3 Paani kateer :Chuutaas nyi kyooltooy Yēēsu kilē /kiikeetil /keekeet Yēēsu, kung'woonchi kiyi ki-ir inyeentee. Kunam peeteenichoochēē kiilēē sosom akuu-ōōchi *tisiik choo ēēchēēn ākōō kāāntōōy chēpō Yāwuutik. 4 Kimwa kilē, “Kyaa-ir :aneen ng'ōōki a-alta chiich nyoo māting'ēy ng'ālyoon.”

Kuwālchi :pichoochēē kilē, “Māpootēēch :choochēē, roo :inyēēntēē kiyoo kee-ir.”

5 Kuwiirchi :Chuutaas rōōpiyēēk *Kōpō Iriin akuwō kuukeet keey. 6 Kukwar *tisiik choo ēēchēēn rōōpiyēēk akimwa kilē, “/Kiku-altaara sopoonpō chiich rōōpiyēēchu, ku mēērookēē /kēētē wōloo /kiisiintoochinii rōōpiyō chēpō *Kōpō Iriin.” 7 Kuchoomnyēēchi :pichoochēē ku-ala rōōpiyēēchoochēē par nyoo /kiikikuurēē Paraa Kiptērēēnnyoon nyoo /kiikutupchinii piich choo kii mā pō kōōroonoonēē. 8 Nkanyi ki-ir /kēēkuuro paraanoonēē ‘Paraa Kērēti’ ākōy paannyēēnyi.

9 Kulēku man ng'alēēpō *:ōōrkooyoon Cheeremiya chu kiimwoorēy kilē, “Kiinam :piich *peeteen choo lēē sosom choo kiitēērchiinō :piich chēpō *Israayeel ku-altaara inyeentee, 10 aku-ala paraa kiptērēēnnyoon kilēē paani kiimwoorēy :Iriin.”^†

11 Kuuryoong'ō :Yēēsu taayuu *Pilaato, kuteep *:Pilaato kilē, “Inyēēn :pāytooyiintoo Yāwuutik?” Kuwālchi :Yēēsu kilē, “Keemwee kilēē nyoonēē.”

12 Paani kēērwoochi *tisiik choo ēēchēēn ākōō kāāntōōy chēpō Yāwuutik, kusiisi keey. 13 Kuteepa *:Pilaato kilē, “Mēētēērēē :ng'aleechu tēēnō chu mwoorēy :pichu kilē kii-ir :inyēēn?” 14 Kumaakuwālchi :Yēēsu ng'ālyoon aka tōkōl. Kikwōng' *Pilaato kwōng'uut.

15 Nkōō kēnyii aka tōkōl nyoo kyoomēy :Yāwuutik tuum nyēpō *Pasaka, ku kiicham kuutyooytooy :pāytooyiin chiich ākoong'o nyoo rataat nyoo kiimārēy :piich kilē /keetyaayta. 16 Kiirataat :chiitō aka pērēētuusyēchoochēē nyoo /kiinkētoot nyoo /kiikikuurēē Paraapa. 17 Paani kiikiikuurum keey :pichoochēē kuteep *:Pilaato kilē, “Āmārēy ātyooytoowook ng'oo, Paraapa ntā Yēēsu nyoo /kikuurēē *Meesaaya?” 18 Kiimwa *:Pilaato kilēē nyoonēē āmu kiinkēt kilē kiimuti inyeentee :pichoochēē Yēēsu akipō tuurin pō :moo.

19 Kutākumiitō *:Pilaato kōōk kuurwookēy ng'aleechoochēē, kuuyoochi :cheepyooseenyiin kuut kilē, “Ameekany *kimeera chiichoonēē ēēruunēkuuk. Kaanyaril lang'a kuyyeech nkōō ruchiināt akipō chiichoonēē. Pēērēy keey :chiichoonēē.”

20 King'am nyuun *:tisiik choo ēēchēēn ākōō kāāntōōy chēpō Yāwuutik piich kumwaarta /keetyaayta Paraapa /akeekeet Yēēsu. 21 Kuureer *:Pilaato kuteep pichoochēē kilē, “Nyōō nkōō pichu ārēēny nyoo āmārēy ātyooytoowook?” Kuwālchi :pichoochēē kilē, “Paraapa.” 22 Kuteep kuureer *:Pilaato kilē, “A-irta nee nyuun Yēēsu nyi /kikuurēē *Meesaaya?” Kuwālchi :pichoochēē tōkōl kilē, “Kanya /keekarkaat!” 23 Kuteep *:Pilaato kilē, “Āmu nee, kaleel nee :chiichi?” Kitas taay :pichoochēē kupōl kilē, “Kanya /keekarkaat!”

24 Paani keero *:Pilaato kilē maakuumuukēy pichoochēē akimārēy sikuung'eet :pooryoot, kunam pēr akuu-uun ēēruunēchiich nkōō taayuu pichoochēē akimwa kilē, “Māpootoon meeraa chiichi. Pootook :ākwoonēēk.”

25 Kuwālchi :pichoochēē tōkōl kilē, “Kanya ku-ameech nkōō laakōōchooch :kērētiipō chiichi!”

26 Kuutyaayta *:Pilaato Paraapa akumwoochi askariichiich kupir Yēēsu akuutētō /keepa /keekarkaat.

27 Kuurēētō :askariipō *Pilaato Yēēsu kuwō wōli kiimāng'ēy :akwaaneek. Kuurumchi keey :lukoo pooryoot tōkōl taayuu Yēēsu. 28 Kung'us :pichoochēē sirōōpō Yēēsu akuuloochi inyeentee chēpō pāytooyiin. 29 Kunaar nkat nyēpō kātōōy akuuloochi mētinyiin akuutē kaarya nyoo karkeey nkōō nyēpō pāytooyiin. Nēē ng'at, kukutung'ō :pichoochēē taayuunyiin, kupiirēnō akumwoochi kilē, “Iril! Pāytooyiintooni pō Yāwuutik!” 30 Kung'uti :pichoochēē Yēēsu, kunam kaaryee nyi kiimii ēēr akulapa mēt. 31 Paani keewaang' kupiirēnēē Yēēsu, kung'usta siraani kiiting'ēy akuuloochi sirōōchiich akuurēētō kipa kuukarkaat.

32 Kii nēē mii kupēētii, kutuuyēērō chiich nyoo kiipō kōōroo Kurēēnō nyoo /kiikikuurēē Siimnyōn. Kuusumchi :askari chiichoonēē kukalap kimurtooyoontoo Yēēsu. 33 Paani ka-it yoo /kiikikuurēē Kolkoota. (Nēē /kiwal ng'ālyoontooni lēē Kolkoota ku ārii reenkeesyaa mēt.) 34 Kuutē :pichoochēē Yēēsu *tiipaay choo /kiikuuwaarta saakit kilē sikuupoot ng'woonin. Paani kachamcham, kutay kira.

35 Paani kaakupārchi :pichoochēē Yēēsu kimurtooyoon, kuchārchi keey sirōōchiich, ku-istō *sēkēēr sikusōwu kilē ng'oo :nyoo āpēy nyōō. 36 Paani keewaang', kutēpi ng'wēny akuriip Yēēsu. 37 /Kēēpārchi kimurtooyoontēē parakuu mētpō Yēēsu ng'al choo ki-ir Yēēsu /keekeet. Kiimwoorēy :ng'aleechoochēē kilē: ‘nyi ku yēēsu pāytooyiintoo yāwuut.’ 38 /Kiikupārchi kimurtooyoon chōōr ārēēny kitas keey ākōō Yēēsu. /Kiikupārchi aka kamaspō ēēruu taay nyēpō Yēēsu; /kēēpārchi aka ēēruu lēt. 39 Kiipirpiirēy :piich choo kiisiirtooy mētēwēyiikwaak akumuulēy Yēēsu 40 kumwoorēy kilē, “Inyēēn nyoo imuukēy isyaar *Kōpō Iriin akiireer iteek nkōō pērēētuus sōmōk, sāruu keey sōō! Nēē inyēēn Wēēroo Iriin, irēkuunō kimurtooyoon!”

41 Kimuul mpō *:tisiik choo ēēchēēn, koonēēt chēpō ng'ātuut ākōō kāāntōōy chēpō Yāwuutik Yēēsu. 42 Kiimwoorēy :pichoochēē kilē, “Kiisāru :chiichi piich walak, nku mēēmuukēy kusāru keey. Nēē pāytooyiintoo *Israayeel inyeentee oo, ki nēē mārēkuunō kimurtooyoon si nēē ng'at keeran inyeentee! 43 Tiirēē keey :inyeentee Iriin akumwoorēy kilē Wēēroo Iriin. Ki nee māsāru :Iriin nēē chāmēy.” 44 Kumuul :mpō chēēlōsōōstiinēchu /kikupārchi kimurtooyoon ākōō inyeentee kilēē nyoonēē.

45 Kichō :tuurin pērēēt nyoo kiikar kōōrēē tōkōl, kung'eetee saayit lo ākōy saayit sokool. 46 Nēē mii tēēnō saayit sokool, kuunchō :Yēēsu kilē, “Iriinteenyuun, Iriinteenyuun, āmu nee simētoon?”^† (Kiimwoorēy nkōō kuutiinyiin kilē, “Ēlōōyi, ēlōōyi, leema sapaktaani?”)

47 Paani kateer :piich walak choo kiiryoonchēērēē yoonēē kiyoo kiimwa Yēēsu, kilē, “Mii kukuurēy *Eliicha.” 48 Kuurip :chiich aka kunam anka nyoo kuulēy pēr akuuchuut *tiipaay choo miintirilēēn. Kunam ankaanoonēē kuruti keet akuukoorchi kuutii Yēēsu. 49 Kimwa :walak kilē, “Keekanya kee sikeeroo nēē chōōnēy *:Eliicha kisāruuy inyeentee!”

50 Kuureer kuunchō :Yēēsu akima.

51 Kipaala :anka nyoo kiisēēkēnēēnēy mu *Kōpō Iriin kupka ārēēny kung'eetee mēt ākōy keel. Kuutimtiimō :kōōrēē akuupēēsiisyō :raatōōy. 52 Kuyootiisyō :kēpēnooti /akeeng'eet :piich chēpō *Kiriistō chaa chaang' choo kiikiikumēērō. 53 Paani kaakung'eeta :Yēēsu meerat, kupkaana :pichoochēē kēpēnoot akupa Chēērusālēēm māng'oot nyoo tiliil akung'uuti keey piich chaa chaang'.

54 Kii nēē ro :āskāriintēē nyoo ōōw nkōō piichiich kiprang'rang' nkōō kir aka tōkōl nyoo kii-ira, kuuwāriisyō akimwa kilē, “Man, kōō Wēēroo Iriin :chiichi!”

55 Kiimii :chēēpyōōsōōy chaa chaang' choo kiirōōtunēē wōloo lōōw. Kiituupu :chēēpyōōsōōchoochēē Yēēsu kung'eetee Kalilaaya kuutoorētēy. 56 Walak nkōō chēēpyōōsōōchoochēē ku kii Maaryaa Maktaleena, Maaryaa eeyaa Chēēmis ākōō Chōōsēp, ākōō eeyaa wēēchiipō Sēpētaayo.

57 Nēē mii kosoliny, kuchō :chiich aka nyoo lēē mōkōryoon nyoo kichōōnēē kōōroo Arimateeya. /Kiikikuurēē chiichoonēē Chōōsēp aku kii tuupiintoo Yēēsu. 58 Kuwō :chiichoonēē wōloo kiimii *:Pilaato akusoom /kēētē pōōrpō Yēēsu. Kumwaarta *:Pilaato /kēētē. 59 Kunam :mpō Chōōsēp pōōrpō Yēēsu akurata anka nyoo tiliil. 60 Kupa kuukonoor pōōrtō kēpēnēēnyiin nyoo mii raat nyoo /kiitākēēpālēy /ākiitoomō /kēēsiintoochi chiich. Kuutiriinchi kor nyoo ōōw kurkaa kēpēnoonoonēē akupēēchi keey. 61 Kiitēpi yoonēē :Maaryaa Maktaleena ākōō Maaryaa nyiinō aka kuurōōtēy kēpēnoonoonēē.

62 Paani kāwō kuyyeech kōōrēē, ku kii pērēētuu *Sapaato, kupēēchi *:tisiik choo ēēchēēn ākōō *Parisaay *Pilaato akumwoochi kilē, 63 “Kiptaayaan, kiimwoorēy :ng'uuriintoonoonēē paani kitākusopoot kilē, ‘Āng'ēētēē meerat nkōō pērēētuu nyēpō sōmōk.’ 64 Kunyuun oo, nee meemwaarta /pākēēriip kēpēnēē ākōy pērēētuunoonēē pō sōmōk. Nēē maku-ir kilēē nyoonēē, kuumuukēy kupka :kiineetanichiich akichoor pōōrtō akumwoochi piich kilē kiikung'eeta :Yēēsu meerat. Rāyiituuy :ng'uurnanee nyēēnyi pō lēt kusiir nyēpō taay.” 65 Kuwālchi *:Pilaato kilē, “Apee nkōō askariik walak ākoopooriip kēpēnēē kilēē wōloo āmuuktooy.”

66 Kupa nyuun :pichoochēē akupa kimaal kēpēnēē kukaraam akumētō askariik kuriip.