2 Kilēēchi :Yēēsu kiineetanichiich, “Nēē āsooyēy, āmwoorēy kilē,

5 Kitas taay :Yēēsu kuteep kiineetanichiich kilē, “Keemwa kee kilē kāwo chiich nkōō akwaan kaa choorweenyiin ooro kwēēn, akumwoochi choorweenyiin kilē, ‘Choorweenyuun, kōōnoon makatiin sōmōk 6 āmu koonyōōru toon āmoomii kir nyoo āmēy.’ 7 Nēē wāluun :choorwēēng'uung' nkōō kō kilē, ‘Maakumii :chiich nyoo tākuyootēy kurkat lang'a tēēnō nyi āmu koorwaa ākōō laakōōchuuch. Moomuukaa ang'eet ākookōōniin kir aka tōkōl.’ ” 8 “Āmwoorwook kilē, mpō ntā maang'ēētēy :chiichoonēē akuutē kir aka tōkōl āmu choorweenyiin, kuumuukēy kung'eet akuutē kiyoo kāmārēy āmu maachaas kusoomēy.

9 Āmwoorwook nyuun kilē, āsoomō, /tākēēkōōnook; awasa, toonyōōruu; ākōnkōōng'ō kurkee /tākēēyootwook. 10 Āmu chiich nyoo soomēy, /kēētēnii, nyoo wāsēy, kunyōōruuy, ku nyoo kōnkōōng'ēy kurkat, /kēēyootinii.

11 Mii :chiich nkōō akwaan nyoo nēē soom :laakweenyiin koorookwō, kuutē kipaang'wa? 12 Ntā nēē soom maayaan, kuutē tookool? 13 Kunyuun oo, nēē ātēniikwaan kipng'ōōkiis laakōōkwook tukun choo kāroomēēn oo, kutap nēē nyuun Apoong'woong' nyoo mii kipsēnkwēt? Tēēnii :inyeentee Toomirmiiryeenyiin piich choo kāsoom.”

14 Nēē mii pērēētuu aka, kuu-oon :Yēēsu *toomirmiir nyaa ra nyoo kiimii chiich aka nyoo kiikiiku-ir chiichoonēē kunama :kuut. Paani ka-oon toomirmiiryoonoonēē, kukaramiit :chiichoonēē akung'alaal. Kikwōng'yō :piich nkōō ng'aleechoochēē, 15 kumwa :walak nyuun kilē, “*Pēēlsēpuul, pāytooyiintoo *toomirmiirēy chaa raacheen nyi tēnii chiichi kaamuuka kuu-oon *toomirmiirēy chaa raacheen.”

16 Kiimārēy kuutyāmēy :piich walak Yēēsu, kilēēchi ku-ir ng'ālyoon nyoo ng'uutuuy kilē man chōōnēē wōloo mii :Iriin. 17 Kiinkēt :Yēēsu kiyoo kiipkootēy :pichoochēē, kumwoochi nyuun pichoochēē kilē, “Kōōr aka tōkōl nyoo poorsōōt :piichiich kuputēē, akuuputēy :kaaw nēē poorsōōt :piichiich. 18 Ku nēē pooryēērō keey nyuun *Syeetaani oo, kuuryoong'ēy kilē nee pāyuunāteenyiin? Āmwoorēy kilēē nyoonēē āmu āmwoorēēkwaan kilē ā-ōōnēē *toomirmiirēy chaa raacheen *Pēēlsēpuul. 19 Ku nēē āpāyiisyēērēē kaamuuka nyēpō *Syeetaani ā-ōōnēy *toomirmiirēy chaa raacheen oo, kuutēnii ng'oo nyuun piikwook kaamuuka ku-oon toomirmiirōōchoochēē? Apee nyuun akaapaateepa piikwook kumwoorwook man. 20 Nēē āpāyiisyēērēē kaamuukaa Iriin a-oon *toomirmiirēy chaa raacheen, kung'uutuuy kilē kiiku-itwaak :Pāyunāt nyēpō Kaa Iriin. 21 Nēē mii :chiich katanyiin akuting'ēy kariichiich chēpō pooryoot kuchēpootēēn, akuriipootēēn tukuuchiich. 22 Ki nēē chō nyuun :aka nyoo ting'ēy kariichiich choo siirēy chēpō chiichoonēē, kuupēlēy chiichoonēē aku-āpēē kariichiich tōkōl choo kāriipēē keey aku-āpō tukuuchiich tōkōl.”

23 Kitas taay :Yēēsu kumwoochi piich kilē, “Chiich aka tōkōl nyoo moomii kamastanyuun, ku sāsoon. Ku chiich aka tōkōl nyoo mēētoorētoon keeruma, kuusārēētēy.”

24 Kitas taay :Yēēsu kumwa kilē, “Nēē /ku-oon *toomirmiir nyaa ra kuwēērō chiich, kumānootēy nkōō suur kwēēn kuwāsēy wōloo muung'ēē. Nēē mānyōōru wōloo kēēmuung'ō, kumwoochi keey kilē, ‘Kaykay awaraka wōli kyoomii.’ 25 Nēē waraka nyuun, kunyōōruuy wōli kiimii ku tiliil akukaraam. 26 Nkōō yoonēē, kuwēētii kumāruuy toomirmiirēy walak tisap chaa raacheen kusiir inyeentee, akupa kimāng' :tōkōl pōōrpō chiichoonēē. Nēē ir nyuun kilēē nyoonēē, kurāyiituuy :chiichoonēē kusiir taay.”

27 Kutākumii :Yēēsu kung'āloolēy, kumwa :cheepyoosee aka nyoo kiimii yoonēē kilē, “Pēēruuroot :cheepyoosooni kiināmiin akuurēēriin.” 28 Kuwālchi :Yēēsu cheepyoosoonoonēē kilē, “Lēē nyoonēē. Aku nyuun oo, pēēruurootēēn piich tōkōl choo tēērēy ng'ālyoontoo Iriin aku-ir kilēē wōli mārtooy :Iriin.”

29 Paani kachaang'iit :piich nkōō yoo kiimii :Yēēsu, kumwoochi :Yēēsu kilē, “Piich chaa raacheen :chu, mārēy /kēēng'uuti kir nyēpō kwōng'uut. Ng'ālyoon kipaat nyēpō kwōng'uut nyoo /kung'uutinii pichoochēē ku nyoo kiipō Choona. 30 Kilēē paani kyoopchi :Choona piipō Ninawi lōkōōy chēpō kiirwookoo Iriin, ku-āpchinii mpō *:Wēēroo Chiich lōkōōy chēpō kiirwook piich choo lēē choochēē. 31 Nkōō pērēētuuni pō lēt paani /kiirwoochinii piich, kuuryoong'ēy :cheepyooso nyoo kiipāytooy kōōroo Syeepa akuurwoochi choo mēērānēy Iriin āmu kichōōnō :cheepyoosoonoonēē wōloo lōōw akuchō kuteer ng'alēēpō ng'oroomnyoo Sōlōmōōn. Āmwoorwook man kilē mii yēēnyi aniinee nyoo ōōw kusiir Sōlōmōōn. 32 Nkōō pērēētuuni pō lēt paani /kiirwoochinii piich, kuuryoong'ēy :piich chēpō Ninaawi akuurwoochi piich choo mēērānēy Iriin āmu kii nēē āmchi :Choona akwaaneek kuwāliisyō. Āmwoorwook man kilē mii yēēnyi aniinee :nyoo ōōw kusiir Choona.”

33 Kitas taay :Yēēsu kumwa kilē, “Moomii :chiich nyoo noomēy taayit akuutē yoo ung'aat ntā kuuchuut tēr. /Kiinoomēy taayit /ākēētē yoo tōrōōr sikuulēpoochi chiich aka tōkōl nyoo wēētii kō.” 34 Kitas taay :Yēēsu kumwoochi kilē, “Koontāng'uung' kilēē taayit nyēpō pōōrtāng'uung'. Nēē karaam :koontong'uung', iting'ēy lēpooyin nkōō wōlipoor. Ku nēē makaraam, imii tuurin nyoo ōōw. 35 Āriip keey nyuun, amaakany kilēku lēpooyin nyoo mii pōōrwēyiikwook tuurin. 36 Nee nyiraat pōōrtāng'uung' tōkōl lēpooyin nyoo moomii wōloo kāng'ētu, kuulaampuusiin :lēpooyintonoonēē. Karkeey nkōō yoo keepkang'in :taayit nyoo moomii kiyoo kakarta, lēpēyiituuy :pōōrtāng'uung' tōkōl.”

37 Kutākumii :Yēēsu kung'āloolēy, kusoom *:Pārisooyiin aka Yēēsu kilē kupa katanyiin ku-āmiisyō. Kucham :Yēēsu kuwō. Paani ka-it kaa Pārisooyiintoonoonēē, kuwō kutēpō ng'wēny /ākēētē āmiisyō.

38 Kii nēē /kaakēētē āmiisyō, ku-āmiisyō :Yēēsu kutoomō kuu-uun ēēr kilēē wōloo kiimārtooy :ng'ātuutēk chēpō Yāwuutik. Kikwōng' :chiitaa kata paani keerō kilē kā-āmiisyō :Yēēsu kitoomō kuu-uun ēēr.

39 Paani keero :Yēēsu kilē kiikwōng' :Pārisooyiintoonoonēē kilēēchi, “Ā-uunēy *Parisaayik kikoompa ākōō saani saang' aku ōōw simnyoon or. 40 Āsālwēy, nyaa tyaan! Moonkēt :akwaan kilē :nyi kii-irta saang' ku ki-irta mpō or? 41 Ātēē nyuun mēēy tukun choo āting'ēy paannyēēnyi kutililiit nyuun kir aka tōkōl nyoo ā-irēy.”

42 Kitas taay :Yēēsu kumwoochi kilē, “Ōchēy akwaan *:Parisaayik! Moopērēnēy ātēnii Iriin kareeran nyēpō taman nkōō kir aka tōkōl nyoo āting'ēy mpō tāmining' nyaa tyaan. Aku moo-irēy man, amoochāmēy Iriin. Karaam a-ira tukuuchu amoopistō mpō choochēē walak.

43 Ōchēy akwaan *Parisaayik! Kyaacham akwaan ng'achareen chēpō taay nkōō sinakōōkiin. Ākoochāmēy /kēētookwēēsook nyēpō koonyit nkōō yoo chaang' piich.

44 Ōchēy! Ālēēkwaan kir nyoo tiliil wōli pō saang' akiikunun nkōō or. Nēē siirtō :chiich yoo āmii akwaan, ku mēēnkēt kilē ānunchootēēn nkōō or.”

45 Kumwoochi :koonēētiintēē aka nyēpō ng'ātuut Yēēsu kilē, “Koonēētiin, nēē imwaa kilēē nyoonēē, ku kēēmuulēēch.”

46 Kuwālchi :Yēēsu kilē, “Ōchēy akwaan koonēēt chēpō ng'ātuut! Ākālāpchinii piich walak tukun choo nyikiisēēn pātoor akumoomārēy akalap mpō kiitēēn.

47 Ōchēy akwaan! Ātēēchinii *ōōrkooy chēpō kēny choo kiikeet :paapatiinēkwook kēpēnoot choo kāroomēēn. 48 Ng'uutuuy nyoonēē kilē āchāmēy kilē karaam kiyoo kii-ir :paapatiinēkwook. Kiikeet :akwaaneek *ōōrkooy, akutēēchi tukuuchoochēē /kiipkootēē. 49 Kiimwa mpō :Iriin kilē, ‘Āyoochinii *ōōrkooy nkōō *kooyooytooyiichuuch. Pārēy walak, aku-us walak.’ 50 Ng'woonchinook nyuun, akwaan ākōō choo karkeey nkōō akwaan akipō kērēti chēpō *ōōrkooy choo /kiikupar kung'eetee /kee-ir ng'wēny, 51 kung'eetee chēpō Āpēēli ākōy Sakaryaa nyoo /kikupārchi kwēēnuu kaapkōrōs mu *Kōpō Iriin. Āmwoorwook man kilē, nyōōrwook sitooni akwaan ākōō piich choo lēē akwaan.

52 Ōchēy akwaan koonēēt chēpō ng'ātuut! Āpkootēy kilē āting'ēy ng'ōrōōmnyō nyoo ōōw akipō Iriin. Kyaatay atuup kiyoo mārwook :Iriin kilē a-ira, akaakarta piich walak ku-ir kiyoo mārchinii :Iriin.”

53 Paani kāwēērō :Yēēsu yoonēē, kunyāliisyō :koonēētiichoochēē pō ng'ātuut ākōō *Parisaayiik akutoowu kuteep tēēpuut chaa chaang'. 54 Kiitēēpēy tēēpuutēchoochēē āmu kiimārēy kilē sikumwa Yēēsu ng'ālyoon nyoo kiimāchāmēy akwaaneek /sikeenam.