Ang Una nga Sulat ni
JUAN
Ang Pang-una nga Hambay
Ang una nga sulat ni Juan hay para paandaman ang mga nagatuo kay Kristo parti sa mga salà nga pagpanudlò. Sa iya sulat gingtudlò niya nga si Hesu-Kristo ang Dios pero naging tawo. Gingtudluan da sinda nga maging masinundanon sa mga sugò ng Dios kag maghigugmaanan kay ang kinaugalì ng Dios hay mahinigugmaon.
Natungà sa upat ka parte ang iya sulat: Ang pang-una, ang kasal-anan hay may kapatawaran paagi sa pag-amin sa mga salà. Ang pangaduha, ang kamatuuran kuntra sa bukon matuod nga kristo. Ang pangtuyo, ang matuod nga paghigugmà hay ang pagsakripisyo ng sarili para sa iban. Kag ang pang-upat hay ang kabuhì nga wayà katapusan paagi sa pagtuo sa bugtong nga Ongà ng Dios.
Ang mga Suyod
I. Ang Pagtunà: Pamatuod sa ‘Hambay nga Ginahalinan ng Kabuhì’ (1:1-4)
II. Ang Kasiguraduhan paagi sa Pagpanaw sa Kahayag (1:5-2:29)
A. Ang Pagkabuhì sa Espiritwal nga Kaugalingon (1:5-2:6)
B. Ang Pagkabuhì ng mga Nagatuo Kaibahan ang Dios (2:7-11)
K. Ang Pagkabuhì Palayò sa mga Kasal-anan nga Kalibutanon (2:12-17)
D. Ang Pagkabuhì nga Matibay ang Pagtuo sa Kamatuuran (2:18-29)
III. Ang Kasiguraduhan paagi sa Paghigugmà nga wayà Katapusan (3:1-4:21)
A. Ang Paghigugmà ng Dios sa Aton (3:1-12)
B. Ang Paghigugmà Naton sa mga Nagatuo kay Kristo Hesus (3:13-24)
K. Ang Paghigugmà Naton sa Kamatuuran (4:1-6)
D. Ang Dios hay Paghigugmà (4:7-21)
IV. Ang Kasiguraduhan ng Aton Ginatuuhan (5:1-21)
A. Ang Kasiguraduhan ng Pagdaog kuntra sa mga Kalibutanon (5:1-5)
B. Ang Kasiguraduhan ng Pamatuod ng Espiritu (5:6-12)
K. Ang Kasiguraduhan ng Sabat sa aton mga Pangamuyò (5:13-15)
D. Ang Kasiguraduhan kuntra kay Satanas (5:16-21)