3 Kuteep *:Pilaato Yēēsu kilē, “Inyēēn :pāytooyiintoo Yāwuutik?” Kuwālchi :Yēēsu kilē, “Keemwee kilēē nyoonēē.” 4 Paani kamwa :Yēēsu kilēē nyoonēē, kumwoochi *:Pilaato *tisiik choo ēēchēēn ākōō piich choo kiimii yoonēē kilē, “Nku moorōōtēy lēēluut nyoo ting'ēy :chiichi.” 5 Kitas taay :tisiichoochēē kukwiintoochi *Pilaato kumwoochinii kilē, “Inyeentee nyi mii kuupiirēy piich nkōō kōōrēēnyoon tōkōl nkōō koonēētiisyeenyiin. Kiitoowu ng'aleechoochēē nkōō Kalilaaya, nkanyi kiiku-itu wōli.”

6 Paani kateer *:Pilaato ng'aleechoochēē, kuteep kilē, “Pō chiichi kōōroo Kalilaaya?” 7 Kii nēē teer kilē kiichōōnēē :Yēēsu Kalilaaya kōōr nyoo kiipāytooy *:Ērōōtē, ku kany kuwō Chēērusālēēm wōloo kiimii *Ērōōtē nkōō pērēētuusyēchoochēē.

8 Kii nēē ro *:Ērōōtē Yēēsu, kupaypayiit āmu kiikiikimar yoo lōōw kuuro Yēēsu, akiikiikuteer /kēēng'āloolēē Yēēsu. Kiimārēy *:Ērōōtē kilē ku-ir :Yēēsu kir nyēpō kwōng'uut. 9 Kuteep *:Ērōōtē Yēēsu ng'al chaa chaang', kimaakuwālchi :Yēēsu ng'ālyoon aka tōkōl.

10 Kupka taay *:tisiik choo ēēchēēn ākōō koonēēt chēpō ng'ātuut akumwoochi *Ērōōtē kilē kiiku-ir :Yēēsu ng'al chaa raacheen. 11 Nēē mii lētuun, kumuul *:Ērōōtē ākōō askariichiich Yēēsu akuunyariil. Kuuloochi sirōōpō pāytooyiin akuu-ooyta kuwō wōloo mii *:Pilaato.

12 Ki-ir :ng'ālyoontoonoonēē pērēētuunoonēē kilēku choorway *:Ērōōtē ākōō *Pilaato. Kitoomō :pērēētuunoonēē, ku kii puun *:Ērōōtē ākōō *Pilaato.

13 Kukuur *:Pilaato *tisiik choo ēēchēēn, kāāntōōy ākōō kiirwook, 14 akumwoochi kilē, “Kaamutwaan chiichi ākoomwoorwoon kilē kiimii kuuchuunsōōt piich. Kaateep :aneen ng'al nkōō taayuung'woong', ku moomii :lēēluut nyoo ting'ēy chiichi nkōō ng'aleechu āmwoorēy. 15 Maanyōōrchi :mpō *Ērōōtē :chiichi ng'ālyoon aka tōkōl. Kiyoonēē nyi ka-ir *Ērōōtē kuu-ōōku chiichi kuchō wōloo āmii. Moomii :kir nyoo ka-ir chiichi siku-ir /keekeet. 16 Kunyuun oo, āmāraa /keenoor /ākēēmētō kuwēēchi keey.”^a

18 Kupōlyo nyuun :piich tōkōl kilē, “Keeta chiichi akiityookwēēch Paraapa.” 19 Paraapa ku chiich nyoo /kiikurat āmu kiintōrōōrchi piich kiipooryēērō paytaar nyēpō Chēērusālēēm akiikeet mpō chiich.

20 Kuureer kung'āloolchi *:Pilaato pichoochēē kimārēy kilē kuutyaayta Yēēsu. 21 Kitas taay nyuun :pichoochēē kupōloopōl kilē, “Akarkaata! Akarkaata!”

22 Kuureer *:Pilaato kumwoochi pichoochēē nyēpō sōmōk kilē, “Āmu nee, kaleel nee :chiichi? Mēērookēē /keekeet. Kunyuun, oo, āmārēy /keenoor /akeetyaayta kuwēēchi keey.” 23 Kitas taay :pichoochēē kupōloopōl kilē, “Akarkaata!” ākōy /kēēchāmchi ng'aleekwaak. 24 Ku-ir *:Pilaato kilēē wōloo kiimārtooy :pichoochēē. 25 Kuutyaayta Paraapa, chiich nyoo /kiikurat āmu kiipooryēērō pāyuunāt akiikeet chiich, kilēē soomātēēng'waang' akuutētō Yēēsu ku-irta :pichoochēē kilēē wōloo mārtooy :akwaaneek.

26 Paani mii :askariik kuumutēy Yēēsu, kunam Siimnyōn nyēpō Kurēēnō nyoo kiimii kuwēētiiy Chēērusālēēm, /akēēkālāpchi kimurtooyoontēē /akeekany kutuup Yēēsu lēt. 27 Kiituupaata :piich chaa chaang'. Nkōō pichoochēē, ku kiimii :chēēpyōōsōōy choo kiinchwootēy akuriirsōōt akipō Yēēsu. 28 Kuwarak keey :Yēēsu akumwoochi chēēpyōōsōōchoochēē kilē, “Chēēpyōōsōōchu pō Chēērusālēēm, amaariireenaan, ariiree keey ākōō laakōōkwook. 29 Mii :pērēētuus choo pkoonēy choo pākumwoorēy :piich kilē, ‘Pēēruuroot :cheepyooso nyoo maanam laakwa akuurēēri.’ 30 Pērēētuusyēchoochēē choo mwoochinii :piich tulōōnōōy kilē ‘Kaykay āruulchēēch ākootupēēch.’^† ” 31 Kitas taay :Yēēsu kumwa kilē, “Nēē muukēē /kēē-irchi ng'al choo lēē chu piich choo pēērēy keey oo, ku-irchinii nee nyuun :Iriin piich choo lēē kipng'ōōkiis?”^b

32 /Keemut piich walak ārēēny choo kii kipng'ōōkiis /keepa /keekeet nkōō Yēēsu. 33 Paani ka-it yoo /kiikikuurēē Reenkeesyaa mēt, /kēēkārkooti Yēēsu kimurtooyoon ākōō chēēlōsōōstiin ārēēny. /Kiikupārchi aka kamaspō ēēruu taay, /kēēpārchi aka ēēruu lēt. 34 Kimwa :Yēēsu kilē, “Apoo, nyōōchii kaat pichu āmu mēēnkēt kiyoo irēy.”^c

Nēē mii lētuun, kii-istō :pichoochēē *sēkēēr akichārchi keey sirōōpō Yēēsu.

35 Kiiryoonchēērō :piich yoonēē akuurōōtēy kir nyoo kiimii ku-irēē. Kimuul :kāāntōōy chēpō Yāwuutik Yēēsu kimwoorēy kilē, “Kiisāru :chiichi piich walak. Akanya nyuun kisāru keey nēē inyeentee ku *Meesaaya, *Sāruuniin nyoo kiilēwēn :Iriin!” 36 Kimuul :mpō askari Yēēsu. Kunam *tiipaay choo ng'woonēēn akuukoorchi Yēēsu, 37 akumwoochi kilē, “Nēē inyēēn, man, pāytooyiintoo Yāwuutik, isāru keey!”

38 /Kiikusirchi ng'aleechu kimurtooyoontēē kilē, ‘nyi ku pāytooyiintoo yāwuut.’

39 Kimwoochi :akoong'o nyēpō pichoochēē /kiikupārchi kimurtooyoon ākōō inyeentee kilē, “Mēēnyēēn *Meesaaya? Sāru keey, sōō, akiisārwēēch mpō!” 40 Paani kamwa :chiichoonēē kilēē nyoonēē, kuupkoong' nyiinō aka kilē, “Mēēwārēēnyēēn Iriin teemwaara ng'al choo lēē choochēē? Nku kimii :tōkōl kēēnyōōruuy ng'woonin nyoo karkeey. 41 Rookēē kēēnyōōruuchaan ng'woonin nyoo lēē nyēēnyi akipō ng'al choo kiikee-ir. Nku maa-ir :chiichi kir nyoo rookēē /keekeet.” 42 Kumwoochi :chiichoonēē Yēēsu kilē, “Yēēsu, iriireenaan paani kēēlēku pāytooyiin.” 43 Kumwoochi :Yēēsu kilē, “Āmwooruun man kilē āwootēpēē aniinee nkōō inyēēn Paratiso.”

44 Kii wōlipō saayit lo nyēpō pērēēt, kuchō :tuurin nyoo kiikar kōōrēē tōkōl ākōy saayit sokool. 45 Kipaala :ankee kupka ārēēny nyoo /kiikuchara wōloo tiliil mu *Kōpō Iriin. 46 Kuunchō :Yēēsu kilē, “Apoo Iriin! Kootō toomirmiiryeenyuun ēēruunēkuuk.” Paani keewaang' kumwoorēy kilēē nyoonēē, kima.

47 Kii nēē ro :āskāriintēē nyoo ōōw kiyoo kii-ira, kuuloosu Iriin, kumwoorēy kilē, “Man kii tiliil :chiichi.”

48 Paani keero :piich choo kiimii yoonēē kiyoo ka-ira, kung'woonchi. Kuwaraka :pichoochēē kēēstoonikwaak nkōō mukuuliir choo kiing'ātyō.

49 Kuuryoonchēērō yoo lōōw :piich tōkōl choo kiinkēt Yēēsu, kupootō mpō chēēpyōōsōōy chēpō Kalilaaya choo kiituupu inyeentee, akuurō ng'aleechu tōkōl kii-iriisyō.

50 Kiimii :chiich nyoo /kiikikuurēē Chōōsēp nyēpō Arimateeya nyoo kiichōōnēē kōōroo Yāwuutik. Kii kiirwookiin nyoo kiitookuunoot nkōō Kōōkwoo Yāwuutik. Kii chiich :Chōōsēp nyaa karaam akii-irēy man. 51 Kimaacham inyeentee ng'alēēpō pichu kiimii kōōkwoonoonēē pō Yāwuutik ākōō kiyoo kii-irēy pichoochēē. Kiimii :mpō Chōōsēp kukānyoonuuy pērēētuuni toowuuy kupayta pāytooyiin nyoo kiikulēwēn Iriin. 52 Kuwō :chiichoonēē wōloo kiimii *Pilaato akusoom /kēētē pōōrpō Yēēsu. Kuchāmchi *:Pilaato. 53 Kuurēēkuunō pōōrtō kimurtooyoon kuchō ng'wēny, kurata anka akupa kuukonoor kēpēn nyoo /kiikupālchi raat akiitoomō /kēēsiintoochi chiich pērēētuu aka.

54 Kii paanta kitoowu :pērēētuu *Sapaato akiimii :piich kichēpēy keey. 55 Kiituup :chēēpyōōsōōchu kiipkoonēē Kalilaaya ākōy kēpēnooni /kiikiisiintoochi akipa kuuro wōloo /kiikuukonoor pōōrtō. 56 Kuwaraka kaaw pakuchēp mwaar nyoo ng'uutooy nyaa anyiny tākupa kuu-iila pōōrtō. Kii nēē waang' kuchēpēy mwaaroonēē, ku kii pērēētuu *Sapaato, kuumuung' nyuun kilēē paani kiimārēy :ng'ātuutēkwaak.