4 Kuureer kuwō *:Pilaato saang' wōli kiimii :pichoochēē akumwoochi kilē, “Āmutuuy chiichi kuchō saang' soosōwuu kilē moomii :ng'ālyoon aka tōkōl nyaa ra nyoo ka-ir chiichi.” 5 /Keemutu nyuun Yēēsu kuchō saang' wōli kiimii :pichoochēē. /Kiikiikuuloochi nkat nyēpō katōōy mēt /ākēēloochi sira nyēpō pāytooy. Kumwoochi *:Pilaato pichoochēē kilē, “Aroo nyuun! Ānyi chiichi!” 6 Paani keero *:tisiik choo ēēchēēn nkōō askari choo kiiriipēy *Kōpō Iriin Yēēsu, kupōloopōl kilē, “Karkaata! Karkaata!” Kumwoochi *:Pilaato pichoochēē kilē, “Amuta nyuun :ākwoonēēk akaapaakarkaat nkōō kimurtooyoon. Moomii kir nyaa ra nyoo ka-ir :chiichi nyoo rookēē /keekeet.” 7 Kuwālchi :pichoochēē *Pilaato kilē, “Kuting'ēēchaan ng'ātuut nyoo irēy chiichi /keekeet, āmu kiimwa kilē inyeentee ku Wēēroo Iriin.”

8 Paani kateer *:Pilaato ng'aleechoochēē, kwootyō. 9 Kuureer kuchuut *:Pilaato koonyiin akuteep Yēēsu kilē, “Ipoonyēēn ānō?” Kumaakuwalta :Yēēsu. 10 Kumwoochi *:Pilaato Yēēsu kilē, “Ara, mēēmārēy sōō ing'āloolwoon? Mēēnkēt kilē āting'ēy kaamuuka atyaayteen ntā āmwoochi pichu kupārchiin kimurtooyoon?” 11 Kuwālchi :Yēēsu kilē, “Iting'ēy :inyēēn kaamuuka kipaat iparaan āmu kākōōnin Iriin kaamuukaanoonēē. Chiich nyuun nyoo keemutwaan wōli imiinyēēn, kuting'ēy ng'ōōki kusiir inyēēn.” 12 Paani kateer *:Pilaato ng'aleechoochēē, kuutyam oor aka tōkōl kilē kuutyaayta Yēēsu. Kupōloopōl :piich nyuun kilē, “Nēē tyaayta chiichi, kung'uutuuy kilē mēēnyēēn choorwoo *Kayisaari. Chiich aka tōkōl nyoo irtooy keey kilē inyeentee ku pāytooyiin ku puunyoontoo *Kayisaari.”

13 Kii nēē teer *:Pilaato ng'aleechoochēē, kumwoochi askariichiich kuumut Yēēsu saang' akutēpō ng'achareenyiin nyēpō kiirwook nkōō kōōkwō nyoo kiikulaka kōrin. (/Kukuurēē ‘Kapaata’ nkōō kuutii Yāwuutik.) 14 Nēē mii :saayit taman nkōō ārēēny nyēpō koorōōn,^a pērēētuuni kichēpēy keey akipō *Pasaka. Kumwoochi *:Pilaato pichoochēē kilē, “Ānyi pāytooyiintēēng'woong'.” 15 Kupōloopōl :pichoochēē kilē, “Keeta! Keeta! Karkaata nkōō kimurtooyoon.” Kuteep *:Pilaato pichoochēē kilē, “Āmārēy /keekarkaat nkōō kimurtooyoon pāytooyiintēēng'woong'?” Kilē *:tisiik choo ēēchēēn, “Kiinkēt :achaan *Kayisaari ākityōōn. Moomii :aka.” 16 Kuutē *:Pilaato pichoochēē Yēēsu, kipa kuukārkooti kimurtooyoon.

17 Kuwō nyuun :Yēēsu saang' kukālāpēy kimurtooyoonteenyiin. Ku-it ārii aka yoo /kiikikuurēē Reenkeesyaa mēt. (/Kiikuukurēē yoonēē Kolkoota nkōō kuutii Yāwuut.) 18 Kipa kupārchi :pichoochēē Yēēsu kimurtooyoon kitas keey ākōō piich walak ārēēny. /Kiikupārchi :chiitō aka kamas pō taay, /kēēpārchi :aka kamas pō lēt akēētō Yēēsu kwēēnuung'waang'. 19 Kiimwaarta *:Pilaato kilē /keesir ng'al /ākēēpārchi kimurtooyoontoo Yēēsu. Kiimwoorēy :ng'aleechoochēē kilē, ‘yēēsu nyēpō naasareet, pāytooyiintoo yāwuut.’ 20 /Kiikusira ng'aleechoochēē kuutiway choo lēē sōmōk. Kuutii Yāwuutik, nyēpō piich chēpō Rooma ākōō nyēpō Kirik. Kiisooman :piich chaa chaang' ng'aleechoochēē /kiikusir āmu yi /kiikuukārkooti Yēēsu ku kilēēkitēē Chēērusālēēm. 21 Kimwoochi *tisiik choo ēēchēēn chēpō Yāwuutik *Pilaato kilē, “Mēēsirēy kilē ‘Pāytooyiintoo Yāwuutik,’ sira kilē ‘Kiimwa chiichi kilē, “Aneen pāytooyiintoo Yāwuutik.” ’ ” 22 Kuwālchi *:Pilaato kilē, “Kiyoo kaasir :aneen, kutēpēē kilēē nyoonēē.” 23 Paani kaakuuwaang' āskariik kupārchinii Yēēsu kimurtooyoon, kunam sirōōpō Yēēsu akichārchi keey kuchāruunō ang'wan. Kunam siree aka nyoo kiinamaat kung'eetee im ākōy ng'wēny, 24 akumwoochi keey kilē, “Lēyyē, kimakupaal siraani. Kaykay /kēē-istēē *sēkēēr sikeeroo :chiich nyoo punchinii siraani.” Kii nēē iriisyō :ng'aleechu kuusilta :siruut choo mwoorēy kilē,

25 Kiimii kuuryoong'ēē :eeyaa Yēēsu yoo kiilēēkitēē kimurtooyoontēē akiimii ākōō chēētang'waang'. Kiimii mpō :Maaryaa cheepyoosoo Kiloopa ākōō Maaryaa Maktaleena kuuryoong'ēē yoonēē. 26 Kii nēē ro :Yēēsu eeyeenyiin kuuryoong'ēy ākōō kiineetaneenyiin nyi kiichāmēy, kumwoochi eeyeenyiin kilē, “Anyoono wēēriing'uung'.” 27 Kimwoochi kiineetanaanoonēē kilē, “Anyoono eeyēēng'uung'.” Kung'eetee pērēētuunoonēē, kuumut :kiineetanaanoonēē Maaryaa kimang' katanyiin.

28 Kiinkēt :Yēēsu paanoonēē kilē kiiku-ira :kir aka tōkōl. Kumwa kilē, “Kaaman :maral.” Kii nēē mwa kilēē nyoonēē, kuusilta :siruut chēpō Iriin. 29 Kiimii yoonēē :kikoompō nyoo kiimii *:tiipaay choo ng'woonēēn. Kunam :pichoochēē anka nyoo kuulēy pēr akuuchuut tiipaayiichoochēē, kuruti keet akuukoortō kutiing' kuutii Yēēsu. 30 Kii nēē kaakutaak :Yēēsu tiipaayiichoochēē kilē, “Kaakuuwoonyō.” Kinyaal :kaat kuung'uruukō akima. 31 Kii pērēētuu :nyoonēē nyoo kiichēpēy keey :piich akipō *Sapaato akii-ōōw :pērēētuunoonēē. Kulēē paani kiimāmārēy kāāntōōy chēpō Yāwuutik kutēpi :pōōrwēyichoochēē kimurtooyiin ākōy pērēētuu *Sapaato, kupa kusoom :kāāntōōyiichoochēē *Pilaato /kēēchāmchi kutil kēēlyēēpō pichoochēē sikumēērō kilē weel sikung'usu pōōrwēyiik. 32 Kupa :askariik akupa kutil kēēlyēēpō piich ārēēny choo /kiikiikuukarkaat nkōō kimurtooyiin ākōō Yēēsu. 33 Kii nēē it :pichoochēē yi kiimii Yēēsu, ku kiikiikima Yēēsu, kimaakutil kēēlyēēchiich. 34 Kunam :āskāriintēē aka ng'otinyiin akutoor Yēēsu karaas. Kipkaana :kērēti ākōō pēr. 35 Chiich nyoo mwooruuy ng'aleechu, ku chiich nyoo kiirōōtēy ku-irēē. Kiimwooru si nēē ng'at aran. Pō man :kiyoo kiimwooru. 36 Kii iriisyō :ng'aleechu takuusilta :siruut choo mwoorēy kilē, “Moomii kooweenyiin mpō ākoong'o nyoo muutēē.”^† 37 Akumwoorēy mpō :siruutēk walak kilē, “Rōōtēy :piich chiichi kiitōōrēy :akwaaneek.”^†

38 Kiimii :chiich nyoo /kiikikuurēē :Chōōsēp nyēpō Arimateeya. Kii chāmēy ng'alēēpō Yēēsu :chiichoonēē aku kiiwung'ēy keey āmu kiiwārēy kāāntōōy chēpō Yāwuutik. Kuwō kusoom :chiichoonēē *Pilaato kuutē ku-āp pōōrpō Yēēsu. Kuchāmchi *:Pilaato. Kuwō kung'usu pōōrtō aku-āp. 39 Kuwō Nikōtēēmō nyoo kiichō kunyōōru Yēēsu lang'atuu aka ākōō Chōōsēp. Kinamaata :Nikōtēēmō saakit choo ng'uutooy choo ānyinyēēn choo lēē kiilēēn sosom. 40 Kinam :pichoochēē ārēēny anka akurata pōōrpō Yēēsu kumii :saakitēēchoochēē ng'uutooy choo ānyinyēēn. Kii-ir :pichoochēē kilēē wōloo tuptooy :Yāwuutik piikwaak choo kāmēērō. 41 Kiimii yoonēē /kiikupārchinii Yēēsu :paree aka nyoo kiimii :kēpēn nyoo kiitoomō /kēētupchi chiich. 42 /Keetupchi kēpēnoonoonēē pōōrpō Yēēsu āmu kilēēkitēē yoonēē, aku kiituupēy pērēētuunoonēē :pērēētuu *Sapaato.