Āwāliisyēē nkōō rāyiityō
13
1 Kupkoonchi :piich walak Yēēsu akumwoochi kilē, “Kiipar *:Pilaato piipō Kalilaaya walak paani kiimii kupēēlēy kōrōs nkōō *Kōpō Iriin nkōō Chēērusālēēm.” 2 Kuteepa :Yēēsu pichoochēē kilē, “Āpkootēy :akwaan kilē kiiting'ēy :pichoochēē ng'ōōki chaa chaang' kusiir piipō Kalilaaya walak? Ara :kiyoonēē sōō nyoo ki-ir /sikeepar? 3 Acha! Mālēē nyoonēē. Aku nyuun nēē moowāliisyō, ārookēy tōkōl. 4 Ki nēē lēē pichoochēē kii lēē taman nkōō sisiit choo kiiruulchi :kō nyaa koor nkōō Siloowaam akusyap kuukeet, apkotēēkwaan kilē kiiting'ēy :pichoochēē ng'ōōki chaa chaang' kusiir piich tōkōl nkōō Chēērusālēēm? 5 Acha! Mālēē nyoonēē. Ākoomwoorwook nyuun kilē nēē moowāliisyō ākoomētō ng'ōōkikwook, ku puch āmu ārookēy tōkōl.”6 Kumwoochi :Yēēsu pichoochēē kārkēēyin kilē, “Kiimii :chiich nyoo kiiting'ēy *mookāng'wō nkōō pareenyiin. Kuwō :chiichoonēē kuwas lokorēēpō kēētoonēē, kimaakinyōōru mpō ākoong'o.
7 Paani moonyōōru :chiichoonēē pō :paraanoonēē lokoreepō mookāng'woonoonēē, kumwoochi chiich nyoo kipāytooy paraanoonēē kilē, ‘Kēnyii nyēpō sōmōk :nyēēnyi ārōōtēy kēēti, āmoorōōtēy kunāmēy kir. Yaptee āmu pō nee kupiit aku-am nyung'wēny amānāmēy lokor?’ 8 Kuwālchi :chiichi kiipāytooy paraanoonēē kilē, ‘Mōkōryoontooni, kanya /tākēēriip kēnyiinnyēēnyi ākityōōn! Āmārēy āpiti rātākwō, āroonchi sikē akooriip nkōō oor nyaa karaam. 9 Ku nēē nam kēētit lokor kēnyiini chōōnēy, ku karaam, ku nēē manam, iyapta!’ ”
Kuusoopēy :Yēēsu cheepyooso nkōō pērēētuu Sapaato
10 Kiimii kuunēētiisyēy :Yēēsu āsip ākoong'o nkōō pērēētuu *Sapaato mu *sinakōōki. 11 Kimii :cheepyooso aka kōyoonēē nyoo kiiting'ēy kēnyiis taman nkōō sisiit nyoo kimaakuumuukēy kuuryoong' ku karaam āmu kiiting'ēy *toomirmiir nyaa ra.
12 Paani keero :Yēēsu cheepyoosoonoonēē, kukuur kuchō taay akumwoochi kilē, “Cheepyoosooni, /kaakeetyaaytaareeniin kōrōōyi iting'ēy!” 13 Kuukoortō :Yēēsu ēēruunyiin kutiing'ō cheepyoosoonoonēē. Kuuryoong' :cheepyoosoonoonēē kilē weel akuuloosu Iriin kumwoochinii kōōnkēy. 14 Kinyala :pāytooyiintoo sinakōōkiinoonēē āmu kiisoop :Yēēsu cheepyoosoonoonēē nkōō pērēētuu *Sapaato. Kimwoochi piich kilē, “Mii :pērēētuus choo lēē lo choo /ku-irēē pāyit. Pērēētuusyēchoochēē choo mārēy āpkoonēy keepa /kēēsoopook. Āmoolē pērēētuu *Sapaato nyi /kiisoopēē piich.” 15 Paani keewaang' kumwoorēy kilēē nyoonēē, kuwālchi :Yēēsu kilē, “Akwaan ng'uuriichu! Nku ā-irēēkwaan mpō pāyit nkōō pērēētuu *Sapaato! Āmārēy ateepaak kilē, mootyookēy tuukwook ntā ku sikirēyiikwook akaalapta kipa pēr nkōō pērēētuu *Sapaato? 16 Kiikiikurat *:Syeetaani cheepyoosooni nkōō kēnyiis taman nkōō sisiit. Aku kaakutiirō keey nyuun :cheepyoosooni Iriin kilēē paani kiitiirēē keey Apraam. Ara kaa-ir :aneen ng'ālyoon nyaa ra atyaayta nkōō pērēētuu *Sapaato?”
17 Ki nēē walta :Yēēsu kilēē nyoonēē, kuuliil kir :puunichiich. Kipāypāyiituuy :piich tōkōl akipō tukun chēpō kwōng'uut choo ki-ir :Yēēsu.
Kārkēēyin nyēpō kāsuryoontoo aritaali ākōō kimeera
Mataayo 13:31-33; Maarkō 4:30-32
18 Kimwoochi :Yēēsu piich kilē, “Karkeey :Pāyuunātoo Iriin nkōō nee? Aku ātēēnō nee? 19 Akanya āmwoorwook, karkeey :Pāyuunātoo Iriin nkōō kāsuryoontoo *aritaali nyoo kiiwō kitōōti :chiich pareenyiin. Paani kapiit :kāsuryoontooni, ku-ōōwiit kutēēchi :tāriit kooriikwaak tāmoorichiich.”
20 Kuureer kimwoochi :Yēēsu piich kilē, “Ātēēnō nee :Pāyunātoo Iriin? 21 Lēē ātoo kanam :cheepyooso *kimeera akuuwaar nkōō pusya chaa chaang' kuti kuutu.”
Mariik aree nyoo wēētii kipsēnkwēt
22 Nēē mii lētuun, kupuntoorō :Yēēsu māng'oot nkōō kēēstoon kuunēētootēy piich kutāchinii keey Chēērusālēēm.
23 Kuteep :chiich aka Yēēsu kilē, “Kiptaayaantaani, sāruuy sōō :Iriin piich choo ng'ērin kipaat?” Kiwālchi :Yēēsu kilē, 24 “Ākiilō keey āpuntoorēē kurkee nyoo mariik nyoo wēētii kipsēnkwēt. Āmwoorwook kilē chaang' :piich choo wāsēy kupuntoorō kurkaanoonēē aku mānyōōruuy. 25 Paani kaakukar :chiitaa koot kurkee, āng'ēētiisyō kilē, ‘Kiptaayaan, yootwēēch kurkee.’ Mwoorwook nyuun kilē, ‘Moonkēt, wōloo āpkoonēē.’ 26 Awalta nyuun kilē, ‘Kiikyoomiisyō ākēērēēsyō nkōō inyēēn, akiinēētiisyō nkōō kōōrēēnyoon!’ 27 Mwooruuy :Kiptaayaan kilē, ‘Moonkētook, āpēēchi keey, akwaan kipng'ōōkiin!’ 28 Āriirsōōt akaanyar keelat paani kaaroo *Apraam, Isaka, Chaakōp ākōō *ōōrkooy chēpō Iriin tōkōl kimii pāyuunātoo Iriin /ākēēkārchook saang'. 29 Pkoonēē :piich kāmōōs tōkōl chēpō ng'wēny kipa kutēpi aku-āmiisyō nkōō pāyuunātoo :Iriin. 30 Chēpō lēt kulēkuuy chēpō taay, ku chēpō taay kulēkuuy chēpō lēt.”
Kiriirchinii :Yēēsu Chēērusālēēm
31 Nyoo matyaan, kupkoonchi *:Parisaayiik walak Yēēsu akumwoochi kilē, “Nēē mārēy isop, ing'eetee yēēnyi akiiwēēchi keey, āmu mii *:Ērōōtē kuwāsiin takuukeetin.”
32 Kuwālchi :Yēēsu Parisaayiichoochēē kilē, “Apee āmwoochii reeloonēē kilē, ‘Tootāsaa taay āpkoontooy *toomirmiirēy chaa raacheen akoomii āsoopēy piich aniinee ākōō āsuun, ku nēē mii pērēētuu nyēpō sōmōk awaang' :aneen pāyiisyeenyuun.’ 33 Man kilē āwēētii Chēērusālēēm akaatas taay nkōō pāyiisyeenyuun aniinee, āsuun ākōō kōyooriin. Man mēērookēē kumēērchinii *:ōōrkooyoontoo Iriin ārii aka tōkōl nēē mā Chēērusālēēm.
34 Wuuyēy Chēērusālēēm, Chēērusālēēm wēē! Ikēētēy *ōōrkooy akiiwiirēē korin piich choo kēēyookuun :Iriin kilē kusāruun! Kyaatyam āsip chaa chaang' kilē arum piikuuk kilēē wōloo rumtooy :nkokyo waareechiich kuchuut kapapayiichiich, kimeekanyaan a-ir kilēē nyoonēē. 35 /Kaakēēmētō koong'woong' ākoomwoorwook kilē kung'eetee aniinee kitas taay mātoorōōtoon, ākōy amwaa kilē, ‘Pēēruuroot :nyoo chōōnēy mu kaarinaa Iriin.’† ”