Mendadi, ki sulat kini ni Santiago, iinig delendeman nu nga getaw metaasi sinuunanen, mabuˈ iini suminulat dun su pated ni Isus. Gempantek puˈ piwitanen su nga getaw Judea suminakup dini Isukristu, ki mipelak di tibuuk benwa sabaˈ nu kegleget dinilan diag daan benwa nilan.

Iini mpenilung ta dig libru kini, metibaˈ tituluˈan ni Kristu mipungun. Si Santiago, su suminulat dun, iini gembagel gupia di ginaanen, ita nu nga suminakup dini Kristu, subay peduma ta di kesalig ta ki kekesuun betad mukaˈ gabang di samataw ta. Kaas, pinungunen ki tituluˈan mekatag di gaˈus, di kegabit ta, di pegangyaˈ ta sampay melaun pa.