3 Kumii :Yēēsu Peetannya ku-āmiisyēy nkōō kaa Siimnyōn, chiich nyoo kiikyaam :kōōnchōryoontō, kuchō :cheepyoosee aka nyoo kiiting'oonuuy mwaar. /Kiikyoolēē mwaari rōōpiyō chaa chaang'. Kuryēchi :cheepyoosoonoonēē kaat pō sētoo mwaar akuroonchi Yēēsu mwaaroonēē mēt.

4 Paani keero :piich walak choo kiimii kōyoonēē kiyoo ka-ir :cheepyoosoonoonēē, kunyāliisyō akuteep keey kilē, “Nee /kiiluluukeetaa mwaar nyi? 5 /Kātākyooltēērēē mwaari rōōpiyō chaa chaang' /ākēētē rōōpiyēēk mēēy.” Kunyālāchi :pichoochēē cheepyoosoonoonēē.

6 Kilē :Yēēsu, “Āmētēē cheepyoosoonoonēē, koo-iimchi nee inyeentee? Kaaku-irwaan kir nyaa karaam.” 7 Kitas taay :Yēēsu kumwoochi pichoochēē kilē, “Āmii :akwaan nkōō mēēy pērēētuu aka tōkōl ākootoorētēy nēē āchāmēy. Wōloo nyuun moomii nkōō aneen ākōy. 8 Kaaku-ir :cheepyoosoonoonēē kiyoo kēēmuukēy, akēēsip kuu-iil pōōrtanyuun kutoomō pērēētuuni /pākēētupēy. 9 Ākoomwoorwook man kilē, /mākuruutyēērēē cheepyoosooni nkōō kir nyoo ka-ir nkōō ārii aka tōkōl yoo /ku-āmtoorēē lōkōōy choo kāroomēēn mu ng'wēny tōkōl.”

10 Nēē mii yoonēē, kuwō :Chuutaas Iskaryōōt, nyoo kii ākoong'o nyēpō kiineetanik taman nkōō ārēēny wōloo kiimii *:tisiik choo ēēchēēn kuwō ku-alta Yēēsu. 11 Paani kateer :tisiichoochēē ng'aleechoochēē pō Chuutaas, kupāypāyiituuy akuuyoomiis inyeentee rōōpiyō. Kutoowu :Chuutaas kuwas porooyin nyoo āltēērēē Yēēsu.

12 Nēē mii pērēētuu nyēpō taay nyēpō tuum nyoo /kiikyoomēy makatyaan nyoo maakuutu, pērēētuuni yēēng'ēy :Yāwuutik mākool siku-am paani katuuriit :kōōrēē, kuteepa :kiineetanik Yēēsu kilē, “Imārey kēēchēpēē ānō āmiisyoonipō *Pasaka takee-ama?” 13 Kuuyooytō :Yēēsu kiineetanichiich ārēēny akilēēchi, “Apee ākōy :Chēērusālēēm yoo ātuuyēērēē chiich nyoo āpēē pēr kisaapan. Atuup chiichoonēē lēt. 14 Kaayi kachuut :chiichoonēē, apa ākoomwoochi chiipō kaayoonēē kilē, ‘Kālē :koonēētiintēē: Mii ānō koonyuun nyēpō too nyoo ā-āmēē *Pasaka ākōō kiineetanichuuch?’ 15 Ng'uutwook :chiichoonēē koot aka nyēpō parak nyoo /kiikēēchēp. Āsātuunēēnēēch āmiisyō yoonēē.”

16 King'ēētyō :kiineetanik akupa ākōy Chēērusālēēm. Kupa kunyōōru tukun tōkōl kilēē wōloo kāmwoochintō :Yēēsu, akichēp āmiisyō nyēpō *Pasaka.

17 Paani kāwō kutuuriit kōōrēē, kuchō :Yēēsu ākōō kiineetanichiich taman nkōō ārēēny ākōy kōyoonēē. 18 Kimii :Yēēsu ku-āmiisyēy ākōō kiineetanichiich, kumwoochi akwaaneek kilē, “Āmwoorwook man kilē, mii :akoong'o nkōō akwaan nyoo wēētii ku-āltooyoon, inyeentee nyoo ā-āmiisyēy tōkōl.” 19 Kutoowu kuu-iim keey :kiineetanik akuteepee :aka tōkōl kilē, “Ara aneen?” 20 Kuwālchi :Yēēsu kilē, “Ākoong'o nkōō akwaan nyoo kimii kēēnōnōōkēē :tōkōl makatyaan mōōnkwēē ākoong'o. 21 Mēērēy *:Wēēroo Chiich kilēē paani /kiikeesir mu siruut. Aku rāyiituuy nyuun kitya nkōō chiich nyoo āltooy. Kiitakaykay ntā /kiimakunam chiichoonēē.”

22 Paani mii ku-āmiisyēy, kunam :Yēēsu makatyaan akumwoochi Iriin kōōnkēy. Kupuutil akuutē kiineetanichiich, akilē, “Pōōrtanyuun :nyi, aama.” 23 Kunam kikoompee nyoo kiimii *:tiipaay, kumwoochi Iriin kōōnkēy, kuutē kiineetanichiich, kura :chii tōkōl. 24 Kumwoochi :Yēēsu kilē, “Kērētiichuuch :chu chēpō miis nyoo rēēl choo /kitārtooy akipō piich chaa chaang'.^a 25 Āmwoorwook man kilē moorēēy kuureer *tiipaay ākōy pērēētuuni āwoorēēy chaa reelacheen mu kaa Iriin.”

26 Paani keewaang' kutuumēy tuum kupa kuutang' kamas pō Tulwoo *Musēytuun.

27 Kumii kupēētii, kumwoochi :Yēēsu kiineetanichiich kilē, “Āryētooy :tōkōl ākoomētoon, kilēē paani /kiikusir kilē,

28 Aku nyuun, paani /kaakeeng'eeteenaan meerat, āntōrōōrtoorēēnook āwō Kalilaaya.” 29 Kumwoochi :Pēētērō Yēēsu kilē, “Mpō tāmwēr :piich tōkōl ku moomētooyiin.” 30 Kilēēchi :Yēēsu Pēētērō, “Āmwooruun man kilē kutoomō kuchār :kipsōōywō nyēpō ārēēny lang'atuuni, itayēy āsip sōmōk kilē mēēnkētoon.” 31 Kilē :Pēētērō, “Mpō ntā meerat ku mootāyēy kilē moonkētiin.” Kumwa mpō :kiineetanik tōkōl kilēē nyoonēē.

32 Kuwō :Yēēsu ākōō kiineetanichiich ākōy yoo /kiikuurēē Keetseemaani. Paani ka-it kilēēchi :Yēēsu akwaaneek, “Ātēpii yēēnyi āwō asa.” 33 Kuumut :Yēēsu Pēētērō, Chēēmis ākōō Chowaana kupa nkōō inyeentee. Nkōō yoonēē, kuchōōnchi :ng'woonin Yēēsu akuu-iim keey. 34 Kilēēchi :Yēēsu kiineetanichoochēē, “Ng'waanaa moo nyoo paanta āmēērēy, āng'ētuunēē yi, ākoochikēnchō.”

35 Kuwō :Yēēsu taay nyoo matyaan kukutung' akusa kilē nēē muukēē kusiirtoorēē :pērēētuunoonēē pō ng'woonin inyeentee. 36 Kumwa kilē, “Apoo! Muukiisōōt :tukun tōkōl nkōō wōloo imii, naayteereenaan nyarili, Aku nyuun, amee-ir kilēē wōloo āmārtooy, i-ir kilēē wōloo imārtooy.”

37 Paani kawaraka, kinyōōru kiineetanichiich chu lēē sōmōk kumii rwoon. Kumwoochi Pēētērō kilē, “Siimnyōn, kēēruu? Mēēmuukēy mpō ichikan saayit ākoong'o? 38 Āchikānchēē akaasaa simooputyō nēē /kuutyamaak. Chāmēy :mēē, wōloo nyuun moomii :kaamuukee.” 39 Kuureer kuwō kusa kilēē taay. 40 Paani kawaraka :Yēēsu, kuwō kunyōōru kiineetanichoochēē mii rwoon, āmu kiiting'ēy rwoon nyoo nyikiis. Kipēti :kiineetanik kiyoo mwoochinii Yēēsu. 41 Paani kawaraka :Yēēsu nyēpō sōmōk, kilēēchi kiineetanichiich, “Toomii āruusōōt ākoomuung'ēy? Kaakuyam! Kaaku-it :saayit nyoo ku-āltooy *Wēēroo Chiich kuwō ēēruunēpō kipng'ōōkiin. 42 Āng'ēētyēē keepee. Aroo kee anyi kaaku-itu :chiichi āltooyoon.”

43 Paani kiitākumii :Yēēsu kung'āloolēy, ku-itu :Chuutaas nyoo kii ākoong'o nyēpō kiineetanichiich taman nkōō ārēēny. Kiitāsoonuuy piich chaa chaang' choo kiiting'ēy chōōkoon ākōō ruunkuus. Kiiyooku pichoochēē *:tisiik choo ēēchēēn, koonēēt chēpō ng'ātuut ākōō kāāntōōy. 44 Kiikiikumwoochi :Chuutaas pichoochēē kilē, “Chiich nyoo ātēnii aasak ku nyoonēē, anam ākooriipootō.” 45 Paani ka-it :Chuutaas, kuwō kilē weel yoo kiimii :Yēēsu akuutaakwees kilē, “Aasak, koonēētiin.” 46 Kunam :pichoochēē Yēēsu. 47 Wōloo nyuun king'eet :akoong'o nyēpō pichu kiiryoonchēērēē yoonēē, kung'usu chōōkeenyiin akichwan iitpō kipāyityoontoo *Tisiintēē nyi Ōōw kuchinta.

48 Kumwoochi :Yēēsu pichoochēē kilē, “Āmu nee soo-āpuu chōōkoon ākōō ruunkuus apaanamaan kilēē aneen pāriin? 49 Nku kyoomii nkōō akwaan pērēētuu aka tōkōl, ānēētiisyēy mu piriiruu *Kōpō Iriin amaanamaan? Wōloo nyuun, akanya kuusilta :siruut.”

50 Kimētō Yēēsu :kiineetanichiich akuryata kupēēchi keey. 51 Kiimii :narana nyoo kiikiilaak anka nyoo kituupēy Yēēsu, /keenam, 52 kung'usta ankee akuurip kimutul.

53 /Keemut Yēēsu ākōy kaa *Tisiintēē nyoo Ōōw wōloo kiikiirumchi keey *:tisiik choo ēēchēēn, koonēēt chēpō ng'ātuut ākōō kāāntōōy. 54 Kiituup :Pēētērō Yēēsu nkōō ripaarip. Kuwō ākōy ku-it piriiruu kaa *Tisiintēē nyi Ōōw. Kumii wōloonēē, kutēpō ng'wēny ākōō piich choo kiiriipēy kaayoonēē akuyu ma.

55 Kiiwas *:tisiik choo ēēchēēn ākōō *kōōkwoo Yāwuutik tōkōl ng'al choo toomchinii Yēēsu /sikeekeet, kumākunyōōru nyuun ng'ālyoon aka tōkōl. 56 Kiimwa :piich chaa chaang' ng'al chēpō ng'uurnan kuutoomchi Yēēsu, wōloo nyuun, maachoomnyō :ng'aleekwaak. 57 Kiiryoonchō :piich walak akuutoomchi Yēēsu ng'al chēpō ng'uurnan kilē, 58 “Kiikuteer kumwoorēy :chiichi kilē, ‘Āmilēy Kōyi pō Iriin nyi kiitēēkēy :piich, akaateek aka nkōō pērēētuus sōmōk nyoo mātēēkēy :chiich.’ ” 59 Kimaakichoomnyō :ng'alēēpō pichoochēē.

60 Kuuryoong' *:Tisiintēē nyoo Ōōw nkōō kōōkwoo pichoochēē tōkōl akuteep Yēēsu kilē, “Mēēting'ēy ng'ālyoon nyoo imwoorēy akipō ng'aleechu kamwa :pichu akipō inyēēn?” 61 Kusiisi keey :Yēēsu amaawalta ng'ālyoon. Kuureer kuteep *:Tisiintoonoonēē Ōōw Yēēsu kilē, “Inyēēn *Meesaaya, Wēēroo inyeentee nyoo Pēēruuroot?” 62 Kilēēchi :Yēēsu, “Aneen nyoonēē, ākoorōōtēy *Wēēroo Chiich, kutēpēē ēēruu taay nyēpō Iriin nyēpō kaamuuka tōkōl, ākoorōōtēy kuchōōnēē pool chēpō parak.”

63 Paani kateer *:Tisiintoonoonēē Ōōw kiyi kamwa :Yēēsu kupaal sirōōchiich akimwa kilē, “Tākēēmārēy sōwi chēpō nee? 64 Kaateer :akwaan wōloo muultooy :chiichi Iriin. Āmwoorēy nee nyuun?” Kutil tōkōl kilē yāmēy /keekeet.

65 Kitoowu :walak kung'uti Yēēsu, akurat koonyin, akulap, akumwoochinii kilē, “Mwoorwēēch, ng'oo :nyi kalapin?” Kunam :riipiik akuurapaak.

66 Kimii :Pēētērō piriiruunoonēē pō *Tisiintoonoonēē Ōōw, kuchō :chēēto aka nyoo kii kipāyityoontoo tisiin, akuuweer yoonēē kiimii :Pēētērō. 67 Paani keero :chēēpoonēē Pēētērō mii kuywēē ma, kuuro akilē, “Kēēmii :inyēēn mpō ākōō Yēēsu nyēpō Naasareet.” 68 Kitay :Pēētērō akilē, “Moonkēt :aneen amaasōwu mpō kiyoo ing'āloolēē.” Kuunaayta kuwō kurkat nyēpō piriiruu kaayoonēē. Nkōō yoonēē, kuchār :kipsōōywō. 69 Kuuro :chēēpoonēē akumwoochi piich choo kiimii yoonēē kilē, “Kiineetanee aka nyēpō Yēēsu :chiichi.” 70 Kuureer kitay :Pēētērō. Nyoo matyaan, kumwoochi :pichoochēē Pēētērō kilē, “Man, inyēēn :akoong'o nyēpō pichu, āmu ichōōnēē mpō Kalilaaya.” 71 Kusirpēn :Pēētērō kilē, “Moonkēt chiichi āmii :akwaan āng'āloolēē.” 72 Nkōō yoonēē, kuchār :kipsōōywō nyēpō ārēēny. Kuupkaat nyuun :Pēētērō ng'aleechu kiimwoochinii :Yēēsu kilē, “Kutoomō kuchār :kipsōōywō kunyil ārēēny itāyēy āsip sōmōk kilē mēēnkētoon.” Nkōō yoonēē, kuriir :Pēētērō.