5 Kitoowu :pichoochēē kuchoomchi keey akimwa kilē, “Nēē kumwaa kilē, ‘Kiichōōnēē wōloo mii :Iriin,’ kuteepeeneech kilē, ‘Āmu nee nyuun simaaran inyeentee?’ 6 Ku nēē kumwaa kilē, ‘Kiichōōnēē wōloo mii :piich,’ kuwiireeneech :piich tōkōl korin, āmu rānēy :akwaaneek kilē kii *ōōrkooyoontoo Iriin :Chowaana.”

7 Kuwālchi nyuun :pichoochēē Yēēsu kilē, “Mākuunkēt wōli kiichōōnēē.” 8 Kilēēchi :Yēēsu pichoochēē, “Moomwoorwook nyuun mpō nyoo kiikōōnān kaamuuka a-ir ng'aleechu.”

9 Kitas taay :Yēēsu kumwoochi piich kārkēēyini kilē, “Kiimii :chiich aka nyoo kitoot *sapiipuun pareenyiin. Paani kaakuuwaang', kuutē piich walak pākuriipchi paree akuwēēchi keey kōōrēē aka wō kutēpō wōliinēē pērēētuus chaa chaang'. 10 Nēē mii paani kāruryō *:sapiipuunēk, kuuyooytō :chiichoonēē pō paree kipāyityoonteenyiin kuwō wōloo kiimii :pichu kiiriipēy paraanoonēē tāpakēētō lokoreek chaachiich. Paani ka-it :kipāyityoontoonoonēē wōloonēē, kulap :pichoochēē, aku-oon kilēēn.

11 Kuuyooytō :chiichoonēē kipāyityoonteenyiin aka. Kuureer kulap :pichoochēē inyeentee, kumuul aku-oon kuwō kilēēn. 12 Kuuyooytō kuureer aka nyēpō sōmōk. Kulap :pichoochēē kukas maat akuwiirta kuwō saang'.

13 Kuupkaat nyuun :chiipō paree akilē, ‘A-ir nee kēny? Āyooytooy wēēriinyuun nyoo āchāmēy. Ānkēt man kilē muukēy kuukoonyit.’ Kuuyooytō kuwō.

14 Paani keero :pichoochēē wēēroonēē, kukuur keey akilē, ‘Murēchu, ānyi nyoo milēy paree! Apkaana keekeeta sikupāyitwēēch :paraani.’ 15 Kunam nyuun :pichoochēē wēēroonēē akuumut ākōy paraanoonēē saang' akupa kuukeet.”

Kuteep :Yēēsu pichoochēē kilē, “Chōōnēy ku-irtooy nee nyuun :chiipō paree pichoochēē? 16 Akanya āmwoorwook, chōōnēy kuukēētēy pichoochēē tōkōl akuutē piich walak kuriipchi paree.” Paani kamwa :Yēēsu kilēē nyoonēē, kumwoochi :pichoochēē kilē, “Kaykay kimā-iriisyō :ng'ala choo lēē choochēē.” 17 Kuuro :Yēēsu pichoochēē akuteep kilē, “Ara ng'uutuuy nee :siruutēchu /kiikusir kilē,

19 Paani kateer :koonēēt chēpō ng'ātuut ākōō *tisiik choo ēēchēēn kārkēēyinoonēē kiimwoorēy :Yēēsu, kusōwu kilē kiimii kung'āloolēē akwaaneek. Kiimārēy kunam Yēēsu nkōō yoonēē, wōloo nyuun kuuwar āmu kii chaang' piich.

20 Kiiyooytō nyuun :kāāntōōy chēpō Yāwuutik yōōt kupa wōloo mii :Yēēsu. Kii-ir keey :pichoochēē piich choo kāroomēēn aku kiimārēy kilē sikunyōōru ng'ālyoon nyaa ra nyoo mwoochinii pāytooyiintoo Rooma sikumwaarta /keenam Yēēsu.

21 Kilēēchi :yōōtiichoochēē Yēēsu, “Koonēētiin, kiinkēt kilē ing'āloolēy akiinēētēy tukun chēpō man, ākii-āpēy piich tōkōl ku karkeeyiituuy akiinēētēy piich kisōwu kiyoo mārēy :Iriin mu oor nyēpō man. 22 Chamaat kēēkwārchii *Kayisaari *kōōti ntā machamaat?”

23 Kisōwu :Yēēsu kilē kimii :pichoochēē kuutyāmēy inyeentee. Kumwoochi nyuun kilē, 24 “Āng'uutwoon kee rōōpiyoon.” /Kēēng'uuti. Paani keero :Yēēsu rōōpiyoontoonoonēē, kuteep yōōtiichoochēē kilē, “Pō ng'oo :itōōni ākōō kaarinee :nyi mii rōōpiyoontooni?” Kuwālchi :pichoochēē kilē, “Pō *Kayisaari.” 25 Kumwoochi :Yēēsu kilē, “Ātēē nyuun *Kayisaari chaachiich, ātō Iriin chaachiich.”^a

26 Kinam kuut pichoochēē :kiyoo kiimwa :Yēēsu. Kupēti nyuun pichoochēē :wōloo kiimuukēy kunamta Yēēsu kuurōōtēy :piich.

27 Nēē mii lētuun, kupkoonchi Yēēsu *:Satukaay walak. Kiirānēy :pichoochēē kilē /mākuung'ēētēē piich meerat. 28 Kuteepa :pichoochēē Yēēsu kilē, “Koonēētiin, kiisirweech *:Muusa ng'ātuut nyoo mwoorēy kilē nēē ma :chiich akumētō cheepyooseenyiin kitoomō kunāmchi laakwa, kumilēy :wēēriing'waang', akunāmchi laakōōy choo /kukuurtēērēē wēēriing'waang' :nyi kiima. 29 Kiimii nyuun :chiich aka kēny nyoo kiiting'ēy wēēchiichiich tisap. Kwoopiisyō :kipooreet akima kimaanam laakwa. 30 Kumil :wēērii nyēpō ārēēny cheepyoosoonoonēē amanyōōru kir. 31 Kutuup :wēērii nyēpō sōmōk kumil amanyōōru laakwa. Ki-ira kilēē nyoonēē ākōy kuuwoong'u keey :wēēchoochēē lēē tisap amaanam laakōōy. 32 Nēē mii lētuun, kima :cheepyoosoonoonēē. 33 Mwoorwēēch kee, poyiituuy ng'oo :cheepyoosoonoonēē paani kāng'ēētyēērō :pichoochēē tōkōl meerat, āmu pō man kilē kiiku-āp :pichoochēē tōkōl cheepyoosoonoonēē?”

34 Kuwālchi :Yēēsu kilē, “Murēn ākōō chēēpyōōsōōy chēpō ng'wēny ku-āpēy keey. 35 Ki nēē lēē murēn ākōō chēēpyōōsōōy choo kaakung'ēētyēērō meerat akuyāmēy kupa kipsēnkwēt, ku mēēlē tāku-āpēy keey kuureer. 36 Maakumēērsōōt mpō kuureer āmu kārkēyiituuy ākōō *malaykeen. Laakōōpō Iriin :akwaaneek, āmu, kiikuung'ēētyēērō meerat.”

37 Kitas taay :Yēēsu kumwoochi pichoochēē kilē, “Kiing'uutu *:Muusa nkōō siruutēchiich kilē ng'ēētsōōt piich choo kiikumēērō. Paani kiinyōōruuy *:Muusa Iriin nkōō taayuu saamuurta nyoo kiimii ma akimalar, ku kiimwa kilē Iriin ku ‘Iriintoo *Apraam, Isaka ākōō Chaakōp.’ 38 Ma Iriintoo piich choo kiikumēērō, aku pō choo sāpyootēēn. Āmu nkōō :inyeentee, ku sāpyootēēn piichiich tōkōl.”

39 Kilē :koonēēt walak chēpō ng'ātuut, “Kēēwālu nyaa karaam, koonēētiin.” 40 Moomii :chiich nyoo kiitakuteep Yēēsu ng'ālyoon aka tōkōl.

41 Kuteep :Yēēsu pichoochēē kilē, “Āmu nee /sikēēmwoorēy kilē chōōnēē *:Meesaaya kōpō Tāwuti? 42 Mwoorēy :Tāwuti inyeentee nkōō kiitapuu Tuumwēy chēpō Kāāloosunō kilē,

44 Kunyuun oo, nēē kuurēy :Tāwuti inyeentee kilē ‘Kiptaayaanteenyuun’ kuumuukēē kilē nee /keemwa kilē chōōnēē *:Meesaaya kōpō Tāwuti?”

45 Paani kitākumii :piich tōkōl kutēērēy kiyoo kiimwoorēy :Yēēsu, kumwoochi :Yēēsu kiineetanichiich kilē, 46 “Āriipēē keey koonēēt chēpō ng'ātuut choo chāmēy kuulookēy sirōōy choo koorēēn akumārēy /kēētookwēēsēy nkōō koonyit nkōō wōloo mii :piich chaa chaang'. Kiicham :pichu kulēwēnēy ng'achareen chēpō taay mu sinakōōkiin akumwērchinii :pichu ng'achareen chēpō koonyit mu kaaptuum. 47 Mēlmēēlēy :pichu chēēpyōōsōōy choo lēē mōsōōk takusaree tukuukwaak, aku sooyēy ku-irtooy keey kilē kāroomō. Tilchinii :Iriin kiirwook pichu nyaa ng'waan kusiir nyēpō chiich aka tōkōl.”