Juudi gbɔŋku kaa sá ki tīī Kriisitoo nikitil dibaba, ama an sá ki tīī Kriisitoo yab kɔkɔ ní. Tin ku sòoǹee náań nì tin Peetroo sòon̄ u-gbɔnliliitiiku poonee ní (kpèè 2 Peet 2). Tigbɔnliitil gbanti kɔkɔ jáà nì binib bin dàkà tinyimɔmbɔti ki tūǹ ajɔkɔntuunee ní.

Ijaam boonee (b. 1-2), Juudi nyáń bin dàkà tinyimɔmbɔti ki kɔ́ Kriisitoo nikitiŋ kansikinee pu. Ditafadaaldi làá dāá jēetí bi-kɔkɔ pu (b. 3-16). Kriisitoo yab bíǹ máaǹ kí nīn yú an píkí fookii poon (b. 17-23). Juudi nyɔ́ŋkì «Unimbɔtibaanti un dī ti-Dindaan Yeesu Kriisitoo pu ki fīī-tee ní ki kúntì u-gbɔŋku» (b. 24-25).

Kugbɔŋu nee yaa jáà nì nnyimɔn nín cáá mpɔn ŋuŋyee, ku lèekī ki dàkà mun dijòońdi nì dimákal din Kriisitoo yab cáá Unimbɔti nì Yeesu Kriisitoo nì Circir Fam puee (b. 20-21).