3 Kiikiikumwaarta *:Ērōōtē kilē /keenam Chowaana /akeerat mu korkoreet. Kii-ir *:Ērōōtē kilēē nyoonēē āmu Ērōōtya, cheepyooseetaa wēēriing'waang' nyoo /kiikikuurēē Pilip. 4 Kiimwoochi :Chowaana kilē machamaat ku-āp cheepyooseetaa wēēriing'waang'. 5 Mpō ntā kiimārēy *:Ērōōtē kilē /keekeet Chowaana, ku kiiwārēy piich āmu kyoopēy :pichoochēē kilē Chowaana ku *ōōrkooyoontoo Iriin.

6 Nēē mii pērēētuu aka yoo /kiiku-āmēy tuum nyoo /kiikuupkootēy pērēētuuni /kiikutuumēy *Ērōōtē, kunyaal :chēpō Ērōōtya nkōō taayuu piich chaa chaang'. Kupaypayiit *:Ērōōtē 7 ākōy kusirpēn kuutē chēēpoonēē kir aka tōkōl nyoo kamar. 8 Paani kāwō :chēēpoonēē kung'alaal nkōō eeyeenyiin, kumwoochi :eeyeenyiin wō kumwoochi *Ērōōtē kilē, “Kōōnoon mētpō Chowaana Koopootiisāniin mu kipis!” 9 Paani kamwa :chēēpoonēē kilēē nyoonēē, kwootyō *:Ērōōtē. Aku āmu kiikiikusirpēn mu taayuu toyeechiich, kumwaarta /kēētē chēēpoonēē mētpō Chowaana. 10 Kuuyooytō /pakeetil kaat Chowaana mu korkoreet. 11 Paani /kaakeetil, /kēē-āpchi chēēpoonēē mētit mu kipis. Kunam :chēēpoonēē aku-āpchi eeyeenyiin. 12 Kupka :kiineetanipō Chowaana kimar pōōrtō akutup, akupa kumwoochi Yēēsu.

13 Paani kāwō kuteer :Yēēsu ng'aleechoochēē, kung'eetee wōli kiimii akupeera mēēli ākōō kiineetanichiich ākōy wōloo kimālēēkitēē :chiich aka tōkōl. Paani kāsōwu :piich chaa chaang', kung'ēētyēērō kēēstoonikwaak akupeera kēēlyēn kutuup Yēēsu. 14 Kii nēē rēkuunō :Yēēsu mēēli, akuuro pichoochēē tōkōl, kuriira akwaaneek akuusoop chiich aka tōkōl nyoo kiimnyaanaat.

15 Kii nēē lēēkit kutuuriit kōōrēē, kupēēchi Yēēsu :kiineetanichiich akilēēchi, “Kaakutuuriit :kōōrēē aku kōōrooni ku suur kwēēn! Mwoochii pichu kupa kēēstoonichu lēēkitēē yēēnyi kupa ku-alaata kiyoo āmēy.” 16 Kuwālchi :Yēēsu kilē, “Mēērookēē kupa pichu. Ātēē kir nyoo āmēy.” 17 Kuwālchi :kiineetanichiich kilē, “Kiting'ēy makatiin muut ākōō kaaraak ārēēny.” 18 Kumwoochi :Yēēsu kiineetanichiich kilē, “Ā-āpuu kee yi.” 19 Kumwoochi :Yēēsu kiineetanichiich kilēēchi pichoochēē kutēpi ng'wēny yoo mii suusō. Kunam makatiinachoochēē muut ākōō kaaraakik ārēēny, kuuro im akumwoochi Iriin kōōnkēy, kupuutil akuutē kiineetanichiich kuchārchinootō piich. 20 Kwoomiisyō :piich tōkōl kuti piryoonchō. /Keerum kiituukaanik, kunyir kitaseen taman nkōō ārēēny. 21 Piich :choo kyoomiisyō ku :murēn choo ki-itēy ēlup muut /kimaakuu-iit chēēpyōōsōōy ākōō laakōōy.

22 Paanoonēē kumwoochi :Yēēsu kiineetanichiich kulaang' mēēli kusip kuuntoroor kutilta araaray kupa kamasta nyiinō aka, kuta kuuyoomiisēy keey :inyeentee nkōō piich. 23 Paani kaakuuyoomiistō :Yēēsu pichoochēē, kuwēēchi keey inyeentee tul kuwō kusa. Kii nēē tuuriit kōōrēē, ku kii :inyeentee keey nyi kiitākumii wōloonēē. 24 Kiikiikuwō nyuun paanoonēē :mēēli yoo lōōw nkōō tapanuu araaray akiimii kuutimtiimēy :kipirtii pēr āmu kiimii yoomēt nyoo nyikiis nyoo kiichōōnēē taayuung'waang'. 25 Paani kāwō kuurir :kōōrēē, kuwēērēē :Yēēsu pēr parak ākōy wōloo kiimii :kiineetanichiich. 26 Kii nēē ro :kiineetanik Yēēsu kumānēē pēr parak, kilē, “Chiich :nyi ntā iilat?” Āmu kiiwāriisyō kuunchōōyō. 27 Kumwoochi nyuun :Yēēsu akwaaneek kilē, “Āmoowāriisyō! Aneen :nyi.” 28 Kuwālchi :Pēētērō Yēēsu kilē, “Kiptaayaan, nēē inyēēn man, imwoorwoon amana pēr parak āchō wōloonēē imii.” 29 Kuwālchi :Yēēsu Pēētērō kilē, “Chōōnō naas.” Kurēkunō :Pēētērō mēēli akimana pēr parak kuwō wōloo mii :Yēēsu. 30 Kii nēē ro :Pēētērō wōloo lēē :yoomēē, kuuwar akutoowu kuchuut pēr. Kuunchō kilē, “Kiptaayaan, sārwoon.” 31 Kuukoortō :Yēēsu ēēruunyiin kilē weel kunam Pēētērō akumwoochi kilē, “Iting'ēy kaarana nyoo mining'. Āmu nee simēētiirēēnoon keey?” 32 Paani kaakulaang' tōkōl mēēli, kusiis :yoomēē. 33 Kutoowu nyuun :kiineetanik kuuloosu Yēēsu kumwoorēy kilē, “Man, inyēēn Wēēroo Iriin.”

34 Paani kaakutilta :Yēēsu ākōō kiineetanichiich araarayta, kupa kuuryoonchēērō yoo /kiikikuurēē Keeneesareet. 35 Kii nēē sōwu :piich chēpō yoonēē Yēēsu, kuuyooytō :kuut kuyāmu kōōrēē tōkōl, /kēēmuti inyeentee piich tōkōl choo kiimnyoonchootēēn. 36 Kusoom :pichoochēē kiimnyoonchootēēn kutiing' tapanuu siraa :Yēēsu. Kisop nyuun :chiich aka tōkōl nyoo kiitiing'.