/Kēētookēy Yēēsu nkōō Chēērusālēēm kilēē pāytooyiin
21
1 Paani kāriichi :Yēēsu nkōō kiineetanichiich Chēērusālēēm, ku ka-it Peetpaake yoo lēēkitēē Tulwoo *Musēytuun, kuuyooytō kiineetanichiich ārēēny, 2 akilēēchi, “Apee ākōy kēēstoonichu ātoopēnēy. Paani kaa-it ānyōōruuy sikiryō nyoo rataat akimii nkōō moortanyiin. Atyaak sikirēyiichoochēē ākoorēēwoon. 3 Nēē teepeenaak :chiich ng'ālyoon aka tōkōl, āmwoochi kilē, ‘Mārēy :Kiptaayaan akuu-ōōkuuy kilē weel.’ 4 Kii nēē iriisyō :ng'aleechu kuusilta :kiyi kiimwoorēy *:ōōrkooyoontēē aka kilē:5 ‘Āmwoochii piich chēpō *Saayoon kilē,
Anyoono Pāytooyiintēēng'woong',
mii kuchōōnēy wōloo āmii.
Mining'iitēy keey akichōōnēē sikiryō;
sikiryō nyoo lēē moor.’† ”
6 Kipa nyuun :kiineetanichoochēē akupa ku-ir kilēē paani kii-ārōōrchi :Yēēsu. 7 Kuurēēwu sikiryēē ākōō moortanyiin akuukārkoorchi sirooy patar. Kutēpēērō :Yēēsu moorta. 8 Kuukārkoorchi :piich chaa chaang' sirōōkwaak aree, kuyap walak sāk akuukārkoorchi aree. 9 Kituumchinootō :piich choo kiimii taayuunyiin nkōō choo kituupēy lēt kilē,
“Ōōsaanaa *:Wēēroo Tāwuti!
Pēēruuroot :inyeentee nyoo chōōnēy nkōō kaarinaa Iriin!
Loosuunoot :Iriin nyoo mii kipsēnkwēt!”†
10 Paani ka-it :Yēēsu Chēērusālēēm, kuteep :piich tōkōl kilē, “Ng'oo :chiichi?”
11 Kuwālchi :pichoochēē kiipēētii nkōō :Yēēsu kilē, “*Ōōrkooyoon Yēēsu :nyi, nyoo chōōnēē Naasareet nyēpō Kalilaaya.”
Kuutiliilēy :Yēēsu Kōpō Iriin
Maarkō 11:15-19; Luuka 19:45-48
12 Nēē mii lētuun, kuwō :Yēēsu piriiruu *Kōpō Iriin aku-oon tōkōl choo kyooltooy nkōō choo kyooliisyēy nkōō *Kōpō Iriin. Kumilta :Yēēsu meeseen chēpō piich choo kiwāltooy rōōpiyō nkōō ng'achareen chēpō piich choo kyooltooy chēēptuukēēn. 13 Kimwoochi :Yēēsu pichoochēē kilē, “Siraat kilē, ‘/Kukuurēē koonyuun kōpō saayeet,’† nku kyaa-ir :akwaan kilēku ‘kēpēnoo chōōr.’† ”
14 Kupkoonchi :piich choo kiikōryootēēn nkōō kimukuung'tiin Yēēsu kumii *Kōpō Iriin. Kuusoop :Yēēsu pichoochēē. 15 Kinyāliisyō *:tisiik choo ēēchēēn nkōō koonēēt chēpō ng'ātuut paani keero ng'al chēpō kwōng'uut choo ki-ir :Yēēsu akuteer laakōōy kutuumēy nkōō piriiruu *Kōpō Iriin kuuloosuuy Iriin kilē, “Ōōsaana *Wēēroo Tāwuti!”
16 Kuteepa :pichoochēē Yēēsu kilē, “Keeteer :inyēēn kiyoo mwoorēy :laakōōchu?” Kuwālchi :Yēēsu kilē, “Ēē, kaateer :aneen. Toomō asooman kiyoo mwoorēy :siruut kilē, ‘Kiitēē keey kooloosunō kiichōōnō kuutuwayiipō laakōōy choo lēē tēēng'oon ākōō cheerareen?’† ”
17 Kung'eeta :Yēēsu Chēērusālēēm akuwēēchi keey Peetannya kuwō kuruuchi keey wōliinēē.
Keet nyoo maayi lokor
18 Paani kāwo kuyyeech kōōrēē, kuu-ōōytooy keey :Yēēsu Chēērusālēēm, ku-am :piri. 19 Kuuro *mookāng'wō nyoo kimii aree kamas. Kuwō kuuro kēētoonēē kuupkootēy kilē ting'ēy lokor. /Kimaakinyōōrchi kir kēētoonēē king'ētu sāk kipaat.b Kumwoochi mookāng'woonoonēē kilē, “Maa-ināmēy lokor pēsyēēt aka!” Kuyaam :kēētoonēē kilē weel.
20 Paani keero :kiineetanik ng'aleechoochēē, kukwōng'yō akuteepa keey kilē, “Kayaam kēēti kilē nee kilē weel?”
21 Kuwālchi :Yēēsu kiineetanichoochēē kilē, “Āmwoorwook man kilē nēē aran amootoomtoomēn, ku moomuukēy kipaat a-ir kiyoo koo-irchi mookāng'wooni, aku āmuukēy mpō āmwoochi tulwooni kilē, ‘Ng'eeta akiiwēēwiirchi keey araaray,’ aku-ira kilēē nyoonēē. 22 Ku kir aka tōkōl nyoo koosoom nkōō soowuut, ānyōōruuy nēē ārānēy.”
Kitēēpēy :kāāntōōy wōloo chōōnēē :kaamuukaa Yēēsu
Maarkō 11:27-33; Luuka 20:1-8
23 Paani kachuut :Yēēsu piriiruu *Kōpō Iriin, kupka *tisiik choo ēēchēēn ākōō kāāntōōy kimii kuunēētiisyēy, akuteepee kilē, “Iting'ēē kaamuuka nee i-ir ng'aleechu, aku ng'oo nyi kiikōōnin kaamuukaanoonēē?”
24 Kuwālchi :Yēēsu pichoochēē kilē, “Ātēēpēēnook tēēpuut, nēē āwālwoon, āmwoorwook nyoo kikōōnān kaamuuka a-ir ng'aleechu. 25 Kiichōōnēē ānō kaamuukaa Chowaana kuupootiisāniisyēy? Kiichōōnēē wōloo mii :Iriin, ntā wōloo mii :piich?”
Kuteepee keey pichoochēē kilē, “Nēē kumwaa kilē, ‘Kiichōōnēē wōloo mii :Iriin,’ kuteepeeneech kilē, ‘Āmu nee nyuun simaaran inyeentee?’ 26 Ku nēē kumwaa kilē, ‘Kiichōōnēē wōloo mii :piich,’ kēēwārēy piich, āmu rānēy tōkōl kilē kii *ōōrkooyoontoo Iriin :Chowaana.”
27 Kuwālchi nyuun :pichoochēē Yēēsu kilē, “Mākuunkēt.” Kilēēchi :Yēēsu pichoochēē, “Moomwoorwook nyuun mpō nyoo kiikōōnān kaamuuka a-ir ng'aleechu.”
Kārkēēyin nyēpō wēēchin ārēēny
28 Kumwoochi :Yēēsu pichoochēē kilē, “Āpkootēy :akwaan nee akipō kārkēēyini? Kiimii :chiich aka nyoo kiiting'ēy wēēchiichiich ārēēny. Kuwō :chiichoonēē wōli mii wēērii nyi ōōw akumwoochi kilē, ‘Wēēriinyuun, wiyō par aniinee ira pāyit.’ 29 Kuwālchi :wēēroonēē apoonyiin kilē, ‘Moowēētiiy,’ aku nēē mii lētuun, kuwal kaapkootuutēchiich akuwō.
30 Kuwēēchi :poontoonoonēē wēēriinyiin nyi mining' akumwoochi kiyi kāmwoochi nyiinō ōōw. Kuwālchi :nyoonēē mining' apoonyiin kilē, ‘Āwēētiiy,’ amaatakuwō. 31 Wēērii nyoo nyi kii-ir kiyoo kiimārēy :apoonyiin nkōō wēēchoochēē tōkōl?”
Paani kateep :Yēēsu kilēē nyoonēē, kuwālchi :pichoochēē kilē, “Nyi ōōw.” Kumwoochi nyuun :Yēēsu pichoochēē kilē, “Āmwoorwook man kilē muukēy kupa Kaa Iriin :piich choo kwārēy *kōōti ākōō cheepaykeeyiin kisiirook. 32 Paani kiichō :Koopootiisāniin Chowaana kung'uutwook aree nyēpō man, atay :akwaan aran ng'aleechiich. Kuuran :piich choo kwārēy *kōōti ākōō cheepaykeeyiin. Mpō paani kaaroot :akwaan kilē kiikuuran :pichoochēē, kumoowāliisyēēkwaan nkōō ng'ōōkikwook akaaran.”
Kārkēēyin nyēpō kipāyitiin mu paraa sapiipuun
Maarkō 12:1-12; Luuka 20:9-19
33 Kuureer :Yēēsu kumwoochi kilē, “Āyāpchi iit kārkēēyini. King'eet :chiitō aka kēny kutoot *sapiipuun mu pareenyiin akukar. Nēē ityō kupal kēpēn sikupēēchinii :pērēēpō *sapiipuun paani kākupir. Kuteek kasar nyoo /kuriipēē paree. Kii nēē waang', kuutē piich walak kupa kuriipchi paree akuwēēchi keey kōōrēē aka. 34 Paani kaakururyō *:sapiipuunēk, kuuyooytō :chiichoonēē pō paree kipāyitiinēchiich kupa wōloo kiimii :pichu kiiriipēy paraanoonēē kipa ku-āpchi inyeentee sāpiipuunēchiich. 35 Paani ka-it :pichoochēē paree, kunam :pichu kiiriipēy paraanoonēē, kulap ākoong'o, kuukeet aka, akuwiira korin aka.
36 Kuuyooytō kuureer :chiichoonēē pō paree kipāyitiinēk walak kusiir chu kāpō taay kupa paraanoonēē. Kēē-irchi ng'al choo lēē chu kiiku-irchi chēpō taay. 37 Nēē mii lētuun, kuuyooytō :chiichoonēē wēēriinyiin kuwō paraanoonēē kuupkootēy kilē, ‘Koonyitēy wēēriinyuun.’
38 Kii nēē ro :pichoochēē kiiriipēy paraanoonēē wēēroonēē, kukuur keey akilē, ‘Murēnchu, ānyi nyoo pāyituuy paree! Apkaana keekeeta sikupāyitwēēch :paraani.’ 39 Kunam nyuun :pichoochēē wēēroonēē akuumut ākōy paraanoonēē saang' akupa kuukeet.”
40 Kuteep :Yēēsu pichoochēē kilē, “Nēē chō nyuun chiipō paree oo, āpkootēy kilē irēy nee?” 41 Kuwālchi :pichoochēē kilē, “Kēētēy pichoochēē raacheen akuutē piich walak kuriipchi paree choo nēē ruryō *:sapiipuunēk, kuutē inyeentee lokor.”
42 Kumwoochi :Yēēsu pichoochēē kilē, “Ānkēt :akwaan man kilē mwoorēy siruut chēpō Iriin kilē,
‘Kor nyoo kiitay :tēēkik
:nyi kiilēku tēlēkuutaa koot.
Iriin ākityōōn nyoo kii-ir ng'aleechu.
Akipō kwōng'uut nēē /kuuro.’† ”
43 Kumwoochi :Yēēsu pichoochēē kilē, “Āmwoorwook kilē /ku-āpēēnook Pāyuunātoo Iriin /ākēētē piich choo irēy ng'al choo mārēy :Iriin. 44 Chiich aka tōkōl nyoo kēēputi koronēē, kumuumpurēē. Ku nyoo kāchinchi, kuunyukēē.”