2 Nēē toorēt mēēy, ku meeng'alaala kuyāmu kōōrēē tōkōl kilēē wōloo irtooy :piich choo irtooy keey mu sinakōōkiin ākōō araa oor kilē sikuuloosu :piich. Āmwoorwook man kilē /kiikēētē pichoochēē kir aka tōkōl. 3 Nēē toorēt mēēywoon, ku mārēy i-ir mu oor nyoo ung'aat nyoo mēēmuukēy mpō kusōwu :choorwēēng'uung' nyoo lēēkitēēniin. 4 I-irēy kilēē nyoonēē simeero :chiich. Kōōniin Paapeeng'uung' mālāktāng'uung' āmu nkēt :inyeentee kir aka tōkōl nyoo ung'aat.”

5 Kitas taay :Yēēsu kumwa kilē, “Nēē āmii āsooyēy, ku maasaa kilēē piich choo irtooy keey choo sooyēy kuuryoong'sōōt mu sinakōōkiin, akusooyēy mpō nkōō wōloo chaang' :piich. Irēy pichoochēē kilēē nyoonēē kilē sikuurooteech :piich. Āmwoorwook man kilē /kiikēētē pichoochēē mālāktiing'waang'. 6 Nēē sooyēy, iwō ikarta keey koong'uung' akiisaa Paapeeng'uung' nyoo mātookuuy. Kōōniin :inyeentee mālāktāng'uung' āmu nkēt kir aka tōkōl nyoo ung'aat.”

7 Kitas taay :Yēēsu kumwa kilē, “Nēē sooyēy, kimeemwaa ng'al chaa chaang' chēpō kilēēn kilēē piich choo mēēnkēt Iriin. Sooyēy :pichoochēē kilēē nyoonēē kuupkootēy kilē nēē mwa ng'al chaa chaang' /kēētēērchi soowuutēkwaak. 8 Makaraam a-ir kilēē pichoochēē āmu nkēt :Paapēēng'woong' kir nyoo āmārēy mpō kutoomō āsoom. 9 Mārēy nyuun āsooyēy kilēē nyi:

14 Āmu nēē ānyōōchi kaat piich walak ng'ōōkiikwaak, ku nyōōwook kaat :Paapēēng'woong' nyoo mii kipsēnkwēt. 15 Ku nēē moonyōōchi piich walak kaat ng'ōōkiikwaak ku mānyōōwook kaat mpō :Paapēēng'woong'.”

16 Kimwa :Yēēsu kuureer kilē, “Nēē arukuut keey, ku maakany kutooku kilēē ng'uur choo irtooy keey /sikeero. Āmwoorwook man kilē /kiikēētē pichoochēē mālāktiing'waang'. 17 Ku nēē arukuut keey, a-iil mētēwēyiikwook ākoo-uun koonyiikwook 18 simāsōwu :piich kilē kaarukuut keey wōloo nyuun kanya kuuro :paapēēng'woong' nyoo mātookuuy. Paapēēng'woong' ākityōōn nyoo /mākuurootēy :nyoo nkēt, akukōōnook :inyeentee mālāktiing'woong'.”

19 Kitas taay :Yēēsu kumwoochi piich kilē, “Āmoorumchi keey mōkōrnoonti mu ng'wēny āmu muukēy kuululuuk :kuutyay aku-am ng'wēnyi, akimii :chōōri choo muukēy kichoor. 20 Aku āsiintoochii keey mōkōrnoonti mu kipsēnkwēt wōloo moomii :kuutyaan nyoo muukēy kuululuuk āmoomii :chōōri choo chōōrēy. 21 Wōloo mii :mōkōrnoontii chiich ku wōloonēē wōli tiirēē :mētinyiin. 22 Koong' kilēē taayit nyēpō pōōr. Nēē karaam :koontong'uung', iting'ēy lēpooyin mu wōlipoor. 23 Ku nēē rōōti kir ng'at koong', ku tuur moong'uung'. Iriip keey nyuun ng'at koong' simākārchiin tuurin.

24 Mēēmpēlēy :chiich kaarooy ārēēny, nēē ir kilēē nyoonēē, kurālēy aka. Kunyuun oo, mēēmuukēē /kēēpāyiisyēēchi Iriin akēēchāmēy rōōpiyō.”

25 “Āmwoorwook nyuun kilē, āmoo-iimchi keey āmiisyō ntā ku tukun choo ārēēy, Ntā ku sirōōy choo ālookēy. Mā ōōw :sopoon kusiir āmiisyō ākōō sirōōy? 26 Aroo kee tāriit! Māpālēy par amākāsēy, amāting'ēy mpō kaapchookō, aku pāyēy :Apoong'woong' nyoo mii kipsēnkwēt. Maakwaan pō koomānuut kitya kusiir tāriit? 27 Ng'oo nkōō akwaan :nyoo muukēy kutāsi keey pērēētuus chēpō sopēēnyiin nēē iimchi keey ng'alēēpō ng'wēny? 28 Kilē nee soo-iimchii keey sirōōy? Aroo kee taapuk chēpō kērti wōloo piititooy, nku mā-irēy pāyit aka tōkōl ntā kunāpchi keey mpō sirōōy, 29 aku āmwoorwook nyuun man kilē mpō ntā kiiting'ēy :Sōlōmōōn mōkōrnoonti nyoo māting' /keemwa, ku kiimāting'ēy sirōōy choo kāroomēēn kilēē taapukeechoochēē. 30 Ku nēē lookēy :Iriin keet chēpō kērti choo sopsōōt aniinee /ākēēwiirchi ma āsuun oo, kutēp nee wōloo looktooyook? Mining' kaaraneeng'woong' man. 31 Amaa-iim keey nyuun akaateep keey kilē, ‘Kunyōōrchinii ānō āmiisyō? Ntā kinyōōrchinii ānō kiyoo kurēēy ākōō sirōōy choo kiilookēy?’ 32 Piich choo mēēnkēt Iriin :choo iimchinii keey tukuuchu tōkōl akuunkēt :paapēēng'woong' nyoo mii kipsēnkwēt kilē āmārēēkwaan choochēē tōkōl. 33 Aku awasa kipōk Pāyuunātēēnyiin akaa-ir man, /tākēētāswook mpō tukuuchu tōkōl. 34 Kunyuun, amaa-iim keey akipō āsuun āmu ting'ēy :āsuun kaa-iimuut chaachiich. Aniinee kiting'ēy kaa-iimuut chaachiich choo yāmēy āmootāsi walak.”