela di kelegenay mbianan ta maˈniin nu meseligan sundalu sinuguˈ ni Kristu Isus. ⁴ Delendem mu deliˈ sug betad nu sundalu. Saananen meksundalu, ndiˈ megdumaduma di kegleketubuˈ nu nga kanaˈ sundalu, puˈ penemalanen laak dunutay su suguˈan dun nu kaunutanen. ⁵ Miksamaig betad nu nga meglumbaˈ. Ndaˈiduni malap primyu begay tu mekedaag, subay dunutanen gupia sug bianan nug lumbaˈ. ⁶ Sug betad nu meglupaˈ, miksama da. Su meglasay mengimbaal dig lupaˈen, subay iini mauna mailasay di sengkuˈ. ⁷ Pegdelendem mu deliˈi tinaluˈu kini, puˈ saˈ pegdelendem mu, pesabut gelaˈ diniˈa nu Kaunutan ta.

⁸ Delendem mu si Isukristu su pitubuˈ puliˈ, sapuˈ ni David, tatapu ukitay di Gempia Petenday. ⁹ Milegetanu mukaˈ binaludu maaˈ nu memunuˈan getaw sabaˈu megukit di Gempia Petenday, laak dagid su taluˈ nu Megbebayaˈ, ndiˈ mbalud. ¹⁰ Iini miktigelu dun tug launan kelegenayu, puˈ adun megawen su nga tinduˈ nu Megbebayaˈ sumakup diniin mukaˈ mpeduma ilan lelayun di kelengas nu pegbayaˈen, lumbus puun dini Kristu Isus. ¹¹ Meseligan gupiai taluˈ kini,

¹⁴ Naa, ki tinituluˈu kia, tegyung mu tu nga getaw dia niu, mukaˈ pegad mu gusay dinilan subay pegliaw nilan su sualan di penggelal, puˈ ndaˈi gatagen mukaˈ meglaat laak su kekpetuud nu nga mekineeg dun. Tegyungay mu ilan maˈniin amu pegindeg ditu gedapan nu Megbebayaˈ. ¹⁵ Mukaˈ yaˈa dema, penemalay mu dunutay su mauyaˈan nu Megbebayaˈ, adun gempiai ginaanen diniˈa. Peksibaˈay mu petuˈunay su metuud taluˈen, dayun ndiˈa mpiid dun. ¹⁶ Pegliaw mu sug binuˈang kegyaga di ndaˈig labeten tu pektemuyen ta, puˈ iini mekepelayuˈ dun su getaw tu Megbebayaˈ. ¹⁷ Kig yaga kia, petanggiˈu di penekit, puˈ penamal laak meket di guned. Puˈ duunig duaˈ tawan mikpetuˈun dun, si Himeneo mukaˈ si Fileto. ¹⁸ Mitalin ilan dig bianan tu metuud, puˈ pikpetuˈun nilan puˈ laung, su gendaw ketubuˈ puliˈ nu nga minatay, minayan na laung, kaas ndiˈ naita mpeduma dun. Maˈnia, linibuleng nilan su kekpetuud nu ngag duma. ¹⁹ Pia maˈantu, ndiˈ mpalin su puun tu kekpetuud ta dini Kristu Isus, puˈ mikpetindeg dun su Megbebayaˈ. Ndaˈ ba mesulat di Misulat Taluˈen, “Mailala nu Kaunutan Megbebayaˈ su nga sakupen.” Duun pa pagidi misulat dia, laungen, “Adin su getaw laungen mekpaingabang tu Megbebayaˈ, subay belengenen su kemilasen.”

²⁰ Mendadi, diag balay nu medatuˈ getaw duuni pingganen bulawan. Duun dademai pelata. Duun pa pagidi binaal gayu mukaˈ lupaˈ. Su sinukalay pinggan, lelabung siselem gemiten. Su melengas gupia, bantang gemiten saˈ meglekebibu. ²¹ Naa iini guluganen. Adin su getaw uaˈenen su melaat di pigbetaden adun pelengasenen sug betaden, maaˈ nu melengas pinggan, iinig bantang suguˈen nu Kaunutan ta, bisan taˈ alanduni kelengas pebaal dun. ²² Pegliaw mu dema su nga gayak nu ngag begu getaw ndaˈi pantagen. Pektalentenay mu sug betad mu, adun mekesuun ka, mukaˈ pektalentenay mu su kekpetuud mu, sampay sug lelaat mu tug duma mu mukaˈ su pianan ginaa, yaˈa sampay su ngag launan getaw mekpaingabang tu Kaunutan ta di ndaˈi pegbiksuˈan nilan dun. ²³ Pegliaw mu pa pagid sug lantugiˈ ndaˈi pantagen, puˈ misuunan mu deksuˈanen ia, sualan. ²⁴ Mukaˈ su sesuguˈen nu Kaunutan ta, subay ndiˈ meksual tug dumanen, segaga lelaatanen su ngag launanen. Subay metau mekpetuˈun, mukaˈ metaasig dasunen tug dumanen. ²⁵ Su nga miksual diniin, saˈ tulikenen, subay pengmiaˈmiaˈanen tituluˈay. Mabuˈ begayan ilan dayun nu Megbebayaˈ keksikesuun nilan, mukaˈ mesuunan pa nilan su metuud mekatag dini Kristu Isus. ²⁶ Puˈ saˈ meksikesuun nailan, mekelaguy ilan di Palin, puˈ iin daani minuksu dinilan, adun dunutan nilan sia su mauyaˈanen.