Kārkēēyin nyēpō kipāyitiin mu paraa sapiipuun
12
1 Kumwoochi :Yēēsu kāāntōōyichoochēē nkōō kārkēēyin kilē, “Kiimii :chiich aka kēny nyoo kiitoot *sapiipuun pareenyiin akukar. Kupal kēpēn sikupēēchi :pērēēpō *sapiipuun paani kākupir. Kuteek kasar nyoo /kuriipēē paree. Kii nēē waang', kuutē piich walak kipa kuriipchi paree akuwēēchi keey kōōrēē aka. 2 Nēē mii paani kāruryō *:sapiipuunēk, kuuyooytō :chiichoonēē pō paree kipāyityoonteenyiin kuwō wōloo kiimii :pichu kiiriipēy paraanoonēē kuwō ku-āpchi lokoreechiich. 3 Paani ka-it :kipāyityoontoonoonēē wōloonēē, kunam :pichoochēē akulap, aku-oon kilēēn.4 Kuuyooytō :chiichoonēē kipāyityoonteenyiin aka. Kunam :pichoochēē akulap mēt, akumuul. 5 Kuureer kuuyooytō :chiichoonēē pō paree kipāyityoonteenyiin nyēpō sōmōk. Paani ka-it /keekeet. Kuureer kuuyooytō kipāyitiinēk walak kutuup keey. Nēē itēy wōloonēē /kēēlāpēy walak /kēēkēētēy walak. 6 Kiitākuting'ēy :chiichoonēē chiich ākoong'o nyoo muukēy kuuyooytō, wēēriinyiin nyoo kiichāmēy. Nyēpō lēt, kuuyooytō wēēroonēē kuwō wōloo mii :pichoochēē, kuupkootēy kilē, ‘Koonyitēy wēēriinyuun’ kuuyooytō nyuun kuwō.
7 Paani ka-it :wēēroonēē wōloonēē, kukuur keey :pichoochēē akilē, ‘Murēchu, ānyi nyoo pāyituuy paree! Apkaana keekeeta sikupāyitwēēch :paraani.’ 8 Kunam wēēroonēē akuukeet akuwiirchi pōōrtō paree saang'.”
9 Kuteep :Yēēsu pichoochēē kilē, “Irēy nee nyuun :chiipō paree? Āmārēy āmwoorwook kiyoo irēy. Chōōnēy akuukeet pichoochēē tōkōl akuutē piich walak kuriipchi paree.” 10 Kilēēchi :Yēēsu pichoochēē, “Ānkēt :akwaan man kilē mwoorēy siruut chēpō Iriin kilē,
‘Kor nyoo kiitay :tēēkik
:nyi kiilēku tēlēkuutaa koot.
11 Iriin ākityōōn nyoo kii-ir ng'aleechu.
Akipō kwōng'uut nēē /kuuro.’† ”
12 Kiisōwu :kāāntōōyichoochēē kilē mii :Yēēsu kung'āloolēē akwaaneek nkōō kārkēēyinoonēē. Kiimārēy kunam Yēēsu, wōloo nyuun kiiwar piich. Kimētō akupēēchi keey.
Kuutyāmēy :kāāntōōy Yēēsu takunam
13 Nēē mii lētuun, kuuyooytō :kāāntōōyichoochēē *Parisaayik walak ākōō piipō *Ērōōtē kupa kuutyam Yēēsu sikunam akipō ng'aleechiich. 14 Paani ka-it wōloo mii :Yēēsu, kilēēchi, “Koonēētiin, kiinkēt kilē imwoorēy man, amēēwārēy piich kilē ng'oo :ng'oo. Akiinēētēy ng'al chēpō man ākōō kiyoo mārēy :Iriin kee-ir. Mwoorwēēch nyuun, chamaat /kēēkwārchi *Kayisaari *kōōti ntā machamaat?”
15 Paani kateepee :pichoochēē Yēēsu kilēē nyoonēē, kusōwu ng'uurnaneeng'waang' nyoo kiipkootēy. Kumwoochi kilē, “Āmu nee saatyamaan? Āpkoon rōōpiyoon aro.” 16 Kwoopchi rōōpiyoon. Kuteep :Yēēsu pichoochēē kilē, “Pō ng'oo :itōōni mii rōōpiyoontooni, ākōō kaarinee nyi kiikusirchi? Kuwālchi :pichoochēē kilē, ‘Pō *Kayisaari.’ ”
17 Nkōō yoonēē, kilēēchi :Yēēsu, “Ātēē *Kayisaari chaachiich, ātō Iriin chaachiich.”a Kikwōng'yō :pichoochēē nkōō kiyoo kiimwa :Yēēsu.
Kitēēpēy :Satukaay akipō ng'eetataa meerat
18 Nēē mii yoonēē, kupkoonchi Yēēsu *:Satukaay walak. Kiirānēy :pichoochēē kilē /mākung'ēētēē piich meerat. Kuteepa :pichoochēē tēēpuut Yēēsu kilē, 19 “Koonēētiin, kiisirweech *:Muusa ng'ātuut nyoo mwoorēy kilē ‘Nēē ma :chiich akumētō cheepyooseenyiin kitoomō kunāmchi laakwa, kumilēy :wēēriing'waang', akunāmchi laakōōy choo /kukuurtēērēē wēēriing'waang' :nyi kiima.’ 20 Kiimii nyuun :chiitō aka kēny nyoo kiiting'ēy wēēchiichiich tisap. Kwoopiisyō :kipooreet akima kimaanam laakwa. 21 Kumil :wēērii nyēpō ārēēny cheepyoosoonoonēē, kima amaanam laakwa. Kutuup :wēērii nyēpō sōmōk, akima mpō ama laakwa. 22 Ku-ira kilēē nyoonēē ākōy ku-it wēērii nyēpō tisap. Kurook :pichoochēē tōkōl ama laakwa. Nēē mii lētuun, kima :cheepyoosoonoonēē. 23 Mwoorwēēch kee, poyiituuy ng'oo :cheepyoosoonoonēē paani kāng'ēētyēērō :pichoochēē tōkōl meerat, āmu pō man kilē, kiiku-āp :pichoochēē tōkōl cheepyoosoonoonēē?”
24 Kuwālchi :Yēēsu kilē, “Lēēluut nyoong'woong' ku nyi moonkēt :akwaan wōloo lēē :siruut chēpō Iriin, aku moonkēt mpō kaamuuka nyēpō Iriin. 25 Paani kaakung'ēētyēērō :piich meerat, ku mēēlē tāku-āpiisyēy ntā /kēē-āp, māng'iisyēy kilēē *malaykeen choo mii kipsēnkwēt. 26 Akipō nyuun ng'eetat nyēpō piich choo kiikumēērō oo, toomō asooman :akwaan nkōō kiitapuu *Muusa, akipō saamuurta nyoo kiimii ma akimalar, kiyoo kiimwoochi :Iriin *Muusa kilē, ‘Aneen Iriintoo Apraam, Isaka ākōō Chaakōp?’† 27 Mā Iriintoo piich choo kiikumēērō, aku pō choo sāpyootēēn. Kyoochuunnyēēkwaan.”
Ng'ātuutyēē nyoo ōōw nkōō tōkōl
28 Kiimii yoonēē :koonēētiin aka nyēpō ng'ātuut nyoo kiimii kutēērēy kiyoo kiimii kung'āloolēē :Yēēsu ākōō *Satukaay. Paani keewaang' :Yēēsu kumwa ng'aleechoochēē, kuuro :koonēētiintoonoonēē pō ng'ātuut kilē kiiwālchi :Yēēsu pichoochēē nkōō oor nyaa karaam. Kuteep :chiichoonēē Yēēsu kilē, “Nkōō ng'ātuut tōkōl choo kiikōōnēēch :Iriin, nyōō nyi ōōw nkōō tōkōl?” 29 Kuwālchi :Yēēsu kilē, “Ng'ātuutyēē nyoo ōōw ku nyi: ‘*Israayeel, ateertee! Kiptaayaanteenyoon Iriin ku ākoong'o. 30 Icham Iriin Kiptaayaanteeng'uung' nkōō moong'uung' tōkōl nkōō sopoontāng'uung' tōkōl, nkōō kaapkootuutēkuuk tōkōl, ākōō nkōō kaamuukēēng'uung' tōkōl.’† 31 Aka nyoo ōōw nyēpō ārēēny ku nyi: ‘Icham piich walak kilēē wōloo ichāmtooy keey.’† Moomii ng'ātuut walak choo ēēchēēn choo siirēy chu.”
32 Paani keewaang' :Yēēsu kumwoorēy kilēē nyoonēē, kilēēchi :koonēētiintoonoonēē pō ng'ātuut, “Kōōnkēy koonēētiin, keemwaa man kilē Kiptaayaanteenyoon Iriin ku ākoong'o. 33 Karaam nyuun nēē cham :chiich aka tōkōl Iriin nkōō moonyiin tōkōl, nkōō kaapkootuutēchiich tōkōl, nkōō kaamuukeenyiin tōkōl, akicham piich walak kilēē wōloo chāmtooy keey. Karaam /keetuup ng'aleechu kusiir /keepeel kōrōs nkōō *Kōpō Iriin.”
34 Paani keero :Yēēsu kilē kāwālu :chiichoonēē nyaa karaam, kumwoochi kilē, “Mēēnyēēn lōōw mu pāyuunāt nyēpō kaa Iriin” Kung'eetee yoonēē, ku moomii :chiich nyoo kiitakuteep Yēēsu ng'ālyoon aka tōkōl.
Meesaaya ku ng'oo?
35 Kii nēē mii :Yēēsu kuunēētēy piich mu piriiruu *Kōpō Iriin, kuteep kilē, “Muukēē kilē nee kumwa :koonēēt chēpō ng'ātuut kilē chōōnēē *:Meesaaya kōpō Tāwuti? 36 Kiimwoochi :Toomirmiir nyoo Tiliil Tāwuti kumwa kilē,
‘Kiimwoochi :Kiptaayaan Kiptaayaanteenyuun kilē:
Tēpēē ēēruunyuun kamas pō taay
ākōy āpēluun puunikuuk.’†
37 Kunyuun oo, nēē kuurēē :Tāwuti inyeentee ‘Kiptaayaanteenyuun,’ kilēkuuntooy ānō wēēriinyiin?”
Kiipāypāchi :piich tōkōl kiyoo kiimwa :Yēēsu.
Kikirēy :Yēēsu piich kiriipō keey Parisaay ākōō koonēēt chēpō ng'ātuut
38 Kitas taay :Yēēsu kunēētiisyō kilē, “Āriipēē keey koonēēt chēpō ng'ātuut. Chāmēy :pichu kuulookēy sirōōy choo koorēēn akumārēy /kēētookwēēsēy nkōō koonyit nkōō siirēēn. 39 Chāmēy :pichu kulēwēnēy ng'achareen chēpō taay mu sinakōōkiin aku mwērchinii :pichu ng'achareen chēpō koonyit mu kaaptuum. 40 Mēlmēēlēy :pichu chēēpyōōsōōy choo lēē mōsōōk takusaree tukuukwaak, aku sooyēy ku-irtooy keey kilē kāroomō. Tilchinii :Iriin kiirwook pichu nyaa ng'waan kusiir nyēpō chiich aka tōkōl.”
Kōōnunēy choo kiitētō :mōsōk
41 Kimii :Yēēsu kutēpēē ng'wēny mu *Kōpō Iriin yoo kilēēkitēē saapōōy choo /kiikuutēnii kōōnuunēy chēpō pāyiisyoo Iriin. Nkōō yoonēē, kuuro :Yēēsu wōloo kiitēntooy :piich kōōnuunēy saapōōchoochēē. Kiitēnii :piich choo lēē mōkōrō rōōpiyō chaa chaang' saapōōchoochēē. 42 Nēē mii yoonēē, kuchō :cheepyooso nyoo kii mōsōk aku mēēywoon, akuutē rōōpiyō choo ng'ērin choo kiiting'ēy saapaanoonēē.
43 Kukuur :Yēēsu kiineetanichiich akumwoochi kilē, “Āmwoorwook man kilē, cheepyoosooni lēē mōsōk nyi kākōōnu kōōnuunēy chaa chaang' kusiir chiich aka tōkōl nyoo kēētē kir saapaani. 44 Kākōōnu :pichu tōkōl kir nyoo mining' nkōō chaa chaang' choo ting'ēy, ku cheepyoosooni, lēē mēēywoon kilēē wōli lēē, ku kākōōnu chaachiich tōkōl choo kāriipēē keey.”