¹ नंतर तेनी बारास्ले बलाईसन तेसले सर्वा दृष्टआत्मा आणि आजारस्ले दूर कराना सामर्थ आणि अधिकार दिधा | ² आणि तेसले देव ना राज्य नि सुवार्ता सांगो आणि आजारस्ले बरा करासाठे धाळ | ³ आणि तेनी तेस्ले सांग रस्ता साठे काहीच नका लेयज्यात : नई त काळी नई झोई नई भाकर नई त पैसा आणि नई दोन दोन कुळच्या {शर्ट} | ⁴ आणि ज्या कोणता घर मा तुमी उतरष्यात तठेच राहा; आणि तठूनच परता | ⁵ जो कोणी तुमले स्वीकार नई करो त्या नगर मधून निघतांना आपला पायस्ना फपुटा झटकी टाका कि तेस्ना वर साक्षी होवो | ⁶ त त्या निघीसन गाव गाव सुवार्ता आयकाळत आणि सगळीस कळे बरा करत फिरत ह्राय्नात || ⁷ आणि देश नि चौथाई ना राजा हेरोद हय सगळ आयकिसन घाबरी ग्या कारण कि कितलाक नि सांग कि योहान मारेल मधून जिंदा हुई जायेल शे | ⁸ आणि कितलाक नि हय कि एलिया दिखना शे : आणि दुसरास्नी हय कि जुना भविष्यवक्तास मधून कोणी जिंदा हुई जायेल शे | ⁹ पण हेरोद नि सांग योहान ना त मनी डोक कापाले लायेल होत आते हवू कोण शे जेना बारामा अशा गोष्टी आयकस ? आणि तेनी तेले देखानी ईछ्या करी || ¹⁰ नंतर प्रेशितस्नि परती सन जे काही तेस्नी करेल होत तेले सांगी टाक आणि तो तेसले आल्लग करीसन बेथसेदा नाव ना एक नगर मा लीग्या | ¹¹ हय देखीसन गर्दी तेना मांगे चालू लागणी: आणि तो ख़ुशी मा तेसले भेटणा आणि तेसणा संगे देव ना राज्य नि गोष्टी कराले लागणा: आणि ज्या बरा होवाले देखी राय्न्तात तेस्ले बर कर | ¹² जव दिन डूबामा उना त बारास्नी ईसन तेले सांग गर्दी ले परत धाळ कि चारीसकळला गाव मा आणि वस्ती मा जायसन आणि जेवणा सनस करोत कारण कि आम्ही आठे सुनसान जागा मा शेतस ¹³ तेनी तेस्ले सांगतुमीच तेसले खावाले द्या: तेस्नी सांग आमना कडे पांच भाकरी आणि दोन मासा शिवाय आजून काहीच नइ: पण हा जर आम्ही जायसन ह्या सर्व लोकस साठे जेवण विकत लेवूत त होवू शकस : त्या लोक त पांच हजार लोकसना आस -पास होतात| ¹⁴ तव तेनी आपला शिष्यस्ले सांग तेसले पन्नास पन्नास करीसन पंगत मा बसाळी द्या | ¹⁵ तेस्नी असच कर आणि सगळास्ले बसली टाक| ¹⁶ तव तेनी त्या भाकरी आणि दोन मासा लीधा आणि स्वर्ग कळे देखीसन धन्यवाद कर आणि मोळी मोळी सन शिष्यस्ले देत ग्या कि लोकसले वाळो | ¹⁷ त सगळा खाईसन तृप्त हुईनात आणि वाचेल तुकाळास कण बारा डालक्या भरीसन उचलनात || ¹⁸ जव तो एकांत मा प्राथना करी राय्नता आणि शिष्य तेना संगे होतात त तेनी तेसले विचार कि लोक मले काय सांगतस ? ¹⁹ तेस्नी उत्तर दिधा योहान बाप्तिस्मा देणार आणि कोणी कोणी एलिया आणि कोणी हय कि जुना भविष्यवक्ता मधून जिंदा हुई जायेल शे | ²⁰ तेनी तेसले विचार पण तुमी मले काय सांगतस? पेत्र नि उत्तर दिधां देव ना ख्रिस्त | ²¹ तव तेनी तेसले जताळीसन सांगकि हय कोलेच नका सांगज्यात | ²² आणि तेनी सांग माणूस ना पुत्र साठे अवश्य शे कि तो गैरा दुख सहो आणि वरिष्ठ आणि मुख्य याजक नी शास्त्री तेले तुष्य समजीसन मारी टाकनात आणि तो तिसरा दिन जिंदा हुई जावो | ²³ तेनी सगळास्ले सांग कडी कोणी मना मांगे एवाना देखस त स्वता ले नाकारो आणि दररोज आपला क्रूस उचालीसन मना मांगे चालू लागो| ²⁴ कारण कि जो कोणी आपला जीव वाचाळा ना देखस तो तेले दवाळीन पण जो कोणी मना साठे आपला जीव दवाळीन तोच तेले वाचाळीन | ²⁵ कडी माणूस सर्वा जग ले जिकी लीन आणि जीव दवाळी टाको नई त तेले धोका मा टाको त तेले काय फायदा? ²⁶ जो कोणी मना पासून आणि मना गोष्टीस्ले लाजीन; माणूस ना पुत्र बी जव आपली आणि आपला बाप नि आणि पवित्र दुतस्नी महिमा संगे इन त तेले लाजीन | ²⁷ मी तुमले खरज सांगस कि ज्या आठे उभा शेतास कोणी कोणी असा शेतस कि जठ लगून देव ना राज्य नई देखी लेवोत तठ लागून मृत्यू ना स्वाद नई लेवावत || ²⁸ ह्या गोष्टीस्ना आठ दिन नंतर तो पेत्र आणि योहान आणि याकोब ले संगे लिसन प्राथना कराले पहाळ वर ग्या | ²⁹ जव तो प्राथना करीच राय्नता त तेना चेहरा ना रूप बदली ग्या: आणि तेना कपळा धव्या हुईसन चामकाले लागणा | ³⁰ आणि देखा मोशे आणि एलिया ह्या दोन पुरुष तेना संगे गोष्टी राय्न्तात | ³¹ ह्या माहिमा सांगे दिखनात; आणि तेनि मरांनी गोष्टी करी राय्न्तात जी यरुशलेम मा होणार होती | ³² पेत्र आणि तेना साथी निंद मा भरेल होतात आणि जव चांगल्या प्रमाणे जागनात त तेनी महिमा ; आणि त्या मानसस्ले ज्या तेना संगे उभा होतात देख| ³³ जव त्या तेना कळून जावाले लागनात त पेत्र नि येशू ले सांग; गुरुजी आपल आठे राहाण बर शे: त आम्ही तीन तंबू बनासुत एक तुना साठे एक मोशे साठे आणि एक एलिया साठे | तेले माहित नई होत कि काय सांगी राय्ना | ³⁴ तो हय सांगीच राय्नता कि एक ढग नि ईसन तेसले घेरी लीना आणि जव त्या त्या ढग घेराले लागनात त भ्याई भ्यात | ³⁵ आणि त्या ढग मधून हय शब्द निघणा कि हवू मना पुत्र आणि मना निवाळेल शे एनी आयका | ³⁶ हय शब्द होताच येशू एखतच दिखाना : आणि त्या शांत राय्नात आणि जे काही देखेल हातात तेनी कोणतीच गोष्ट त्या दीनस्मा कोलेच नई सांग || ³⁷ आणि दुसरा दि जव त्या पहाळ वरून उतर नात त एक मोठी गर्दी तेले इ भेटणी | ³⁸ आणि देखा गर्दी मधून एक माणूस नि जोरमा सांग गुरुजी मी तुले विनंती करस कि मना पुत्रवर दया कर; कारण कि तो मना एकच शे| ³⁹ आणि देख एक दृष्टआत्मा तेले धरस आणि तो अचानक आराया मारास; आणि तो तेले असा पीई टाकसकि तो तोंड मधून फेस भरी लयस ; आणि तेले चेन्दिसन जेमतें सोळस | ⁴⁰ आणि मनी तुना शिष्यस्ले बी विनंती कर कि तेले काळो; पण त्या नई काळीसकनात | ⁴¹ येशू नि उत्तर दिधा ओ अविस्वासी आणि आळेल लोक मी कोठ लागून तुमना सांगे रासु आणि तुमले झेलसू? आपला पुत्र ले आठे लई ये | ⁴² तो ईचराय्न्ता कि दृष्टआत्मा नि तेले उपटी सन पीईना पण येशू नि दृष्टआत्मा ले धमकाव आणि पोर्या ले बरा करीसन तेना बाप ले सोपी टाक| ⁴³ तव सगळा लोक देव ना महान सामर्थ कण चकित हुईनात || ⁴⁴ पण जव सर्वा लोक त्या सगळा कामस्तून जे तो करत होता आचर्य करत होतात त तेनी आपला शिष्यस्ले सांग; ह्या गोष्टी तुमना कानस्मा ह्राई राहो कारण कि माणूस ना पुत्र मानसस ना हात मा धरावामा शे | ⁴⁵ पन त्या ह्या गोष्ट ले नई समजत होतात आणि हय तेसणा पासून लपेल ह्राय्नी; कि त्या तेले समजू नईत आणि त्या गोष्ट ना बारामा तेले विचारा पासून भयात होतात|| ⁴⁶ नंतर तेसणा मा हवू विवाद होवाले लागणा कि आम्हना मधून मोठा कोण शे ? ⁴⁷ पण येशू नि तेसणा मन ना विचार वयखी लीधा: आणि एक बाळ ले लिसन आपला जोळे उभा करा| ⁴⁸ आणि तेसले सांग; जो कोणी मना नाव तून ह्या बाळ ले स्वीकार करस तो मले स्वीकार करस आणि जो कोणी मले स्वीकार करस तो मना धाळणार ले स्वीकार करस कारण कि जो तुमना मधून सर्वास्तून धाकला शे तोच मोठा शे | ⁴⁹ तव योहान नि सांग गुरुजी आम्ही तुना नाव तून एक माणूस ले दृष्टआत्मा काळतांना देखनुत आणि आंम्ही तेले मना करनुत कारण कि तो आम्हना संगे हुईसन तुना मांगे नई चालत | ⁵⁰ येशू नि तेले सांग तेले मना नका करा; कारण कि जो तुमना विरुद्ध मा नई तो तुमना कळे शे || ⁵¹ जव तेना वरे उचलाई जावाना दिन होवावर होतात त तेनी यरुशलेम जावाना विचार पक्का करा| ⁵² आणि तेनी आपला पुळे दूत धाळात: त्या सामरी ना एक गाव मा ग्यात कि तेना साठे जागा तयार करोत | ⁵³ पण त्या लोकसणी तेले उतरू नई दिनात कारण कि तो यरुशलेम ले जाई राय्नता| ⁵⁴ हय देखीसन तेना शिष्य याकोब आणि योहान नि सांग; प्रभू; काय तुनी ईच्छा शे कि आम्ही आदन्या देवूत कि आकाश मधून आग पळीसन तेसले राक ताकुत | ⁵⁵ पण तेनी फिरीसन तेसले धमकावआणि सांग तुमले नई मालूम कि तुमी कोणती आत्मा ना शेतस | ⁵⁶ कारण कि माणूस ना पुत्र लोकस्ना जीव नाश कराले नई पण वाचाळा साठे एयेल शे : आणि त्या कोणी दुसरा गाव मा चालना ग्यात || ⁵⁷ जव त्या रस्ता मा चालीराय्नतात त कोणी तेले सांग जठे जठे तू जाशी मी तुना मांगे ईसू | ⁵⁸ येशु नि तेले सांग लांडगास्ना गुफा आणि आकाश ना पक्षीस्ना त खोपा रातस पण माणूस ना पुत्र ले डोक झाकाले बी जागा नई | ⁵⁹ तेनी दुसरा ले सांग मना मांगे चालू लाग; तेनी सांग प्रभू माले पहिले जावू दे कि मना बाप ले गाळी देवू | ⁶⁰ तेनी तेले सांग मरेल ले आपला मुर्दा गाळू दे पण तू जाईसन देव नि राज्य नि गोष्ट सांग | ⁶¹ एक आखो नि बी सांग प्रभू मी तुना मांगे चालसू ; पण मले पहिले जावू दे कि आपला घर ना लोकस्ले भेटी लेवू | ⁶² येशू नि तेले सांग जो कोणी आपला हात नागर वर ठेयसन मांगे देखस तो देव ना राज्य ना योग्य नई ||