¹ Niyan ining akon ihambay sa indo hay matuod gid, bukon ini pinusong kay nagapakig-isa ako kay Kristo. Ang akon konsinsya nga ginatuytuyan ng Espiritu Santo hay nagapamatuod da nga matuod ang akon ihambay, ² nga grabi gid ang akon kalisod kag padayon nga kasakit ang akon nababatyagan sa tagipusuon ³ tungod sa akon mga kahalihan kag mga kasimanwa. Kung puydi kuntà, gusto ko nga ako na lang ang parusahan ng Dios kag ipabuyag kay Kristo para lang mahilway sinda sa parusa. ⁴ Sinda hay mga Israelita nga ging-ampon ng Dios bilang iya mga ongà, kag gingpakità sa inda ng Dios kung mauno ang iya pagkadios. Naghuman ang Dios ning mga kasugtanan para sa inda, kag gingtao sa inda ang Kasuguan. Gingtudluan sinda ng tamà nga pagsamba sa iya, kag madamò ang iya mga pangakò sa inda. ⁵ Mga inapo sinda ng mga kalulo-lulohan nga gingpilì ng Dios nang una, kag sa inda inapo naghalin si Kristo nang siya hay naging tawo. Ang Dios nga makagagahom sa tanan hay dayawon hasta sa wayà katapusan! Kabay pa.

⁶ Abir naghambay ako ning tiyad inà, pero wayà ninda napusli ini nga mga pribilehiyo, bukon ini gusto hambayon nga wayà pagtumana ng Dios ang iya pangakò, kay bukon ang tanan nga inapo ni Israel hay ginakabig nga matuod nga Israelita. ⁷ Pareho da ini kay Abraham, bukon ang tanan nga inapo niya hay ginakabig nga iya inapo. Kay naghambay ang Dios kay Abraham, “Kay Isaac magahalin ang imo mga inapo nga akon gingpangakò.”^{a 8} Gusto hambayon, bukon tanan nga inapo ni Abraham hay ginakabig nga mga ongà ng Dios, kundì ang ging-ongà lang sunò sa pangakò kay Abraham ang kilayahon nga mga ongà ng Dios. ⁹ Kay imaw ini ang pangakò ng Dios kay Abraham, “Mabalik ako diri sa masunod nga tuig^b kag si Sara hay may ongà na nga lyaki.”^c

¹⁰ Bukon lang si Abraham, kundì paagi sa kapid nga ongà nina Rebeca kag Isaac nga amon kalulo-lulohan. ^11,12 Nang wayà pa ging-ongà ni Rebeca ang kapid, naghambay ang Dios sa iya, “Ang maguyang hay magaserbisyo sa manghod.” ^d Ginghambay niya ini nang wayà pa sinda makahuman ning maayo o malain. Kay gusto itudlò ng Dios nga siya ang magpilì sa tawo, kag ginahuman ini niya hay bukon basi sa inda maayo nga mga ginahuman, kundì sunò sa iya kabubut-on. ¹³ Nakasulat sa Kasulatan,

¹⁴ Niyan, ano ang aton mahahambay? Nga ang ginghuman ng Dios hay bukon tamà? Bukon tiyad inà! ¹⁵ Kay naghambay ang Dios kay Moises, “Kaluuyan ko ang gusto ko kaluuyan kag pakamaayuhon ko ang gusto ko pakamaayuhon.”^{f 16} Nganì ang kaayo ng Dios hay bukon basi sa gusto o sa ginahuman ng tawo, kundì tungod lang gid sa kaluoy ng Dios. ¹⁷ Kay nakasulat sa Kasulatan, hambay ng Dios sa harì ng Ehipto, “Ginghuman ko ikaw nga harì para sa ini nga plano. Agud paagi sa akon humanon kuntra sa imo, maipakità ko ang akon gahom, kag para maging bantog ang akon pangayan sa bilog nga kalibutan.”^{g 18} Nganì ginakaluuyan ng Dios ang gusto niya kaluuyan, kag ginapatugas niya ang uyo ng mga tawo nga gusto niya patugason.

¹⁹ Niyan, kung may magpangutana sa akon, “Basì ginabasoy pa ng Dios ang mga tawo? Wayà naman gida ning makakuntra sa iya mga gusto nga matabò.” ²⁰ Pero sin-o ka gid nga magsabat sa Dios? Kita hay mga ginghuman lang ng Dios, nganì indì kita makareklamo sa Naghuman kung basì ginghuman niya kita nga tiyad ini. ²¹ Pareho ng miyughuman ning kuyon, pagusto siya kung ano ang iya humanon sa lunang nga iya ginahawiran. Kung gusto niya, mahuhuman niya ang mga butangan sa duha ka klase paagi sa adto nga lunang. Ang isa para sa espesyal nga ukasyon kag ang isa hay para sa ordinaryo lang. ²² Imaw da ini sa Dios. Igwa siya ning karapatan nga humanon kung ano ang gusto niya. Kung gusto niya nga ipakità ang iya gahom kag ang iya kahangit sa kasal-anan paagi sa pagparusa, hay iya karapatan. Pero siya hay nagatiis anay sa inda, pagusto gihapon siya! ²³ Siya hay nagpasinsya sa inda agud maipakità niya ang iya pambihirà nga kaayo sa mga tawo nga iya ginakaluuyan, nga iya na nga daan gingpreparar para padunggan. ²⁴ Kag kita hay imaw ang mga tawo nga iya gingtawag, bukon lang halin sa mga Judio kundì halin da sa mga bukon Judio. ²⁵ Imaw ini ang nakasulat sa libro ni Hoseas,

²⁹ Naghambay pa gid si Isaias,

³⁰ Ang akon gusto hambayon hay imaw ini. Ang mga bukon Judio nga wayà nagtinguhà para maging matarong hay imaw ang gingbilang nga matarong ng Dios tungod sa inda pagtuo. ³¹ Pero ang mga Judio nga nagtinguhà sa pagtuman ng Kasuguan agud maging matarong hay wayà nakabaton. ³² Basì? Kay bukon paagi sa pagtuo kay Hesu-Kristo, kundì nagsalig sinda sa inda maayo nga mga ginahuman. Napasuyaod sinda sa “bato nga nakakasuyaod.” ³³ Sunò sa nakasulat sa Kasulatan, hambay ng Dios,