Ang Pangaduha nga Sulat ni Pablo kay
Timoteo
Ang Pang-una nga Hambay
Ang Pangaduha nga Sulat ni Pablo kay Timoteo hay puro pagpadumdom, paglaygay kag mga bilin kay Timoteo bilang ongà sa pagtuo (1:2) kag nakakabatà nga kaibahan ni Pablo sa pagserbisyo kay Hesu-Kristo. Ginglaygayan ni Pablo si Timoteo nga maging matutom nga sundalo nga wayà ginakahuyà ang iya relasyon kay Kristo bilang iya pinunò kag maging mahugod sa paghuman sa responsibilidad bilang manunudlò kag miyugwali ng Maayo nga Balità. Ini tanan hay dapat niya nga humanon abir pa nga siya hay makaagi ning mga kahugaan kag pagkuntra.
Gingsulat ini ni Pablo nang tiyempo nga ang mga nagatuo kay Hesus hay nagaagi ning mga kahugaan kag subra nga mga pagpasakit tungod sa pagtuo. Siya hay napriso sa Roma kag gingsintinsiyahan nga patyon tungod sa pagwali ng Maayo nga Balità. Nganì gingpakusog ni Pablo ang kaugalingon ni Timoteo kag gingpaandaman parti sa kung pauno ang pamatasan ng mga tawo sa ulihi nga mga adlaw. Ginataw-an gid ning importansya ni Pablo ang paandam sa mga wayà kapuyos-puyos nga pagdinibati kay ini hay wayà gid ning maayo nga maibulig kundì kasiraan lang sa mga nagapamatì.
Ang mga Suyod
I. Ang Pagpakilaya ni Pablo kag Pagpangamusta (1:1-18)
A. Ang Pagpangamusta kay Timoteo bilang Ongà sa Pagtuo (1:1-2)
B. Ang Pagdayaw kay Timoteo tungod sa iya Pagtuo (1:3-5)
K. Ang Pagpadumdom sa Responsibilidad parti sa Maayo nga Balità (1:6-18)
II. Ang Pagkamatutom para sa Maayo nga Balità (2:1-26)
A. Ang Matutom nga Miyugserbisyo kay Kristo Hesus (2:1-13)
B. Ang Paglikaw sa mga Manunudlò ning Salà (2:14-18)
K. Ang Maayo nga Miyugserbisyo sa Dios (2:19-26)
III. Ang Matatabò sa Ulihi nga mga Adlaw (3:1-17)
A. Ang Malain nga Batasan ng mga Tawo (3:1-9)
B. Ang mga Ulihi nga Bilin (3:10-13)
K Ang Importansya ng Banal nga Kasulatan (3:14-17)
IV. Ang mga Bilin kay Timoteo kag ang Katapusan nga Sulat (4:1-22)
A. Ang Pagtao ning Importante nga Bilin (4:1-5)
B. Ang Pang-ulihi nga Pamatuod ni Pablo (4:6-8)
K. Ang Paghigugmà kag Pagpangamusta ni Pablo (4:9-22)