Ilan 70

Dāá jòoń-mi malaa, ti-Dindaan

1 Daafiidi di ŋmàn̄ nlan nee ki tīī bilaŋgaaliibi kpiliu kí téetí Unimbɔti pu.

2 Unimbɔti, fīī-mi,

dāá jòoń-mi malaa!

3 Bin nyàab̀ kí lēē m-maŋfalee, kɔ́ǹ-bi icoo!

Bin nyàab̀-mi tikpitilee,

bí gítí bi-boon kí fá bi-nyooti!

4 Bin bin bèel̄-mi ki lāāyee,

yàntī bí gítí bi-boon nì icoo!

5 Ama yàntī bin kɔkɔ nyàab̀-see

ń nīn bí mmɔnni ki fàal̀.

Yàntī bin néeń sii ufiilee ń nīn pée lì yii:

«Unimbɔti sá ukpaaneeee!»

6 Mamee, m sá ufalaadaan nì unandaan ní.

Dāan̄ m-cee malaa, Unimbɔti!

Sii di sá m-jòońliu nì m-fiiliu.

M-Dindaan, taa tàan̄!