Kuu-iilēy :Maaryaa kēēlyēēpō Yēēsu
12
1 Kii nēē ng'ētu pērēētuus choo lēē lo siku-it tuum nyēpō *Pasaka, kuwō :Yēēsu Peetannya wōloo kiimāng'ēy :Lasaaro, chiichi kiing'eeta :Yēēsu meerat. 2 /Kiikupay Yēēsu ākōō kiineetanichiich nkōō wōloonēē. Kii Marta :nyi kiipāyēy pichoochēē. Kyoomiisyō :Lasaaro mpō ākōō pichoochēē. 3 Kunam :Maaryaa mwaar nyoo kiing'uutooy nyaa anyiny /ākiiku-ālēē rōōpiyō chaa chaang'. Kiroonchi mwaaroonēē kēēlyēēpō Yēēsu, akuupuukō kēēlyēēchoochēē puutēchiich. King'uutō :mwaaroonēē kuyāmu koot tōkōl. 4 Kimwa :Chuutaas Iskaryoot nyoo kii ākoong'o nyēpō kiineetanik (nyoo kiiwō ku-āltooy Yēēsu) kilē, 5 “Kālē nee /maku-alteeree mwaari rōōpiyō chaa chaang' /ākēētē mēēy rōōpiyēēk?” 6 Mēēlē kiimwoorēy :chiichoonēē kilēē nyoonēē āmu kiiriirēē mēēy. Kiimwoorēy kipaat kilēē nyoonēē āmu kii chōōriin :inyeentee. Kiicham ku-āpootēy saapaa rōōpiyō akichōōrēy rōōpiyēēk. 7 Kimwa :Yēēsu kilē, “Mētēē cheepyoosoonoonēē kuusiintō mwaarta nyoo ng'ātuunoot /sikee-iileenaan paani /kutupoon. 8 Āmiikwaan nkōō mēēy pērēētuu aka tōkōl, amēēlē āmii nkōō aneen ākōy.”/Kēēchēpēy /keekeet mpō Lasaaro
9 Paani kateer :piich chaa chaang' kilē kiimii :Yēēsu Peetannya, kupka kuurō Yēēsu ākōō mpō Lasaaro nyi kiing'eetee :Yēēsu meerat. 10 Kichēp *tisiik choo ēēchēēn kuukeet mpō Lasaaro. 11 Kii-ir kilēē nyoonēē akipō kiyi /kiiku-irchi Lasaaro. Kii-ir :ng'ālyoontooni kupeera :piich chaa chaang' woloo mii :kāāntōōy chēpō Yāwuutik kupa wōloo mii :Yēēsu akuuran inyeentee.
/Kēētookēy Yēēsu nkōō Chēērusālēēm kilēē pāytooyiin
12 Nēē mii pērēētuu nyi kiituupēy, kiteer :piich chaang' choo kiipka *Tuumpō Pasaka kilē kiimii :Yēēsu kuchōōnēy Chēērusālēēm. 13 Kunam :pichoochēē sāk chēpō sōōs akutorooyta Yēēsu, kumwoorootēy nkōō kuut nyoo ōōw kilē,
“Ōōsaana!a
Pēēruuroot :chiich nyoo chōōnēy
nkōō kaarinaa Iriin.
Pēēruuroot :Pāytooyiintoo *Israayeel.”†
14 Kinyōōru :Yēēsu waawaa sikiryō, kulaang' akuwēērō kilēē paani mwoorēy :siruut chēpō Iriin kilē,
15 “Moowāriisyō, :pichu pō *Saayoon.b
Ānyi :Pāytooyiintēēng'woong'
mii kuchōōnēē waawaa sikiryō.”†
16 Kiimoosōwu nkōō yoonēē :kiineetanichiich kiyi kiimii ku-irēē paanoonēē. Kii nēē wō kung'eet :Yēēsu kuwō kipsēnkwēt, kusōwu :kiineetanichoochēē kiyi kiimwoorēy :siruut chēpō Iriin akipō Yēēsu. 17 Kupa ku-amtaata :piich choo kiiro kuung'ēētēē :Yēēsu Lasaaro meerat ng'aleechoochēē. 18 Kiyoonēē nyi kii-ir :piich chaa chaang' kuutorooyta Yēēsu āmu kiikiiku-ir :Yēēsu ng'ālyoon nyēpō kwōng'uut. 19 Kumwoochi keey *:Parisaay kilē, “Kaaroo kilē moomii kir aka tōkōl nyoo kaku-ir! Aroo kee, mii :piich tōkōl kutuupēy inyeentee!”
Kung'āloolēē :Yēēsu meereenyiin
20 Kiimii :Yāwuutik walak choo kiing'āloolēy kuutii Kirik choo kiikiipka Chēērusālēēm kipa ku-am *Tuumpō Pasaka. 21 Kipa :Kirikichoochēē kunyōōru Pilip nyoo kiipō Peetsaayta nkōō kōōroo Kalilaaya akumwoochi kilē, “Nyoo koonyitoot, kumārēy keeroo Yēēsu.” 22 Kuwō :Pilip kumwoochi Antereeya, akupa :tōkōl kipa kumwoochi Yēēsu. 23 Kilēēchi :Yēēsu pichoochēē, “Kaaku-itu nyuun saayitiini /kiitōrōōrēy *Wēēroo Chiich. 24 Āmwoorwook man kilē nēē māchinchi :kōsuryoontō ng'wēny akima, kung'ātuuy inyeentee ākityōōn. Ku nēē ma, kunāmēy par chaa chaang'. 25 Nyoo chāmēy sopoon nyēpō kōōrooni, kuupootēy *sopoon nyēpō ākōy. Ku nyoo kēētētō sopoontanyiin mu kōōrooni akipō aneen, kunyōōruuy *sopoon nyēpō ākōy. 26 Chiich nyoo mārēy ku-irwaan pāyit ku mārēy kutuupan, āmu kipāyityoonteenyuun kumārēy kumii ākōō aneen saayit aka tōkōl. Koonyitēy :Paapeenyuun chiich nyoo irwoon pāyit.
27 Iimēy keey sopoontonyuun. Amwaa nee? Ālē, ‘Apoo, sāruunēēnoon nyarili mii kuchōōnchinoon?’ Acha sōō! Kyoochōōn akipō ng'aleechu. 28 Paapa, kanya kutōrōriit kaarinēēng'uung'.” Kuchōōnō :kuut parak nyoo kiimwoorēy kilē, “Kyootōrōōr, aku tootōrōōrēy kuureer.” 29 Paani kateer :piich choo kiiryoonchēērēē yoonēē kuutiinoonēē, kumwa :walak kilē, “Kātul :iilat.” Kilē :walak, “Kāng'āloolchi *:malayiika chiichi.” 30 Kumwoochi :Yēēsu pichoochēē kilē, “Māpootoon :ng'aleechoochēē /kākumwooru, pootook. 31 Kaaku-iti yoo /kuurwoochinii piich chēpō ng'wēny. /Kumiltooy nyuun paannyēēnyi *Syeetaani pāytooyiintoo ng'wēny. 32 Nēē /kuukarkaatan nkōō ng'wēny, ā-iswaa piich tōkōl kupka wōli āmii.” 33 Kimwoorēy :Yēēsu kilēē nyoonēē, ku kiing'uutuuy wōloo lēē meerat nyoo kiiwō kunyōōruuy. 34 Kilēēchi :piich Yēēsu, “Mwoorwēēch :siruut kilē māng'iisyēy *:Meesaaya ākōy. Ku nēē nyi imwoorēy kilē /kiitōrōōrēy *Wēēroo Chiich kung'eetee ng'wēny? Ng'oo :chiichoonēē lēē *Wēēroo Chiich?” 35 Kumwoochi :Yēēsu pichoochēē kilē, “Toomiikwaan ākōō lēpooyin pērēētuus choo ng'ērin. Āmāng'iisyēē nkōō lēpooyintonoonēē kutooting'ēy simēēpēlook :tuurin. Mēēnkēt :chiich nyoo mii tuurin wōli wēētii. 36 Nēē tākumii :lēpooyini nkōō ākwoonēēk, ku maraat arana lēpooyinoonēē soolēkuu laakōōpō lēpooyin.” Paani keewaang' :Yēēsu kumwoorēy ng'aleechoochēē kuwō kuwung'a keey akwaaneek.
Maaran :piich chaa chaang' Yēēsu
37 Mpō paani kiikiiku-ir :Yēēsu ng'al chaa chaang' chēpō kwōng'uut nkōō taayuu piich, kutay :pichoochēē kuuran Yēēsu. 38 Paani kii-ira kilēē :nyoonēē kilēku man kiyoo kiimwoorēy *:ōōrkooyoontoo Iriin *Isaaya kilē,
“Iriintooni, mii :ng'oo nyoo kaakuuran lōkōōyichu kiikumwaarta?
Ntā mii ng'oo nyoo kiikusōwu kaamuukēēng'uung'?”†
39 Kiimaaran :pichoochēē Yēēsu kilēē paani kiimwooru :Iriin kupunuunō *Isaaya kilē,
40 “Kyaa-ir :aneen ku kōryo :koonyiikwaak
akaa-ir kuyoomō :mētēwēyiikwaak.
Tāmāmārārteera koonyiikwaak,
ntā kisōwu nkōō mētēwēyiikwaak,
simāwāliisyō kupka wōli āmii
soosoop akwaaneek.Ӡ
41 Kiimwa *:Isaaya ng'aleechu āmu kiikiikuuro tōrōōrinpō *:Meesaaya akung'alaala. 42 Mpō ntā kiilēē nyoonēē, ku kiiran :piich chaa chaang' nkōō mpō kāāntōōy walak chēpō Yāwuutik kilē Yēēsu ku *Meesaaya. Aku āmu kiiwārēy :pichoochēē *Parisaay, ku kiimāng'āloolēē :akwaaneek ng'aleechoochēē nkōō taayuu piich /simakukarta saang' nkōō *sinakōōki. 43 Kii-ir kāāntōōyiichoochēē kilēē nyoonēē āmu kiichāmēy nēē loosu :piich akwaaneek kusiir kuuloosu :Iriin.
/Kuurwoochinii piich choo mēērānēy Yēēsu
44 Kimwa :Yēēsu nkōō kuut nyoo ōōw kilē, “Chiich nyoo keeranan, kumēēlē keeranan ākityōōn, keeran mpō Apoo nyoo kiiyookwoon. 45 Chiich nyoo kaakuurootan ku kaakuuro mpō Apoo nyoo kiiyookwoon. 46 Kyoochōōn ng'wēny āchookōōnu lēpooyin simāng'ētuunō tuurin :chiich aka tōkōl nyoo rānoon. 47 Chiich aka tōkōl nyoo tēērēy ng'aleechuuch amēēkoonyitēy ng'aleechoochēē, ku moorwoochinaa chiichoonēē. Mēēlē kyoochōōnēy toorwoochi piich chēpō ng'wēny, aku kyoochōōn āsāru. 48 Chiich nyoo katayan, akutay ng'aleechuuch /kēērwoochinii. Ng'aleechu kyoomwooraa chu rwoochinii chiichoonēē pērēētuuni pō lēt. 49 Āmwooraa kilēē nyoonēē āmu ng'aleechu āmwooraa ku mēēlē ng'al choo āpkootēēyaa mētinyuun kipaat, Apoo nyoo kiiyookwoon nyoo kiimwoorwoon ng'aleechu āmwoorēy. 50 Ākoonkēt :aneen kilē :Apoo nyi kiimwoorwoon amwa ng'aleechu ku kōōnuuy *sopoon nyēpō ākōy. Kunyuun, kir aka tōkōl nyoo āmwooraa ku kir nyoo kimwoorwoon :Paapaan amwa.”