Kikirēy :Yēēsu piich kiriipō keey Parisaay ākōō koonēēt chēpō ng'ātuut
23
1 Kumwoochi :Yēēsu kiineetanichiich nkōō piich chaa chaang' kilē, 2 “Nēētēy :koonēēt chēpō ng'ātuut ākōō *Parisaayiik ng'ātuut chēpō *Muusa. 3 Atuupa kir aka tōkōl nyoo keeneetaak. Aku nyuun, amaa-ir tukun choo irēy :akwaaneek āmu mā-irēy :pichoochēē kilēē āti nēētēy. 4 Kālāpchinii :pichu piich walak tukun choo nyikiisēēn pātoor amāmārēy :akwaaneek kukasan mpō kiitēēn.5 Kir aka tōkōl nyoo irēy :pichoochēē, ku-irēy kilē sikuurō :piich kilē chāmēy :akwaaneek ng'ālyoontoo Iriin. Sirchinii :pichoochēē siruut chēpō Iriin pōōkistiin choo ēēchēēn kusiir chēpō piich walak akurāti tokoochiikwaak ākōō ēēruunēkwaak. Rātinii mpō sirōōkwaak kaapkēēlyēn tasiimōōy choo koorēēn kusiir chēpō piich tōkōl sikung'uutu kilē sooyēy kusiir piich tōkōl. 6 Chāmēy :pichoochēē kutēpiisōōt ng'achareen chēpō piich choo /koonyitoot nkōō kaaptuum ākōō ng'achareen chēpō taay nkōō sinakōōkiin. 7 Chāmēy /kēētookwēēsēy nkōō koonyit nkōō wōloo mii :piich chaa chaang' akicham /kēēkuurēy kilē ‘Koonēētiin.’
8 Maakany /kēēkuurook kilē ‘Koonēēt’ āmu mii koonēētiin ākoong'o kipaat nyoo āting'ēy akaakarkeey :akwaan nkōō piich choo tuupchō. 9 Āmookuur chiich nkōō ng'wēny kilē, ‘Paapa,’ āmu āting'ēy Paapa ākoong'o nyoo mii kipsēnkwēt. 10 Amaacham kukuurook :chiich kilē ‘kāāntōōyiin,’ āmu āting'ēy Kāāntōōyiin ākoong'o aku nyoonēē ku *Meesaaya. 11 Chiich nyoo pāytooyook ku lēkuuy kipāyityoontēēng'woong'. 12 Chiich nyoo tōrōōrēy keey /kēēmining'iitēy, ku nyoo mining'iitēy keey, /kēētōrōōrēy.”
Kuupkoong'ēy :Yēēsu Parisaay ākōō koonēēt chēpō ng'ātuut
13 Kitas taay :Yēēsu kumwa kilē, “Ōchēy :akwaan koonēēt chēpō ng'ātuut ākōō *Parisaayiik! Ng'uurichu! Ākārēē keey kurkat nyoo wēētii Pāyuunātoo Iriin simachuut :piich walak āmoochuutēy mpō :ākwoonēēk.a
15 Ōchēy :akwaan koonēēt chēpō ng'ātuut ākōō *Parisaayiik! Ng'uurichu! Āmānootēērēē wōltō aka tōkōl kilē soonyōōru mpō chiich ākoong'o nyoo keeranaak. Aku nēē koonyōōru, a-ir chiichoonēē kilēku :kipng'ōōkiyoon āsip ārēēny kusiir akwaan!
16 Ōchēy :akwaan piich choo āntōrōōrchinii piich walak! Akarkee :akwaan nkōō kipkorootiin. Ānēētēy kilē, ‘Nēē sirpēn :chiich nkōō kaarinaa *Kōpō Iriin, ku moomii :ng'ālyoon. Ku nēē sirpēn nyuun nkōō kaarinaa ta-aapu nyoo mii *Kōpō Iriin, kunāmēy muumeechiich.’ 17 Kipkorootiinēchu, lēē sālwēy! Nyōōnō nyoo ōōw kusiir aka: ta-aapu ntā *Kōpō Iriin nyi irēy ta-aapu kutililiit? 18 Ānēētēy mpō kilē, ‘Nēē sirpēn :chiich nkōō kaarinaa kaapkōrōs nyēpō *Kōpō Iriin, ku moomii :ng'ālyoon. Ku nēē sirpēnō kir nyoo mii kaapkōrōs, kunāmēy :muumeechiich.’ 19 Akwaan kōryootēēn nyaa tyaan kēny! Nyōōnō nyoo ōōw kusiir aka: kir nyoo mii kaapkōrōs ntā kaapkōrōs nyi irēy kiyi mii kaapkōrōs kutililiit? 20 Kunyuun, chiich nyoo sirpēnēy nkōō kaarinaa kaapkōrōs, ku kaakusirpēnō kaapkōrōs nkōō kir aka tōkōl nyoo mii kaapkōrōsuunoonēē. 21 Ku chiich aka tōkōl nyoo sirpēnēē *Kōpō Iriin, ku kaakusirpēnō kaarinaa Iriin nyoo māng'ēy kipsēnkwēt. 22 Chiich nyoo sirpēnēē kipsēnkwēt, ku kaakusirpēnō ng'acharaa Iriin nyēpō pāyuunāt nkōō inyeentee nyoo tēpēē ng'acharaanoonēē.”
23 Kitas taay :Yēēsu kumwa kilē, “Ōchēy :akwaan koonēēt chēpō ng'ātuut ākōō *Parisaayiik! Ng'uurichu! Ātēnii Iriin kareeran nyēpō taman nyēpō tukun choo pkoonēē paraatineekwook, amootuupēy ng'ātuut chēpō koomānuut. Choochēē ku a-ir ng'al chēpō man, ariiree piich ākootiirēē keey Iriin. Karaam a-ira tukuuchu amoopistō mpō choocho walak. 24 Kipkorootiinēchu lēē kāāntōōy! Ākēnēnēy kaalyaang' choo mii pēr akaalukurta tamas! 25 Ōchēy :akwaan koonēēt chēpō ng'ātuut ākōō *Parisaayik! Ng'uurichu! Ā-uunēy kikoompa ākōō saani saang' aku ōōw simnyoon or. 26 Kipkorootiinēchu! Ā-uunō kipōk kikoompee or sikutililiit mpō wōlipō saang'.
27 Ōchēy :akwaan koonēēt chēpō ng'ātuut ākōō *Parisaayik! Ng'uurichu! Akarkee :akwaan nkōō kēpēnoot choo /kikuu-il kurēēliituuy choo tookuuy nkōō saang' kilē kāroomō aku nyiraat :koowēy chēpō piich choo kiikumēērō ākōō tukun tōkōl chaa raacheen. 28 Akarkee :akwaan nkōō kēpēnootiichoochēē āmu nēē /kuurōōtook, ku ālēēkwaan piich choo kāroomēēn aku nyuun, nkōō or, ku akwaan ng'uur ākōō kipng'ōōkiis.”
29 Kitas taay :Yēēsu kumwa kilē, “Ōchēy :akwaan koonēēt chēpō ng'ātuut ākōō *Parisaayiik! Ng'uurichu! Ātēēchinii *ōōrkooy chēpō kēny kēpēnoot choo kāroomēēn ākoosil chēpō piich choo kāroomēēn. 30 Ākoomwoorēy kilē, ‘Ntā kiikumii ng'wēny nkōō pērēētuusyēpō mpō kuukō, ntā kiimākiroontooy :achaan kērētiipō *ōōrkooy kilēē akwaaneek.’ 31 Āmu āmwoorēy kilē kii :kuukotiinēkwook pichoochēē, ku akarkeey :akwaan nkōō mpō kuukotiinēkwook. 32 Atasa nyuun taay, awaang' kiyi kitoowu kuukotiinēkwook! 33 Kipaang'ōōchu! Āmuukēy achirilta ānō kimaapa ma nyēpō ākōy? 34 Āyookwook nyuun *ōōrkooy, ākōō piich choo ng'ōrōōmēēn, ākōō koonēēt. Ākēētēēkwaan nyuun walak, āpārchi kimurtooyiin walak, alap walak mu sinakōōkiin ākoo-us walak mu kēēstoonikwook. 35 Nka nyi ānyōōruuy siitēt akipō piich tōkōl chēpō man choo /kikupar kilēēn, kung'eetee Āpēēli ākōy Sakaryaa wēēroo Parakyaa nyoo /kiikupārchi kwēēnuu *Kōpō Iriin nkōō yoo kipēēlēē kōrōs. 36 Āmwoorwook man kilē, nyōōrwook sitooni akwaan ākōō piich choo lēē akwaan.”
Kiriirchinii :Yēēsu Chēērusālēēm
37 “Wuuyēy Chēērusālēēm, Chēērusālēēm wēē! Ikēētēy *ōōrkooy akiiwiirēē korin piich choo kēēyookuun :Iriin kilē kusāruun! Kyaatyam āsip chaa chaang' kilē arum piikuuk kilēē wōloo rumtooy :nkokyo waareechiich kuchuut kapapayiichiich, kimeekanyaan a-ir kilēē nyoonēē. 38 /Kaakēēmētō koong'woong' akiikulēku kiraatyaan. 39 Ākoomwoorwook man kilē, kung'eetee aniinee kitas taay mātoorōōtoon kuureer, ākōy amwaa kilē, ‘Pēēruuroot :nyoo chōōnēy nkōō kaarinaa Iriin.’† ”