Kuuyooytooy :Yēēsu kiineetanichiich tāmānwook tisap
10
1 Nēē mii lētuun, kukwar :Yēēsu kiineetanik walak choo lēē tamanwook tisapa akusip kuuyooytō kuuntoroorteera inyeentee. Kikany kupeera ārēēny ārēēny paani mii kupēētii māng'oot ākōō kōōrootin tōkōl choo kiikiikuchēp :inyeentee kilē wēētii lētuun.2 Kutoomō kupa *:kāāyooytooyiik, kuuyoomiis :Yēēsu kilē, “Ōōw :kaswee, ku ng'ērin :kāsiik. Kunyuun, āsoomō kutāsu :Chiipō paree kāsiik walak.
3 Apee! Akarkee :akwaan nkōō waareepō kēēchiir choo mii kwēēnuu rēēlwēy. 4 Āmēē-āp :chiich rōōpiyō, saap ntā ku kwēēr, āmoorēēmootō keey nkōō aree ātookwēēsootēy piich.”
5 Kitas taay kumwoochi kilē, “Nēē a-it kaaw aka tōkōl, āpēēruur kupōk piich chēpō kaayoonēē kilē, ‘Kunyōōru :kaayi kaalya!’ 6 Nēē mii :chiich kaayoonēē nyoo lēē tala, kunyōōru pēēruur. Ku nēē moomii :chiich nyoo tala ku moomii pēēruur nyoo nyōōruuy.
7 Ātēpi kaaw ākoong'o ā-āmēy ākoorēēy kir nyoo /kākukōōnook. Āmooluumootō koorin chaa chaang' āmu yāmēy kipāyityoon /kēētē mālāktanyiin.
8 Nēē apa māng'oot aka tōkōl akutaakaak :piich chēpō māng'ootonoonēē, a-am kir aka tōkōl nyoo kākōōnook. 9 Āsoop choo mnyoonchootēēn, ākoomwoochi piich kilē, ‘Kaakuriichook :Pāyuunātoo Iriin.’
10 Ku nēē apa māng'oot aka tōkōl akutay :piich chēpō māng'ootonoonēē kutaakaak, āng'ēētyō ākoopēēchi keey. Aku paani āmii āpēētii āmwoochi piich chēpō māng'ootonoonēē kilē, 11 ‘Kipārtoowook tēērit nyēpō kōōrēēng'woong' nyi mii kēēlyēēchooch soopkootēy kilē chookwook ng'ōōkiikwook. Akaapkaat nyuun kilē kaakuriiku :Pāyuunātoo Iriin.’ 12 Āmwoorwook man kilē ng'woonchinii pichoochēē pō kōōroonoonēē kusiir ng'woonin nyoo kiinyōōru :piich chēpō Sotom nkōō pērēētuuni tilchinii :Iriin piich kirwook.”
Ng'woonin nyoo nyōōruuy :kōōrootinā choo maaran Yēēsu
13 Kitas taay :Yēēsu kumwa kilē, “Ōchēy pichu pō Koorasiin nkōō Peetsaayta! Tyaan, :ng'woonin nyoo mii kukānyoonwook. Ntā kii piich chēpō Tiirō ntā ku chēpō Siitōn chu /kiiku-irchi ng'aleechoochēē pō kwōng'uut kiiku-irwaak, tākiikuwāliisyō kēny. Tākiikuulaak maaraareen akutēpi areen kung'uutu kilē kiikuwāliisyō nkōō rāyiityō nyoo kiiting'ēy. 14 Lēyyē, ānyōōruuy siitēt nyoo siirēy nyoo nyōōruuy :piich chēpō Tiirō ākōō Siitōn paani tilchinii :Iriin kiirwook piich.
15 Akwaan :pichu pō Kaaparnaam, āpkootēy kilē āpēētii kipsēnkwēt? Acha sōō! /Kuwiirchinook ma nyēpō ākōy.”
16 Kitas taay :Yēēsu kumwoochi kiineetanichiich kilē, “Chiich nyoo kateeraak ku kateeran. Ku nyoo katayaak, ku katayan. Aku nyoo katayan, ku katay Iriin nyoo kiiyookwoon.”
Kiwārākēē :kiineetanik choo kii tāmānwook tisap
17 Paani kiiwārākiisyō :kāāyooytooyiichoochēē kii tāmānwook tisap, kumwoochi Yēēsu nkōō pāypooyō kilē, “Kiptaayaan! Tēērēēch *toomirmiirēy chaa raacheen nēē kupāyiisyēērēē kaarineeng'uung'.” 18 Kuwālchi :Yēēsu kilē, “Kyaaroo /kēētōōru *Syeetaani kichinuuna parak kilēē iilat nyoo kārārāku.”
19 Kitas taay :Yēēsu kumwoochi kiineetanichoochēē kilē, “Kyookōōnook kaamuuka nyoo ātyoorēē kipaang'ōōy ākōō tookooltiin ākoopēl kaamuuka aka tōkōl nyēpō *Syeetaani puunyoontēēng'woong'. Aku moomii kir aka tōkōl nyoo muukēy kuturin. 20 Āmwoorwook nyuun kilē moopāypāyiituuy āmu kiikuteeraak *:toomirmiirēy chaa raacheen. Kaykay āpāypāyiituu āmu sirootēēn :kaariikwook nkōō kipsēnkwēt.”
Pēēruurootēēn :choo /kiikēēng'oong'chi kaamuukaa Iriin
21 Nkōō saayitiinoonēē, kuunyiriit :Toomirmiir nyoo Tiliil Yēēsu pāypooyō. Kumwa :Yēēsu kilē, “Āmwooruun kōōnkēy Paapa Iriin nyoo ipāytooy parak ākōō ng'wēny, āmu kiiwung'ee tukuuchu pō man piich choo pkootēy kilē nkēt akung'oroomō, akiing'oong'chi piich choo āpēy keey ng'wēny. Man, Paapa, lēē nyoonēē wōloo imārtooy.”
22 Kitas taay :Yēēsu kumwa kilē, “Kikōōnān :Apoonyuun tukun tōkōl. Aku moomii :chiich nyoo nkēt kilē ng'oo Wēērii kung'ētu Paapaan, amoomii :chiich nyoo nkēt kilē ng'oo Paapa kung'āti Wēērii ākōō :piich choo lēwēnēy Wēērii kung'uuti.”
23 Kuwārāchi keey :Yēēsu kiineetanichiich akung'āloolchi akwaaneek keey kilē, “Pēēruurootēēn :akwaaneek choo sōwuuy tukuuchu. 24 Āmwoorwook man kilē chaang' *:ōōrkooy ākōō kāāntōōy choo kiimārēy kilē kuuro kiyoo āmii ārōōtēy, amaaro. Kumar kilē kiteer kiyoo ātēērēēkwaan, amaateer.”
Kārkēēyin nyēpō chiich nyēpō Samariya nyaa karaam
25 Nēē mii lētuun, kuuryoong' :koonēētiintēē aka nyēpō ng'ātuut nyoo kiimārēy kuutyam akuteep Yēēsu kilē, “Koonēētiin, a-ir nee soonyōōru *sopoon nyēpō ākōy?” 26 Kuwālchi :Yēēsu kilē, “Mwoorēy nee :ng'ātuut chēpō Iriin choo kiikōōnu *:Muusa? Akiisōwuuntooy ānō?” 27 Kuwālchi :chiichoonēē kilē, “Icham Iriin Kiptaayaantēēng'uung' nkōō moong'uung' tōkōl, sopoontāng'uung' tōkōl, kaamuukēēng'uung' tōkōl ākōō koopkootuutēkuuk tōkōl. Akiicham piich walak kilēē wōloo ichāmtooy keey.”† 28 Kuwālchi :Yēēsu chiichoonēē kilē, “Lēē nyoonēē! Nēē ir nyuun kilēē nyoonēē, inyōōruuy sopoon.”
29 Āmu kiimārēy :chiichoonēē kung'uuti piich walak kilē kiinkēt :inyeentee kiyoo mwoorēy, kuteep Yēēsu kilē, “Piich walak ku ng'oo?”
30 Kuwālchi :Yēēsu chiichoonēē kilē, “Kiimii pērēētuu aka :chiitō aka nyoo kiiwēērō Chēērusālēēm kurēytō Chēērikō. Nēē mii aree, kutuuyō nkōō chōōr. Kinam :chōōrichoochēē chiichoonēē, kuputō sirōōchiich, kulap kumistō akumēti aree kamas kuupkootēy kilē mēērēy.
31 Nyoo matyaan, kuchō *tisiintēē aka kuuweer yoonēē. Paani keero chiichoonēē mii kurwēēy aree kamas, kunam tapan akusiirtō kuwēēchi keey.
32 Kuureer kuchō :chiitō aka nyoo kiitoorētēy pāyiisyoo *Kōpō Iriin. Kuuro :inyeentee chiichoonēē akuuweer araa tapan kusiirtō.
33 Kuureer kuchō :chiitō aka nyēpō kōōroo *Samariya nyoo kiiwēērēē sikiryō. Paani ka-it yi kiimii :chiichoonēē, kuriira chiichoonēē nkōō wōloo kiilēē. 34 Kuwō yi kiimii :chiichoonēē, kuu-unchi kimootiinak, kuutē saakit, akurāti. Paani keewaang', kunam :chiichoonēē akukālāpchi sikiryeenyiin akuumut ākōy kōpō too, akuriip :chiichoonēē kiilāpēy chōōri.
35 Pērēētuu nyi kiituupēy, kunam :chiichoonēē pō *Samariya rōōpiyō akuutē chiichi pō kōyoonēē akilēēchi, ‘Iriip chiichi ākōy awaraka. Nēē chaang'iit :rōōpiyō choo kēēpāyiisyēērēē kusiir chu kookōōniin, āchōōn ātāsuun rōōpiyēēk walak.’ ”
36 Kii nēē waang' :Yēēsu kumwoorēy ng'aleechoochēē, kuteep koonēētiintoonoonēē pō ng'ātuut kilē, “Ng'oo nkōō pichu sōmōk nyoo kiicham chiichoonēē kiilāpēy :chōōri?” 37 Kuwālchi :chiichoonēē Yēēsu kilē, “Nyi kiriira chiichoonēē.” Kilēēchi :Yēēsu koonēētiintoonoonēē, “Man! Wiyō nyuun akiiwee-ir kilēē nyoonēē.”
Yēēsu, Marta ākōō Maaryaa
38 Paani kimii :Yēēsu ākōō kiineetanichiich kutāsēy taay nkōō paantang'waang', ku-it kōōrēē aka nyoo kiimāng'ēy :cheepyoosee aka nyoo /kiikikuurēē Marta. Kitaak :cheepyoosoonoonēē akwaaneek akumwoochi kupa koonyiin. 39 Kiimāng'ēy :Marta ākōō chēētang'waang' nyoo /kiikikuurēē Maaryaa. Paani mii :Yēēsu ku-āmtooy lōkōōy, ku kiimii :Maaryaa kutēpēē ng'wēny yoo lēēkitēē kēēlyēēpō Yēēsu, kutēērēy kiyoo kiimii kuunēētēy :Yēēsu.
40 Kii nēē mii ku-āmtooy :Yēēsu lōkōōy, ku kiimii kuchēpēy :Marta āmiisyō. Kuu-iim keey nyuun :Marta akipō pāyiisyēē tōkōl nyoo kiimii ku-irēy. Kuwō :Marta yoo kiimii :Yēēsu akilēēchi, “Kiptaayaan! Kāmētoon chēētonyoon āpāyiisyō :aneentee ākityōōn. Nēē mēēmwoochiiwoon Maaryaa kuchō kuutoorētān.” 41 Kuwālchi :Yēēsu kilē, “Marta, Marta! Imii iimchinii keey tukun chaa chaang', 42 akimii :kir ākoong'o kipaat nyoo mārēy /kee-ir. Kaakulēwēn :Maaryaa kir nyaa karaam nyoo mēēlē /tākēēsārēē inyeentee.”