Dúkì i

Sèsíì wɛnaamá Dúkì wà̰haà-ma

Cetá Kam̀má

Dúkì-dà wà̰haà wɛmà mɛ̀mà péé-mà pɔ̀kàtà mɛntà kú mɛhɛká. Ò de mà wà̰haà dɔɔ̀o òcɔ̰́ǹ-dà kà p’òò toò Tèòfídì, è kpɛ̀i ó n’yá̰á̰ è yɔ̀ biɔhànamá p’òò kɔ̰́ɔ̰̀-ma S̀èsíì hḭ́ǹka yòǹ bemú-dà. Ye pɔ̀kàtà wɛmà mɛ̀ɛ té dìi-í-ma mɛ̀m̀pà kú wɛnnì pú yòǹ-pa Sùwífùpa. Dúkì ti cakú o pɔ̀kàta mɛhɛká, mìì héé-sa yudí o pesá: Sèsíì tɛ̀ni è kpɛ̀i é fḭ́hìna nìpa mɛ̀m̀pà k’óò teha-pá-dà. O yàma de péé nìpa pà yɔ̰́sí-pa hḭ́ǹka-dà, k’yé n’yònà: Niìsḭ̀m̀ma, pɛ́íhí, bííhí, mɔkàpa nà cà̰m̀ma.

O pɔ̀kàta wɛnaamá tṵ̀n pɔ̀kàhi tɔhí kpɛ́ɛmá-dà. Àmá, wɛmá ò yɛ̰̀ḭ-má kú hḭ́ǹka dɛ́dɛ́í, héé cà̰ǹku Sèsíì pa̰à̰-ku-dà, é tódá Kàdìdéè háá nà Sèdìsàdɛ́m̀. Ǹtɛ wɛkodáma mɛhɛká, o wɛmá tṵǹ-tṵ̀ǹkaàma ma tɔɔ̀ma:

Dk 1.1-4 : Wɛmá cetádi: Dúkì cakú o bɔ̀hɔ̀ta-sá-dà è wà̰hu-nà ye pɔ̀kàtà.

Dk 1.5 háá Dk 2.52 : Ìsá̰-Bàtísì nà Sèsíì pa pɛdáma nà pa bíkáḿbíikú wɛmá.

Dk 3.1 háá Dk 4.13 : Yè wɛì Ìsá̰-Bàtísì dehèmu nà Sèsíì sɔ̀do pa̰á̰ma è kó cetá o kpɛ́mú-dà.

Dk 4.14 háá Dk 9.50 : Sèsíì tɔmú cetáma nìku wɛǹni yìhìka Kàdìdéè tempáàku mɛhɛká.

Dk 4.14-30 : Sèsíì cakáà-ma kú bookú Weèdi wɛmá Nàsàdɛ́tì yɔtí mɛhɛká.

Dk 4.31 háá Dk 9.50 : Sèsíì cèǹkaàma yɔtí dɔ́ɔ́di mɛhɛká, é tódá Kàpɛ̀ɛ̀nàúm̀ háá nà Kàdìdéè.

Dk 9.51 háá Dk 19.27 : Sèsíì coó Sèdìsàdɛ́m̀ bɛ́ka.

Dk 19.28 háá Dk 24.53 : Niìi wɛǹni pa̰kú Sèdìsàdɛ́m̀-dà: o cɛ̰ɛ̰́ma, o kɔ̀ùma, o yá̰ńtáma, n’ɔ̀ɔ hḭ́ǹka dìsimá Báàa pesa.