/Kēēnāmēy Yēēsu
18
1 Kii nēē waang' :Yēēsu kusa, kuwō nkōō kiineetanichiich kutilta araa tēmkoo Kiitrōōn. Kipa kuchuut :paraa *musēytuun nyoo kiimii wōloonēē. 2 Kiinkēt :Chuutaas nyi kii-altooy Yēēsu paraanoonēē, āmu kiicham kuwēētii :Yēēsu ākōō kiineetanichiich yoonēē. 3 Kuwō :Chuutaas paraanoonēē kuuntōrōōrchinii askariipō Rooma ākōō askari walak choo kiiriipēy *Kōpō Iriin choo kiiyooku *:Tisiin nyoo Ōōw ākōō *Parisaay. Kiinoomootēy :pichoochēē teereer akiiting'ootēy kariikwaak. 4 Kiinkēt :Yēēsu kir aka tōkōl nyoo kii-irēē nkōō wōloo mii inyeentee. Kuchō taay akuteep pichoochēē kilē, “Āwāsēēkwaan ng'oo?” 5 Kuwālchi :pichoochēē kilē, “Yēēsu nyēpō Naasareet.” Kumwoochi :Yēēsu kilē, “Aneen :nyoonēē.” Kiimii :Chuutaas nyoo kii-altooy Yēēsu kuuryoong'ēy ākōō pichoochēē. 6 Kii nēē mwoochi :Yēēsu pichoochēē kilē, “Aneen :nyoonēē” kuuchuchuukiisyō :pichoochēē kupa lēt akuuputyō. 7 Kuureer :Yēēsu kuteep pichoochēē kilē, “Āwāsēēkwaan ng'oo?” Kuwālchi :pichoochēē kilē, “Yēēsu nyēpō Naasareet.” 8 Kumwoochi :Yēēsu kilē, “Nku koomwoorwook kilē aneen :nyoonēē. Nēē aneen nyi āwāsēy, akany kupēēchi keey :murēchu.” 9 Kiimwoorēy :Yēēsu kilēē nyoonēē sikusilta :kiyi kiikiikumwa kilē, “Paapa, moomii mpō ākoong'o nyoo kiipēt nkōō piich choo kiikōōnoon.”10 Āmu kiiting'ēy :Pēētērō chōōk, kung'usu akutil iitpō taay nyēpō kipāyityoontoo *Tisiintēē nyi Ōōw kuchinta. (/Kiikikuurēē kipāyityoontoonoonēē Maalkō.) 11 Kumwoochi :Yēēsu Pēētērō kilē, “Ōōchi chōōkēēng'uung' saapeenyiin! Ipkootēē kilē moopuntēērēēyaa nyarili kiikuchēp :Apoonyuun?” 12 Kunam :āskāriintēē nyi ōōw ākōō askari chēpō Rooma kipootō askari chēpō Yāwuutik choo kiiriipēy *Kōpō Iriin Yēēsu akurat. 13 Kuumuti kupōk chiich nyoo /kiikikuurēē *Anaas, nyoo kii kuukoo piikooy nyēpō *Kayaapa *Tisiin nyoo Ōōw nkōō kēnyiinoonēē. 14 Kii *Kayaapa nyi kiimwoochinii kāāntōōy chēpō Yāwuutik kilē kaykay kima :chiich ākoong'o sikusopyō :piich tōkōl.
Kitāyēy :Pēētērō nyēpō taay kilē mēēnkēt Yēēsu
15 Kutuup :Siimnyōn Pēētērō ākōō kiineetanee aka Yēēsu lēt. Āmu kiinkēt :kiineetanaanoonēē *Tisiintēē nyoo Ōōw, kuwō nyuun ākōō Yēēsu ākōy piriiruu kaa tisiin. 16 Kung'ētuunō :Pēētērō saang' koopoor nyēpō kaayoonēē. Kuwaraka lēt kiineetanee nyi /kiinkētoot akuwō kung'āloolchi chēēto nyoo kiiriipēy koopoor pērēētuunoonēē akuumut Pēētērō kuchuut piriir. 17 Kuteep :chēēpoonēē kiimii koopoor Pēētērō kilē, “Mēēnyēēn kiineetanee aka nyēpō chiichi?” Kuwālchi :Pēētērō kilē, “Acha, mā :aneen.” 18 Kiikartit :kōōrēē, akiimii kuuryoonchēērēē kipāyitiin ākōō askariik yoo kiimii ma nyoo kiilaar sikuyu. Kuwō nyuun :Pēētērō akuwō kuuryoong'ō yoonēē kuyu ma ākōō pichoochēē.
Kitēēpēy :Anaas Yēēsu tēēpuut
19 Kuteep *Tisiin nyoo Ōōwa Yēēsu kilē, “Mwoorwoon kee akipō kiineetanikuuk ākōō koonēētiisyēēng'uung'.” 20 Kuwālchi :Yēēsu kilē, “Kyoomwooru ng'aleechu kuteer :chiich aka tōkōl. Kyaaneet :aneen piich nkōō sinakōōkiin ākōō *Kōpō Iriin wōli kiiruruuchinii keey :piich tōkōl. Moomii :kir nyoo kyaawung' nkōō koonēētiisyēēnyuun. 21 Āmu nee siteepaan? Teepee piich choo kitēērēy kiyi kyoomwoorēy. Nkēt :pichoochēē kiyi kyaamwaa.”
22 Kii nēē mwa :Yēēsu ng'aleechoochēē, kuurapaak :āskāriin akumwoochi kilē, “Ing'āloolēy kilēē nyoonēē nkōō taayuu *Tisiin nyoo Ōōw?” 23 Kuwālchi :Yēēsu kilē, “Nēē mii :kir nyaa ra nyoo kaamwaa, imwoochi pichu tōkōl mii yēēnyi. Ki nēē pō man :kiyi kaamwaa, irāpoochoon nee?” 24 Kumwoochi *:Anaas askariichoochēē kuumut Yēēsu kurataat kuwō wōloo kiimii *:Kayaapa, *Tisiin nyoo Ōōw.
Kitāyēy :Pēētērō nyēpō ārēēny ākōō nyēpō sōmōk kilē mēēnkēt Yēēsu
25 Kii nēē tākumii :Pēētērō kuuryoong'ēy kuywēē ma, /keeteep kilē, “Mēēnyēēn kiineetanee aka nyēpō Yēēsu?” Kuureer kitay :Pēētērō kilē, “Acha, mā :aneen.” 26 Kiimii :chiich nyoo kii kipāyityoontoo *Tisiin nyoo Ōōw, nyoo kii tilyeeng'waang' chiichi kiitilēy :Pēētērō iit. Kuteep :kipāyityoontoonoonēē Pēētērō kilē, “Nku lēē yoo kēēmiinyēēn par ākōō Yēēsu?” 27 Kuureer kitay :Pēētērō, paanoonēē kuchār :kipsōōywō.
Kimii :Yēēsu taayuu Pilaatō
28 Kii nēē yyeech kōōrēē /keemut Yēēsu kuwēērō kaa *Kayaapa kuwō kaa pāytooyiintoo Rooma. /Kiikikuurēē pāytooyiintoonoonēē *Pilaato. Maachuut :kāāntōōyiichoochēē pō Yāwuutik kaa pāytooyiintoonoonēē pō Rooma, āmu kiimārēy simakarta nyoonēē kimaa-am *Pasaka. 29 Kuwō *:Pilaato saang' akuteep kāāntōōyiichoochēē kilē, “Ārwoochinii nee chiichi?” 30 Kuwālchi :pichoochēē kilē, “Kātāmākuumutuun chiichi ntā maaleel.” 31 Kumwoochi *:Pilaato pichoochēē kilē, “Amuta nyuun ākoopoorwoochi nkōō ng'ātuutēkwook.” Kuwālchi :pichoochēē kilē, “/Mākuchāmwēēch kēērwoochii chiich ākēēpārchi kimurtooyoon.” 32 Kii-iriisyō :ng'aleechu, takuusilta :kiyi kiimwoorēy :Yēēsu akipō wōloo kiiwō kumēērtooy.
33 Kuwaraka *:Pilaato kō, kukuur Yēēsu akuteep kilē, “Inyēēn :pāytooyiintoo Yāwuutik?” 34 Kuwālchi :Yēēsu kilē, “Pkoonēēniin ng'aleechoochēē keeteepaan ntā kāmwooruun :piich walak akipō aneen?” 35 Kuwālchi *:Pilaato Yēēsu kilē, “Ipkootēy :inyēēn kilē aneen Yāwuutyoon? Mā piikuuk nkōō *tisiik choo ēēchēēn chu keemutuun wōli. Kee-ir :inyēēn nee?” 36 Kuwālchi :Yēēsu kilē, “Mā pō :pāyuunātēēnyuun ng'wēny. Ntā kāpō ng'wēny, tākā-irēy :kipāyitiinēchuuch pooryoot kutay kumanaman :kāāntōōy chēpō Yāwuutik. Wōloo nyuun māpō :pāyuunātēēnyuun ng'wēny.” 37 Kuteep *:Pilaato Yēēsu kilē, “Ara inyēēn sōō pāytooyiin?” Kuwālchi :Yēēsu kilē, “Keemwaanyēēn kilē aneen pāytooyiin. /Kiikunaman ākoochōōn ng'wēny si nēē ng'at āchōōn aneet piich ng'ālyoon nyēpō man. Chiich nyēpō man ku tēērwoon ng'aleechuuch.” 38 Kuteep *:Pilaato kilē, “Man ku nee?”
Kuureer kuwō *:Pilaato saang' wōli kiimii :pichoochēē akumwoochi kilē, “Moonyōōru :kir aka tōkōl nyaa ra nyoo kii-ir :chiichi. 39 Aku kilēē paani lēē ātēpuutēkwook, ku ānkēt :akwaan kilē cham ātyooytoowook chiich ākoong'o nyaa rataat nkōō pērēētuus chēpō *Tuumpō Pasaka. Ara āchāmēy ātyooytoowook pāytooyiintoo Yāwuutik?” 40 Kuwālchi :pichoochēē nkōō kuut nyoo ōōw kilē, “Acha! Mā nyoonēē! Tyaaytee Paraapa.” /Kiikiikunam Paraapa /akeerat āmu kii :chiich nyoo kiipooryēērēē pāyuunāt nyēpō Rooma.